2 Samuel 11:1 - সান্তালী বাইবেল

¹ Bochor reakʼ etohopʼ kana, ar rapajko do lạṛhại lạgitʼko oḍok calakʼa. Un jokhecʼ Dạud hõ lạṛhại lạgitʼ Joab ar uniren eṭakʼ subedarko ar Israelren lạṛhại phạdkoe kolketʼkoa. Onko do Amonrenkoko jarkharketʼkote Raba nagrahako gheraokeda. Menkhan Dạud do Jerusalemregeye tahẽyena.

2 Samuel 11:1 Referans Kwoze

1 Bõsbudạ 20:1

Hoe lolo din rapajko do lạṛhại lạgitʼ tinreko oḍokokʼkan tahẽkana unre Joab do lạṛhại phạdanteye oḍok calaoena. Uni do Amonkoakʼ disạme jarkharketʼte Rabate senkate onae gheraokeda. Menkhan Dạud acʼ do Jerusalemregeye tahẽyena. Ar Joab do Rabae akromonketʼte onae jarkharkeda.

1 Rapajko 20:26

Dosar bochor Benhadad do Aramrenkoe jarwaketʼkote Israelko sãote lạṛhại lạgitʼ Aphekteye rakapʼ calaoena.

1 Rapajko 20:22

Tayomte uni nạbi do Israelren raj ṭhen hecʼkateye menkeda, “Amakʼ daṛe do ḍhertam ar cetʼ cekae hoyokʼtama ona hudisokʼme, ente Aramren raj do kalom arhõe akromonmea.”

Sosolhayic̕ 3:8

dulạṛokʼ reakʼ okte ar kurudokʼ lạgitʼ okte, lạṛhại okte ar sulukokʼ lạgitʼ okte.

2 Bõsbudạ 36:10

Bochor mucạtʼre Nebukadnesar raj do hoṛ kolkate uni ar uni sãote Probhu Isorakʼ oṛakʼ reakʼ damanakʼ jinisko Babelteye idikedea, ar Jehoyakinren bokottetʼ Sedekiạ do Jihudạ ar Jerusalemren raje dohokedea.

Dosar Biboron 3:11

Rephiyikoren sarecʼ hoṛko modre eken Basonren raj Ogge jiwetʼe tahẽkana. Uniyakʼ mẽṛhẽtʼ reakʼ benaoakʼ giticʼ aṭetʼ do jeleńte are moka ar osarte pon moka tahẽkana. Ona do ńitokʼ hõ Amonrenkoakʼ Raba nagrahare menakʼa.

Jeheskel 21:20

Tarwaṛe lạgitʼ Amonrenko do Raba nagraha upạrte calakʼ reakʼ mitʼṭen hor ar Jihudạ ar pạcrite esetʼ nagraha upạrte calakʼ lạgitʼ horre mitʼṭecʼ cinhạ dohoyme,

Sakariạ 14:3

Ona tayom Probhu Isor doe oḍokokʼa ar lạṛhại jokhecʼ okae cekae onkage uni do jạtrenko upạrteye lạṛhạiya.

1 Samuel 18:30

Inạ tayom Philisṭikoren subedarko do lạṛhại lạgitʼ oḍok hijukʼko ehopʼena. Ar tinạkʼ dhaoko oḍok hecʼen unạkʼ dhaoge Sạulren kạmiyạko khon Dạud do bud salakʼe kạmiketʼteye jo bahayena. Ar nonkate uniyakʼ ńutum do manot idiyena.

2 Samuel 10:14

Aramrenko dạdạṛko ńelketʼko khan Amonrenko hõ Joabren boeha Abisoe samaṅ khonko dạṛketʼte nagraha bhitriteko boloyena. Ar Joab hõ Jerusalemteye ruạṛ calaoena.

Jirimiạ 49:2

Ńelme, okteko hijukʼkana tinre iń do Amonrenkoakʼ Raba nagraha upạrte lạṛhại reakʼ andoṛiń ańjom ocoya; unre ona do dhaṅdhaser akatʼ ḍạṅge hoyokʼa, ar ona beṛhaeteakʼ atoko do seṅgelko junḍiyakʼa. Unre Israelko do okoe ṭhenko dokhol ocolen onkogeko dokholkoa. Iń Probhu Isorge noa katha doń meneda.

Jirimiạ 49:3

“E Hesbon, homor halaṅme, ente Ai nagraha do jarkhar akana. E Raba nagraharen hoṛko, rakʼjoṅpe; gõṛẽ kicricʼ horokʼkate homor halaṅpe. Pạcriko talare ńir baṛaepe, ente aperen debota Milkom do sạṅgiń disạmteye bondi idiocokʼa, ar uni sãote uniren naekeko ar cetan hudạren kạmiyạko hõko idiocokʼa.

Amos 1:14

Ona lạṛhại dinre botoranakʼ birbão hoe leka lạṛhại talare iń do Rahab reakʼ bhit upạrte seṅgeliń kola; ar ona do uniyakʼ gaṛkoe joma.

Sereńko 60:9

Ona gaṛ nagrahate do okoeye ạyur idińạ? Ar okoe Edom reakʼ hor doe udukʼạńạ?