2 Samuel 1:1 - সান্তালী বাইবেল

¹ Sạulakʼ gujukʼ tayom Dạud do Amelekikoe bhagaoketʼkote Siglokteye ruạṛ hecʼena ar onḍe bar dine tahẽyena.

2 Samuel 1:1 Referans Kwoze

1 Samuel 27:6

Unre Akis do Dạud Siklag nagrahae danadea. Ar un khon teheń hạbicʼ Siklag do Jihudạ rajakʼ tabere tahẽyena.

1 Samuel 31:6

Nonkate enhilokʼ do Sạul, ar uniren pea hopon, ar uniren khanḍa bhanḍa akʼsenicʼ ar uni sãoten hoṛko mitʼ domteko gocʼena.

Genesis 14:7

Ona tayom noko rajko doko ạcurente En-Mispạt, metakʼme, Kadesteko boloyena. Onko do Amalekikoakʼ goṭa disạmko hatkeda ar Hasason- Tamar nagrahare okoe Amoriko tahẽkan onkoko bhagaoketʼkoa.

1 Samuel 30:1

Dạud do acʼren hoṛkoante tesar hilokʼ Siklagteye seṭerena. Menkhan inạko dinre Amalekiko do Negebre Philisṭikoakʼ ṭoṭhare ar Siklagreko luṭ akatʼ tahẽkana. Onko do Siklag ńẽtʼkate seṅgelteko ḍahao marao akatʼ tahẽkana ar onḍeko tahẽkan sanam maejiuko ar huḍiń lạṭu joto do bondikateko idiakatʼko tahẽkana. Menkhan gocʼ do okoe hõ bako gocʼakatʼko tahẽkana, eken ruạṛ calakʼ jokhecʼko soṅge toraletʼko tahẽkana.

1 Samuel 31:4

Unre Sạul do acʼren khanḍa bhanḍa asenicʼ hoṛe metadea, “Amakʼ tarwaṛe oḍokkate ińakʼ hoṛmo sobokʼ tabme. Ar baṅkhan onko bin khatna hoṛko hecʼkateko bemanotińạ.” Menkhan uniren khanḍa bhanḍa asenicʼ hoṛ do bae rebenlena, ente uni do ạḍitetʼ botor caṛhao akawade tahẽkana. Unre Sạul do acʼakʼ tarwaṛe cetanreye bhindạṛena.