2 Rapajko 9:6 - সান্তালী বাইবেল

⁶ Onate Jihu doe beretʼente oṛakʼ bhitriteye boloyena. Unre uni nạbi do Jihuwakʼ bohokʼre cukạkʼ reakʼ sunum dulketʼteye menkeda, “Israelren Probhu Isor do niạ kathae meneda, ‘Probhu Isorren hoṛko cetanre, metakʼme Israelko cetanre iń do raj menteń ojokʼ bahalketʼmea.

2 Rapajko 9:6 Referans Kwoze

2 Bõsbudạ 22:7

Ar noa hotete Isor do Ahasiại ńur ocokedea. Ahasiạ do onḍe seṭerkate Joram sãote Nimsiren hopon Jehu upạrte lạṛhại lạgitʼe calaoena. Nui Jehuge Probhu Isor do Ahabakʼ bõsko ḍahao marao lạgitʼe bahalledea.

2 Rapajko 9:3

Ona tayom cukạkʼ reakʼ sunum uniyakʼ bohokʼre dulkatem mena, Probhu Isore meneda, ‘Israelren raj mente iń do amiń ojokʼ bahalketʼmea.’ Ona tayom duạr jhicʼkate am dom ńir oḍokokʼa, ar alogem biloma.”

1 Rapajko 19:16

Ona chaḍa Nimsiren goṛomtetʼ koṛa Jehu do Israelren raj mentem ojokʼ bahalea, ar amakʼ hudạre nạbi hoyokʼ lạgitʼ do Abel Meholaren Saphat hopon Elisayem ojogea.

Daniel 4:32

Am do hoṛko tala khonem laga ńir ocokʼa ar janwarko sãotem tahena; ar ḍaṅgra leka ghãskom joma. Ar tin hạbicʼ bam aṅgoc maraṅ Isor do manwakoakʼ rajosṭiko cetanreye rajokʼkana ar onako rajosṭi do acʼakʼ kusi lekae em akokana unhạbicʼte eae bochor do parom calakʼa”

Daniel 4:17

“ ‘Noa hukum do hohorhokoakʼ niṭakʼ lekateakʼ kana, sonotkoakʼ kathatege noa khojgokʼ do, jemon jiwetʼko doko baḍae daṛeakʼ, Coṭ utạricʼ do manwakoakʼ rajosṭiye calaoeda mente; ar jãhãegeye kusiyaekan unige rajosṭi doe danae kana ar manwa talare sanam khon nicạṛicʼge cetanreye duṛupʼede kana.’

Daniel 2:21

Unige okte ar nạpitko acʼakʼ tabereye dohoyetʼkana; unige rapajko siṅghạsonreye duṛupʼetʼkoa are ńur ocoyetʼkoa. Uni do ạkilanko ạkile danako kana ar budanko do bude emakokana.

Jesaea 45:1

Probhu Isor do acʼren ojokʼ bachao akan hoṛ Kores reaṅe meneda, “Uni samaṅre boṅgan hoṛ jạtrenko jaṅga latarko ar rapajko reakʼ paṭheakʼ raṛaetako lạgitʼ iń do uniyakʼ jojomtiyiń sapʼ akatʼtaea. Iń do uni samaṅre silpińkoń jhija jemon duạrko siń alo tahen.”

Sereńko 75:6

Purub se pạchim se hahaṅkar jaega secʼ khon okoe hõ rukhiyạ lạgitʼ do bako hijukʼa;

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

1 Rapajko 16:2

“E Basa, am do dhuṛi khoniń halaṅ rakapʼketʼmea ar Israelkoren mukhiyạń hoyoco akatʼmea. Menkhan am do Jerobiamakʼ hortegem taṛameda ar ińren Israel hoṛkom kại ocoyetʼkoa ar onkoakʼ kại gunạkʼte ińem bekusi ocoakadińạ.

1 Rapajko 14:7

Am do senkate Jerobiam noa katham lạiyaea, Israelkoren Probhu Isore meneda, ‘iń do hoṛko mod khon amgeń usulletʼmea ar ińren hoṛ Israelko cetanre mukhiyạ lekateń doholetʼmea.

1 Rapajko 10:9

Amren Probhu Isorakʼ sarhaoge baṛe hoyokʼtae ma, one okoe do am cetanreye kusi akante Israelakʼ siṅghạsonreye duṛupʼ akatʼme. Uni do Israelko jaejug hạbicʼe dulạṛetʼkote hok bicạr ar dhorom rukhiyại lạgitʼgeye raj akatʼmea.”

1 Rapajko 3:8

Ar amren guti do nonḍe amem bachao akawan hoṛko talarege menaea. Ar onko do nonkan mitʼṭecʼ maraṅ jạtren kanako, one onko do ohoko lekha caba daṛelen.

1 Rapajko 1:34

Sadok naeke ar Nathan nạbi do onḍe Israelkoren raj mente uni kin ojokʼ bahalea. Ar ona tayom do sakwa oroṅkate ãṭ aṛaṅtepe mena, ‘Solomon raj do jaejug hạbicʼ jiwetʼ baṛeye tahenma.’

1 Samuel 2:7

Probhu Isorge manwa doe kisạ̃ṛ are reṅgecʼ ocoyea; ente uni kangeae cokʼpotʼicʼ ar uni kangea usul ocoyicʼ.

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

2 Rapajko 9:5

Onḍe seṭerkate uni do subedarko mitʼ jaegare duṛupʼ akane ńelketʼkoa. Uni doe menkeda, “E subedar, am lạgitʼ mitʼṭecʼ sombatiń ạguakada.” Jihuye kulikedea, “Aleko modre ona sombat do okoe lạgitʼ kana?” Uniye menkeda, “Subedar, am lạgitʼ kangea.”