2 Samuel 12:11 - সান্তালী বাইবেল

¹¹ “Probhu Isor do arhõe meneda, ‘iń do amakʼ gharońj khonge am do muhinreń paṛao ocomea. Amakʼ mẽtʼãhã samaṅrege amren erako do amren hoṛiń emaea. Uni do sanamko samaṅre amren erako tulucʼe giticʼ midokʼa.

2 Samuel 12:11 Referans Kwoze

Dosar Biboron 28:30

“Okoeṭakʼ maejiu sãote baplakʼ lạgitʼem ṭhik dohoy uni tulucʼ do eṭakʼ herel hoṛe giticʼmidokʼa. Oṛakʼpe benao joṅgea menkhan onare bape tahẽ daṛeakʼa. Darkha bagwankope benaogea menkhan ona reakʼ jo do bape jom daṛeakʼa.

2 Samuel 15:10

Absalom do Israelren sanam gusṭiko ṭhen noa katha menkate oko okote hoṛkoe kolketʼkoa, “Sakwa reakʼ saḍe ańjom toragepe mena, ‘Absalom do Hebronren raje hoyena.’ ”

2 Samuel 15:6

Israelren tinạkʼ hoṛ raj ṭhen bicạr lạgitʼko hijukʼkan tahẽkan Absalom do onko tulucʼ nonkageye beoharetʼ tahẽkana. Nonkate uni do Israelkoakʼ mone kombṛoyetʼtako tahẽkana.

Jeheskel 14:9

“ ‘Ar uni nạbi jãhãnakʼe roṛ ruạṛae enḍekhan baḍaeme, iń Probhu Isorge roṛ ruạṛ emokʼ lạgitʼ uniń bulạu akadea. Ona tayom uni nạbi upạrte tiyiń tultińạ ar ińren hoṛ Israelko tala khoniń marao giḍikaea.

Dosar Biboron 17:17

Uni do aema aloe bạhu joṅma; onate uni do eṭakʼ secʼe ghańjeṛokʼa. Uni do apnar lạgitʼ sona rupạ aema aloe jarwajoṅma.

2 Samuel 15:14

Unre Dạud do Jerusalemre acʼren okoeko kạmiyạ hoṛko tahẽkan onkoe metatʼkoa, “Dela, abon do nonḍe khon bon dạṛa. Ar baṅkhan okoehõ Absalomakʼ ti khon rukhiyạ do bako ńama. Abo do ńitge oḍok calakʼ hoyokʼtabona, ente usạrage ruạṛ hecʼkate uni do muhinreye paṛao oco bona ar nagraharen sanam hoṛkoe marao cabakoa.”

2 Samuel 16:11

Dạud do unre Abisae ar uniren sanam kạmiyạkoe metatʼkoa, “Ińren hoponge ińakʼ jiwi hatao reakʼe kurumuṭu kan khan Benjamin gusṭiren nui hoṛ do cetʼ artetʼge bae onkaea. Uni okae cekayetʼkan ona baṛe onka ocoaepe, ente Probhu Isorge ona onkae lạgitʼe metaekana.

Jobakʼ 31:10

enḍekhan ińren bạhu do eṭakʼ hoṛakʼ jantegeye ridma, ar eṭakʼ hoṛ do uni tulucʼe giticʼ midokʼma.