2 Samuel 11:15 - সান্তালী বাইবেল

¹⁵ Onare niạ kathae olkeda, “Okare kajak lạṛhại hoyokʼkan onḍe Uriạ do lạṛhại phạdko laharem dohoyea, ar uni tayom khonpe ocogokʼte unipe ńẽtʼ ocoyea jemone gujukʼ.

2 Samuel 11:15 Referans Kwoze

2 Samuel 12:9

Menkhan Probhu Isorakʼ mẽtʼre oka bạṛicʼakʼkan ona kạmikate cedakʼ uniyakʼ katha dom nihạ̃t akada? Uni Hiti hoṛ Uriạ do tarwaṛetem gocʼ ocokedea ar uniren bạhu do amren bạhu mentem hatao akadea, ar Amonrenko hotetem gocʼ ocoakadea.

1 Samuel 18:17

Mitʼdin Sạul do Dạude metadea, “Ińren maraṅicʼ hoponera Merab do am sãoteń baplakaea. Onate am do eken iń secʼ khon birbanṭa leka Probhu Isor lạgitʼ lạṛhạime.” Sạul do Dạud cetanre acʼakʼ ti rakabtae bae menetʼ tahẽkanre hõ Philisṭikoakʼ tite uni gocʼ ocoye do moneteye khojgokʼkan tahẽkangea.

Jirimiạ 20:13

Ape do Probhu Isor ńutumte sereńpe. Probhu Isorge õṛhẽyepe. Uni do dusṭạmi hoṛkoakʼ ti khon reṅgecʼ orecʼkoakʼ jiwiye rukhiyạyetʼtakoa.

Sereńko 51:14

E Isor, ińren babańcaoicʼ Isor, khuniạhi khon bańcaoińme; onate ińakʼ moca do amakʼ sarhaoe lại jạhira.

Sereńko 51:4

Am upạrte, hẽ eken am upạrtegeń kại akada ar am mẽtʼãhã samaṅre okaṭakʼ bạṛicʼakʼkan onageń kạmi akada. Onatege amakʼ roṛ do dhoromgea ar amakʼ bicạr hõ nikhutgea.

2 Samuel 11:17

Ar nagraharen hoṛ do oḍok hecʼkate Joab sãote lạṛhạiko ehopʼena ar unre Dạudren lạṛhại phạdren adomkoko gocʼ ocoyena ar ona sãote Uriạ Hiti hõe gocʼena.

1 Samuel 18:25

Unre Sạule metatʼkoa, “Dạud metaepe, raj do jãhãnakʼ gonoṅ hõ bae hataoa, eken bạiriko cetanre halae lạgitʼ mitʼsae Philisṭikoakʼ khatnakʼakʼge.” Nonkate Philisṭikoakʼ tite jemon Dạude marao utạrokʼ, noage Sạulakʼ monsubạ do tahẽkana.

1 Samuel 18:21

Uni do mone moneteye menkeda, “Dạud do ińren hoponerań emaea jemon hoponerań do uniren jhampa lekae hoyokʼ ar Philisṭikoakʼ ti uni upạrte paṛaokʼ.” Niạ hudiskate Sạul do Dạude metadea, “Ińren jãwãe goṅkeńem hoyokʼ reakʼ do niạge amakʼ dosar ạt kana.”

2 Samuel 11:16

Onate nagrahako gherao jokhecʼ Joab do Uriạ nonkan mitʼṭecʼ jaegateye kolkedea okare daṛean lạṛhại birko tahẽkan.

1 Rapajko 15:5

ente Probhu Isorakʼ mẽtʼre okaṭakʼ ṭhikakʼ kan onage Dạud doe kạmiyetʼ tahẽkana. Eken Uriạ hitti hoṛakʼ ghoṭna chaḍa uniyakʼ goṭa jionre Probhu Isorakʼ oka hukumge bae bemanotleda.

Sosolhayic̕ 8:11

Dusṭạmi kạmi reakʼ sạjại usạrate baṅ emawako khan hoṛkoakʼ mon do bạṛicʼakʼ kạmi lạgitʼ artetʼ tearokʼtakoa.

Jirimiạ 17:9

“Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.