2 Samuel 1:2 - সান্তালী বাইবেল

² Ar tesar hilokʼ Sạulren lạṛhại phạdkoakʼ ḍera khon mitʼṭen hoṛ do Dạud ṭhene hecʼena. Uniyakʼ kicricʼ do oṛecʼ oṛecʼ ar bohokʼre do dhuṛi tahẽkantaea. Uni do Dạud ṭhen hecʼkate otre ombakʼkateye ḍobokʼadea.

2 Samuel 1:2 Referans Kwoze

1 Samuel 4:12

En hilokʼ Benjamin gusṭiren mitʼṭen hoṛ do lạṛhại phạdko tala khone ńir paskaoente Siloteye calaoena. Unre uniyakʼ kicricʼko do oṛecʼge ar bohokʼ hõ dhuṛite losoponḍo tahẽkantaea.

2 Samuel 4:10

okoe hoṛ do bhage sombate ạguakada mente Sạulakʼ gujukʼ khobore emadiń tahẽkan uni do sapʼkate Siklogreń gocʼocoledea. Ente uni lạgitʼ do ona siropage emae reakʼ tahẽkantińạ.

1 Samuel 25:23

Abigael do Dạude ńelkede khan usạrate gadha khone pheḍena ar otre ombakʼkate Dạude ḍobokʼadea.

Josuạ 7:6

Unre Josuạ ar Israelkoren murubbiko do apnarakʼ kicricʼko oṛecʼketʼte Probhu Isorakʼ sinduk samaṅre ạyupʼ hạbicʼ otre ombakʼ hape akanko tahẽyena. Ar akoakʼ bohokʼre dhuṛiko chiṭiạuana.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

Mathae 16:21

Un khonge Jisu do acʼren celako lạiyakoe ehopʼena je, acʼ do Jerusalemte calakʼ hoyokʼtaea ar murubbiko, maraṅ naekeko, ar sostor baḍaeko hotete ạḍi okocʼ duk jojom hoyokʼtaea. Are gocʼ ocokʼa ar pe mãhã hilokʼre gocʼko khon uni do jiwetʼ beredokʼ hoyokʼtaea.

Mathae 12:40

Cetʼ leka Jona do maraṅ okocʼ hakoakʼ lacʼre pe siń ar pe ńindại tahẽkan, onkage Manwa Hopon hõ pe siń ar pe ńindạ ot bhitrireye tahena.

Joel 2:13

Apeakʼ kicricʼ do baṅ menkhan ontor oṛejtape. Aperen Probhu Isor ṭhen ruạṛ hijukʼpe, ente uni do daya ar mãyãteye perecʼgea; uni do bae edre hodokʼa, uniyakʼ daya do asambheṛgetaea ar bạṛicʼakʼko iạteye kastaokʼkana.

Hosea 6:2

Thoṛa din tayom unige aboe bańcao bona, ar lahate lekae ạgu ruạṛ bona jemon uni samaṅre bon girobas daṛeakʼ.

Sereńko 66:3

Isor metaepe, “Amakʼ kạmi ńelte monre botor ar bhokti do rakabokʼ kana. Amakʼ maraṅ daṛe samaṅre amren bạiriko do tumbutʼ hape reakʼko bhankakʼa.

Ester 5:1

Tesar hilokʼ Ester do rạniyakʼ sajbaj horokʼkate raj doṅgol bhitri raj dorbarte senkateye teṅgoyena. Unre raj do siṅghạsonre duṛupʼkate duạr secʼe samaṅ akatʼ tahẽkana.

Ester 4:16

“Am do senkate Susanre menakʼko sanam Jihudikom jarwakoa ar iń ńutumte joto hoṛ upạspe dohoya. Ape do pe siń pe ńindạ cetʼge alope jom ńũiya. Ar ape cetʼ lekape upạs onkage iń ar ińren kạ̃ṛmĩko hõle upạsa. Ona tayom ạn upạrte jãhãnakʼge hoyokʼ enhõ iń do raj ṭheniń calakʼa. Ar ona khạtirte gujukʼ hoyokʼtiń khan hõ iń doń khaṛagea.”

2 Samuel 15:32

Ar hoṛko buru coṭre oka ṭhạ̃ire Isorko sewawae kan tahẽkan onḍenko seṭeren khan Erekren Husai do uni sãote ńapamokʼ lạgitʼe hecʼena. Uniyakʼ kicricʼko do oṛecʼ oṛecʼ ar bohokʼ do dhuṛite loso ponḍo tahẽkantaea.

2 Samuel 14:4

Tekoaren uni maejiu do unre raj ṭhen senkate otre ombakʼente uni ḍobokʼadeteye menkeda, “E maharaj, rukhiyạyińme baṛe!”

1 Samuel 20:41

Uni koṛae calaoen khan Dạud do ona ḍạṅ akatʼ dhiri reakʼ dạkhin secʼ khone rakapʼ hecʼena. Uni do Jonathan samaṅre otreye ombakʼente pe dhaoe ḍobokʼadea. Ona tayom unkin dokin cokʼana ar rarakʼkin ehopʼena, tobe Dạud do ḍhergeye rakʼkeda.

1 Samuel 4:16

Uni hoṛ do Eliye metadea, “Iń do lạṛhại phạdko tala khoniń ńir paskao hecʼakana, ar teheńgeń dạṛ akada.” Eli doe kuliyana, “E bạbu, cetʼ khobor hoyakana?”

Genesis 43:28

Onkoko roṛ ruạṛkeda, “Amren golam aleren baba do ńit hõe jiwetʼgea ar bogege menaea.” Ar noa menkate ombakʼkateko ḍobokʼadea.

Genesis 37:34

Jakob do acʼakʼ kicricʼe oṛecʼketʼa ar ḍanḍare gõṛẽ kicricʼe horokʼketʼte ḍher din hạbicʼ hopontetʼ lạgitʼte homor halaṅkeda.

Genesis 37:29

Tayomte Ruben do ona kuń ṭhen senkate Joseph bae ńel ńamledete dukte uniyakʼ kicricʼ oṛecʼkate boehako ṭhen senkateye menkeda, “Joseph do onḍe bạnuea. Iń do ńitokʼ cetʼ iń cekaea?”

Genesis 22:4

Ar tesar hilokʼ Abraham doe beṅgetʼ rakapʼketʼ khan sạṅgińre ona ṭhạ̃iye ńel ńamkeda.

2 Samuel 1:3

Dạud do uniye kulikedea, “Am do oka khonem hecʼakana?” Uni doe menkeda, “Iń do Israelkoakʼ ḍera khoniń ńir paskao hecʼakana.”

Jeheskel 27:30

Onko do am ńutumteko kạuạ rạuạkʼa ar apnarakʼ bohokʼre dhuṛiko ojokʼ joṅa ar torocʼreko guṛdạukʼa.

2 Samuel 13:19

Unre Tamar do bohokʼre torocʼe ojokʼana ar oneye horokʼ akatʼ kicricʼe oṛecʼketʼtaea. Ar ona tayom do bohokʼ capokate ãṭ aṛaṅte rakʼ rakʼteye calaoena.

2 Samuel 24:20

Arowna do tinre raj ar uniren hoṛko acʼ secʼ hijukʼkane ńelketʼkoa unre uni do senkate otreye ombakʼente raje ḍobokʼadea.