2 Rapajko 8:5 - সান্তালী বাইবেল

⁵ Ado Gehosi tinre raje lạiyaekan tahẽkana Elisae do gocʼicʼ cetʼlekae jiwetʼ ruạṛledea mente ar ṭhik ona jokhecʼge Elisae okoeṭakʼ maejiuren hopone jiwetʼlede uni maejiu do raj ṭhen senkate acʼakʼ oṛakʼ-duạr ar ot-baṛgeko ńam ruạṛ lạgitʼ nehõrokʼe ehopʼena. Gehosi do unreye menkeda, “E ińren mạlik maharaj, nui kangeae uni maejiu do one okoeren hopon Elisae doe jiwetʼ ruạṛlede.”

2 Rapajko 8:5 Referans Kwoze

2 Rapajko 4:35

Ona tayom uni doe ocokʼente oṛakʼ bhitrire dãṛã baṛaeye ehopʼena. Ar ona tayom arhõ uni do aṭetʼreye rakapʼente ar mitʼ dhao gidrạye taber loṭomkedea. Niạ dhao gidrạ do eae dhaoe ạchimkeda ar mẽtʼe beṅgetʼketʼtaea.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Sosolhayic̕ 9:11

Siń cando latarre iń do arhõń ńelakada, ona do hoyokʼkana: Ńir hapaorakʼre coṭkarkoge jao okteko jitạukʼa, ona do baṅa; daṛeankoge jao okteko jitạukʼa, ona hõ baṅa; ạkilankoge jao okte lacʼ bikʼ jomakʼko ńama ona hõ baṅa; budankoge jao okteko kisạ̃ṛokʼa, ona hõ baṅa; gạkhuṛ hoṛge jao okte ạtko ńama, ona hõ baṅa; ente okte ar bhạg do sanamko lạgitʼge menakʼa.

Kạhtukko 16:9

Manwa do acʼakʼ hor tearjoṅ reakʼe ponthayeda, menkhan uniyakʼ taṛam do Probhu Isorgeye sojheyetʼtaea.

Sereńko 145:1

E ińren Isor, E raj, iń do amiń sereńama; iń do jaejugiń sarhaomea.

Ester 5:14

Unre acʼren bạhu Seres ar acʼren sanam gatekoko metadea, “Am do mõṛẽgel moka usul mitʼṭecʼ pạsi kaṭ benaome ar setakʼre rajakʼ hukum hataokate onare Mordekai pạsiye reakʼ bebostaeme. Ona tayom kusi monte raj sãote bhojre seledokʼme.” Niạ katha Haman do ạḍi bhageye metatʼa ar uni do ona pạsikaṭe benao ocokeda.

2 Rapajko 6:26

Israelren raj do mitʼdin nagraha reakʼ pạcri cetanreye dãṛã baṛaekan tahẽkanre mitʼṭen maejiu do ãṭ aṛaṅte uniye metadea, “E ińren mạlik maharaj, goṛowạńme baṛe.”

2 Rapajko 6:12

Uniren subedar modren mitʼ hoṛe menkeda, “E ińren mạlik, abo modre do okoege bạnukʼkoa; menkhan am do amakʼ giticʼ kandhare okam roṛ ona katha hõ Israelren nạbi Elisae do Israelren raje lạiyae kana.”

1 Samuel 26:17

Sạul do Dạudakʼ aṛaṅe oromketʼteye menkeda, “E jãwãe, noa do cetʼ abenakʼ aṛaṅkangea?” Dạude menkeda, “Hẽ, maharaj, noa do abenren gutiyakʼ aṛaṅkangea.”

Rut reakʼ kạhini 2:3

Unre Rut doe oḍokena ar khetre senkate phosol gegetʼko tayom tayomte hulạkʼ halaṅe dhurạuena; ar uni okare hulạkʼe halaṅetʼ kan tahẽkan ona do Elimelek bõsren Boasakʼ khetge tahẽkana.

2 Rapajko 4:12

Ar acʼren guti Gehosiye metadea, “Do, Sunemi maejiu hohoaeme.” Ado uniye hohoade khan maejiu do hecʼkate Gehosi samaṅreye teṅgoyena.

2 Rapajko 8:6

Unre raj do ona reaṅ maejiue kulikede khan uni do jotowakʼe lạikeda. Onate raj do maejiu babotre mitʼṭen guti bahal kedeteye metadea, “Uniyakʼ jotowakʼ ruạṛkataeme ar disạime bạgi oṭowakʼ khon teheń hạbicʼ uniyakʼ jumire oka arjao akan ona hõ ruạṛkataeme.”

1 Rapajko 20:1

Aramren raj Benhadad do acʼren sanam lạṛhại phạdkoe jarwaketʼkoa. Uni do pegel bar rapajko ar ạḍi utạr sadomko ar rãt gạḍiko soṅgekate Samariạ akromon lạgitʼe gherao ạcurkeda.