2 Rapajko 8:7 - সান্তালী বাইবেল

⁷ Inạ tayom Elisae do Damesekteye calaoena. Ar unre Aramren raj Benhadad doe ruạ kạhil akan tahẽkana. Unre rajko lạiyadea, “Isorren hoṛ do nonḍeye hecʼakana.”

2 Rapajko 8:7 Referans Kwoze

2 Rapajko 6:24

Inạ thoṛa din tayom Aramren raj Benhadad do acʼren sanam lạṛhại phạdkoe jarwaketʼkoa ar Samariạko gherao ạcurkeda.

1 Rapajko 11:24

Dạud do tinre sebaren lạṛhại phạdkoe gocʼetʼko tahẽkana unre Reson do thoṛa hoṛkoante luluṭ dole benaokeda ar acʼ do onaren mukhiyại hoyena. Noko hoṛko do Damesek nagrahako hatketʼte onḍe rajosṭi calaoko ehopʼ akan tahẽkana.

1 Rapajko 20:1

Aramren raj Benhadad do acʼren sanam lạṛhại phạdkoe jarwaketʼkoa. Uni do pegel bar rapajko ar ạḍi utạr sadomko ar rãt gạḍiko soṅgekate Samariạ akromon lạgitʼe gherao ạcurkeda.

Aposkạmi 17:6

menkhan unkin do onḍe bako ńamletʼkina. Unre onko do Jason ar adom biswạsi boehako or oḍok idikate nagraha cakʼlaoko ṭhenko idiketʼkoa ar hohowateko menkeda, “Okoe hoṛ goṭa dhạrtiko gulmaletʼ onko do ńitokʼ nonḍe hõko hecʼakana;

Jesaea 7:8

ente Aramren matha Damesek baṅ cetʼ ar Damesekren matha Resin raj baṅe cele kan? Turuigel mõṛẽ bochor bhitrite Ephrayem do nonkae marao utạrokʼa je, jạtrenko lekate uni do ar bae tahena.

2 Rapajko 6:12

Uniren subedar modren mitʼ hoṛe menkeda, “E ińren mạlik, abo modre do okoege bạnukʼkoa; menkhan am do amakʼ giticʼ kandhare okam roṛ ona katha hõ Israelren nạbi Elisae do Israelren raje lạiyae kana.”

2 Rapajko 2:15

Jerikhoren okoe nạbiko onḍeko teṅgo akan tahẽkan onko do Elisae hijukʼko ńelkede khanko menkeda, “Eliạren jiu do Elisae cetanreye thamgạḍi akana.” Onko do Elisae sãote ńapamokʼ lạgitʼko senena ar otre ombakʼkate ḍobokʼ adeteko metadea,

1 Rapajko 20:34

Benhadade menkeda, “Amren ạpum ṭhen khon ińren ạpuń okako atoye hatakatʼ ona do amiń ruạṛama. Ińren ạpuń cetʼleka Samariạre bajarkoe bạisạuletʼ onkage amhõ Damesek reakʼ eṭakʼ eṭakʼ jaegakore bajarkom bạisạu daṛeakʼa.” Ahabe menkeda, “Mitʼṭecʼ bondobos lekate am doń aṛakʼmea.” Ar noa menkate uni do Benhadad sãote mitʼṭecʼ bondobose bandhaokeda are aṛakʼkadea.

1 Rapajko 15:18

Probhu Isorakʼ oṛakʼre ar apnarakʼ raj khajańci oṛakʼre okako sona ar rupạko tahẽkan onako sanamakʼe oḍokkeda. Onako do acʼren gutikoakʼ tite Aramren raj Benhadad ṭhene kolkeda. Benhadad do Tabrimonren hopon Hesbonren goṛomtetʼ koṛae tahẽkana. Uni do unre Damesekreye rajokʼkan tahẽkana. Asa do uni ṭhene roṛgotʼkada,

1 Rapajko 13:1

Jerobiam do janwar samaṅko lạgitʼ tinre pinḍ aṛereye teṅgo akan tahẽkana unre Probhu Isorakʼ katha leka Isorren mitʼṭen hoṛ do Jihudạ khon Bethelteye seṭerena.

Bikʼcạrko 16:2

Gasaren hoṛko do Samson onḍeye sen akana menteko ańjomketʼ khan ona jaegako gherao ạcurkeda ar goṭa ńindạ nagraha reakʼ phaṭok duạr ṭhen uni lạgitʼko tãṛãkʼ tahẽyena. Ar onko do ńindạ jokhecʼ thir hapeko tahẽyenteko menkeda, “Setakʼlen khange uni dobon gojea.”

Dosar Biboron 33:1

Isorren hoṛ Mose do acʼakʼ gujukʼ lahare Israelko noa menkateye bhoratʼkoa,

Genesis 14:15

Uni do acʼren hoṛkoe hạṭińketʼkoa ar ńindạ jokhecʼ bạirikoe ńẽtʼketʼkote onkoe bhagaoketʼkoa. Ona tayom uni do Damesek utạr reakʼ Hoba hạbicʼe laga idiketʼkoa.

2 Rapajko 1:2

Ahasiạ do Samariạre acʼakʼ oṛakʼ cetan kandha reakʼ jalna khone ńuren iạteye ghạllena. Unre uni do mitʼbar hoṛ kolkate noa kathae roṛgotʼkada, “Ape do Ekronren debota Bakʼal-sebub ṭhen senkate kulijoṅpe, iń do niạ ghạl khoniń boge ruạṛokʼa se baṅa.”

2 Rapajko 8:6

Unre raj do ona reaṅ maejiue kulikede khan uni do jotowakʼe lạikeda. Onate raj do maejiu babotre mitʼṭen guti bahal kedeteye metadea, “Uniyakʼ jotowakʼ ruạṛkataeme ar disạime bạgi oṭowakʼ khon teheń hạbicʼ uniyakʼ jumire oka arjao akan ona hõ ruạṛkataeme.”

Jirimiạ 40:5

Menkhan Jirimiạ onḍe khon ạuriye calakʼrege Nebusaradan doe menkeda, “Am do Saphanren goṛomtetʼ koṛa, metakʼme Ahikamren hopon Gedaliạ ṭhen ruạṛ calakʼme. Babelren raj do Jihudạ reakʼ sanam nagrahako cetanre uniye bahal akadea. Am do uni sãoten hoṛko talaregem tahẽdaṛeakʼa se amakʼ kusi leka eṭakʼ secʼ hõm sen daṛeakʼa.”