2 Samuel 10:3 - সান্তালী বাইবেল

³ Menkhan Amonren mukhiyạko do akoren kisạ̃ṛ Hanunko metadea, “Am do cetʼ noam hudiseda, Dạud do ạpume manotede tahẽkante jiwi raṛejtam lạgitʼ hoṛe kolakatʼkoa? Uni disạm ciyại lạgitʼe kolakatʼkoa jemon nagraha reakʼ khoj khoborko hatao daṛeakʼte tayomte onako marao daṛeakʼ.”

2 Samuel 10:3 Referans Kwoze

Genesis 42:16

Aperen huḍiń utạricʼ boeha ạguye lạgitʼ ape modren mitʼhoṛ kolkaepe, ar sarecʼko do jotoge bondi akanpe tahẽ hataṛokʼa. Ar apeakʼ katha sạri kana se baṅa ona sạbudokʼa. Menkhan uni nonḍe bape ạguye enḍekhan Pharao ńutumteń kiriạkʼkana ape do disạm cikʼyạ hoṛ kangeape.”

Genesis 42:9

Unre uni do onko reaṅe kukmũletʼ reakʼ katha disạ hecʼadea. Uni do onkoe metatʼkoa, “Ape dope disạm cikʼyạ hoṛ kanape. Aleakʼ disạm reakʼ okako jaegare rurukhiyạ reakʼ bebosta bạnukʼ onako ńel lạgitʼgepe hecʼakana.”

1 Korinthiko 13:7

Dulạṛ do sanamakʼgeye sahaoa, sanamkogeye pạtiạuakoa; sanamakʼrege ase dohoya; ar sanamakʼgeye sumbhrạua.

1 Korinthiko 13:5

dulạṛ do bae phulạukʼa, dulạṛ do bae becola, dulạṛ do bae hạr dogokʼa; dulạṛ do bae kaḍraokʼa; dulạṛ do bae adopa; dulạṛ do bạṛicʼ bae hisạba;

1 Bõsbudạ 19:3

Menkhan Amonren mukhiyạko do Hanunko metadea, “Cetʼem hudiseda uni do amren ạpum manot emae ar jiwi raṛejtam lạgitʼ hoṛe kol akatʼkoa? Ona do baṅa, uni doe kol akatʼkoa disạm ciyại lạgitʼ jemon amakʼ disạm reakʼ khoj khoborko hatao daṛeakʼ ar tayomte onako jarkhar daṛeakʼ.”

2 Samuel 3:25

Am do Nerren hopon Abnerem baḍae akadegea; uni do am sãote cholkate amakʼ khoj khobor hatao ar cetʼkom ceka kana ona baḍae joṅ lạgitʼe hecʼlena.