2 Rapajko 9:11 - সান্তালী বাইবেল

¹¹ Jihui oḍok hecʼen khan onko modren mitʼ hoṛ do uniye kulikedea, “Jotowakʼ bhage gea tho? Uni pagla do cetʼ lạgitʼe hecʼlena?” Jihuye roṛ ruạṛkeda, “Uni hoṛ mape baḍae akadege ar cetʼ lekan kathakoe roṛ ona hõpe baḍaegea.”

2 Rapajko 9:11 Referans Kwoze

Jirimiạ 29:26

Am do Sephaniạm ol akawadea, ‘Probhu Isor do Jehoyada naeke bodolte amge naeke menteye ojokʼ bahal akatʼmea jemon Probhu Isorakʼ oṛakʼ reakʼ bhar am cetanre tahen. Jãhãe lelha hoṛ nạbi lekae kạmi khan uni dom hạṛi paṭayea ar hoṭokʼre mẽṛhẽtʼ sikṛitem tolea.

Aposkạmi 26:24

Ado Pạul nonkae roṛ dogokʼkan tahẽkanre Phestus do tạkicʼ daramkedete ãṭ aṛaṅteye menkeda, “E Pạul, am dom pagla akana. Ente ḍher bidiyạm hameṭ akada ar ona bidiyạgeye pagla oco akatʼmea.”

Johan 10:20

Onko modren ḍher hoṛko menkeda, “Unire do bhut menaea, uni doe bạulạha akana; cedakʼ uniyakʼ katha dope ańjometʼtaea?”

Hosea 9:7

Israel do jemone baḍae ńam, sạjại reakʼ din do seṭer akana ar hisạb hatao reakʼ din hõ hecʼakana. Onkoakʼ kại do lekhare ḍhergea Isorko hirkhạwaekante, nạbiko do lelha ar jiuan hoṛ do khepako hudisetʼkoa.

Mark 3:21

Ado Jisuren peṛako noa khoborko ańjomketʼ khan oḍok ạguiye lạgitʼko hecʼena. Onkoko menkeda, “Uni doe koṅka akana.”

2 Rapajko 9:22

Joram do Jihuye kulikedea, “Jihu, amakʼ hijukʼ reakʼ monsubạ do cetʼ bhagegea?” Jihui roṛ ruạṛkeda, “Amren eṅgam Isebelakʼ boṅga sewa ar gunidar kạmiko nunạkʼ bạ̃ṛti hoyokʼkana je, cekate ińakʼ hijukʼ do bhage hoedaṛekokʼa?”

2 Rapajko 9:19

Unre raj do dosaricʼ armitʼṭen aswariye kolkadea. Uni hõ onko lạṛhại phạdko ṭhen seṭerkateye menkeda, “Raje kulikana, ‘apeakʼ hijukʼ reakʼ monsubạ do cetʼ bhagegea?’ ” Jihuye roṛ ruạṛkeda, “Ińakʼ hijukʼ reakʼ monsubạ baḍae reakʼ amakʼ do cetʼ? Am do iń tayomte hijukʼme.”

2 Rapajko 9:17

Jihuren lạṛhại phạdko hijukʼkane ńelketʼko khan Jisriyel gaṛ cetanreye teṅgo akan pahradar do hohoateye menkeda, “Iń do lạṛhại phạdko hijukʼ kaniń ńel ńametʼkoa.” Unre Jorame hukumkeda, “Mitʼṭen aswari onko ṭhen kolkaepe. Uni do onko ṭhene kulijoṅa, ‘apeakʼ hijukʼ reakʼ monsubạ do cetʼ bhagegea?’ ”

2 Rapajko 5:21

Niạ menkate Gehosi do Naman tayom tayomteye senena. Ar Naman do acʼ secʼ ńir hijukʼkane ńelkede khan uni sãote ńapamokʼ lạgitʼ rãt gạḍi khone pheḍena. Uni doe kulikedea, “Sanamakʼ ṭhikgea tho?”

2 Korinthiko 5:13

Alele pagla akan khan enḍekhan do Isor lạgitʼgele hoyakana, ar napae monankole hoyakan khan enḍekhan ape lạgitʼgele hoyakana.

1 Korinthiko 4:10

Ale do Mạsi iạte lelhale hoyakana, menkhan ape do Mạsirepe mitʼakante budankope hoyakana. Ale do nijorkoge menkhan ape do joranko. Ape do sabasiankope hoyakana ar ale do bemanotkoge.

Aposkạmi 17:18

Unre Epikuri ar Stoik ponḍitko modren adomko do Pạul tulucʼ reṭepeṭekʼko ehopʼena. Onko modren adomkoko menkeda, “Nui galbạjạriạ do cetʼe menetʼkana?” Arhõ eṭakʼko doko menkeda, “Uni do pasecʼ ạnạ̃ṛi boṅgako reakʼ kathae porcareda.” Onko do noa iạtegeko menkeda, ente Pạul do Jisu reaṅ ar gocʼko khon jewetʼ beredokʼ reaṅe porcarako kan tahẽkana.

Jesaea 59:15

Sạriyakʼtetʼ do okare hõ baṅ sendra ńamokʼa, ar okoe bạṛicʼakʼe bạgiyakʼ uni doe santao ocokʼa. Probhu Isor do noakoe ńelkeda ar hok reakʼ bicạr bạnukʼte uni doe edreyena.

2 Rapajko 4:26

Am do ńir senkate kuliyem, uni, uniren jãwãe ar uniren gidrạ onko do bogege menakʼkoa se baṅa.” Maejiue menkeda, “Hẽ jotogele bogegea.”

2 Rapajko 9:2

Onḍe senkate Nimsiren goṛomtetʼ koṛa, metakʼme Jehosaphatren hopon Jihum sendra ńameya. Ar uni ṭhen senkate uniren gateko ṭhen khonem ocogea ar mitʼṭecʼ kandharem aderea.

2 Rapajko 9:12

Onkoko menkeda, “Niạ katha do ṭhik baṅkana, khulạsate lạiyaleme.” Unre Jihuye menkeda, “Uni doe metadińạ, Probhu Isore meneda, ‘Israelren raj lekate iń do amiń ojokʼ bahalketʼmea.’ ”