2 Rapajko 8:4 - সান্তালী বাইবেল

⁴ Unre raj do Isorren hoṛren guti Gehosi sãoteye galmarokan tahẽkana. Uni doe kuliyede tahẽkana, “Elisae oka maraṅ maraṅakʼkoe kạmi akatʼ onako reakʼ lạiyạńme.”

2 Rapajko 8:4 Referans Kwoze

Aposkạmi 24:24

Ado thoṛa din tayom Pheliks do acʼren Jihudi bạhu Drusilla soṅgekateye hecʼena. Uni do Pạule hoho ạgu ocokedete uni ṭhen khon Jisu Mạsire pạtiạukʼ reakʼ kathae ańjomkeda.

Johan 9:27

Uni hoṛ doe roṛ ruạṛatʼkoa, “Iń ma coṅ laharegeń lại akawatʼpe, menkhan ape do bape ańjomleda. Enḍekhan cedakʼ arhõ ańjom sanayetʼpea? Ape hõ cetʼ uniren cela hoyokʼ sanayetʼpea?”

Luk 23:8

Herod do Jisui ńelkede khan ạḍiye rạskạyena. Uni do Jisu reaṅ ạḍi utạr kathae ańjomakatʼ tahẽkana, ar ḍher din khon uni ńele lạgitʼe monejoṅkan tahẽkana. Ar Herod doe asokʼkan tahẽkana, Jisu do jãhãn hahaṛa kạmiye udukʼaea.

Luk 9:9

Herode menkeda, “Johanakʼ bohokʼ mań makʼ ńur ocoakatʼtae. Enḍekhan okoe reaṅ iń ańjometʼkan, uni doe okoe kana?” Ar Herod do Jisu ńele reakʼ kurumuṭui ehopʼena.

Mathae 2:8

Ar noa menkate Betlehemteye kolketʼkoa, “Do senkate uni gidrạ reakʼ mońjte suṭhik ạguiype. Arpe ńamle khan baḍae ocoyińpe jemon iń hõ senkateń sewa daṛeae.”

2 Rapajko 7:10

Onate onko do senkate nagraha reakʼ phaṭok duạrren pahradarko metatʼkoa, “Ale do Aramrenkoakʼ ḍeratele senlena. Onḍe do mitʼṭecʼ hoṛ hõ bạnukʼkoa, cetʼ sabadge bạnukʼa; eken sadomko ar gadhako tol akan menakʼkoa ar tạmbuko do cetʼleka tahẽkan onkage bạgikate onko doko calao akana.”

2 Rapajko 7:3

Unre nagraha reakʼ phaṭok duạr bolokʼ horre ponea murhucʼ jom rog hoṛko tahẽkana. Onko do ako akoreko mepenena, “Abo do nonḍe tahẽkate cedakʼ bon gujukʼa?

2 Rapajko 7:1

Elisaeye menkeda, “Probhu Isor okae menetʼ ona baṛe ańjompe. Uniye meneda, gapa Samariạ reakʼ phaṭokre gelbar gram rupạte turui keji holoṅ ar gelbar gram rupạte gelbar keji jao ạkhrińokʼa.”

2 Rapajko 6:32

Elisae do unre acʼakʼ oṛakʼreye duṛupʼ akan tahẽkana ar uni sãote murubbikoko tahẽkana. Raj do mitʼṭen hoṛ Elisae ṭhene kolkadea, menkhan uni hoṛ onḍe ạuriye seṭerokʼrege Elisae do murubbikoe metatʼkoa, “Ape do cetʼ uni khuniạhi do bape ńele kana okoe do ińakʼ bohokʼ makʼ ńur tiń lạgitʼ mitʼ hoṛe kolekana? Ńelpe, uni hoṛe hecʼlen khan duạrpe sińa ar alogepe jhicʼaea. Ar uni tayomte do uniren mạlikakʼ sabadge cetʼ baṅ ańjomokʼ kana?”

2 Rapajko 6:6

Unre Isorren hoṛe kulikedea, “Ona do okare ńur akana?” Uni do ona jaegae udukʼketʼ khan Elisae do mitʼṭecʼ kaṭ ạgukate onḍeye capatʼ khadlekada ar onate ṭeṅgocʼ do cape rakapʼena.

2 Rapajko 5:14

Unre Naman do Isorren hoṛakʼ katha leka senkate jordanre eae dhaoe unumena. Onate uniyakʼ hoṛmo do bogeyena ar huḍiń gidrạkoakʼ hoṛmo leka arhõ mońj ruạṛentaea.

2 Rapajko 4:12

Ar acʼren guti Gehosiye metadea, “Do, Sunemi maejiu hohoaeme.” Ado uniye hohoade khan maejiu do hecʼkate Gehosi samaṅreye teṅgoyena.

2 Rapajko 2:24

Elisae do onko secʼ ạcurenteye beṅgetʼatʼkoa ar Probhu Isor ńutumteye sarapatʼkoa. Unre bir khon barea banakin oḍok hecʼente onko modren pongel bar goṭen koṛa kin khanḍa khunḍiketʼkoa.

2 Rapajko 2:14

Ar ona oyonakʼte uni do dakʼe dalketʼteye menkeda, “Eliạren Probhu Isor ńitokʼ do okare menama?” Are dalketʼ khan dakʼ do bar hạṭińena, ar rukhạṛgeye paromena.

2 Rapajko 8:3

Eae bochor tayom uni do Philisṭikoakʼ disạm khone ruạṛ hecʼen khan acʼakʼ oṛakʼ-duạr ar jaega-jumiko ńam ruạṛ lạgitʼ raj ṭhene calaoena.

2 Rapajko 4:25

Nonkate uni doe oḍok hecʼena ar Karmel burute Isorren hoṛ ṭhene seṭerena. Isorren hoṛ do maejiu sạṅgińre tahẽkanregeye ńelkede khan acʼren guti Gehosiye metadea, “Hạni ńeleme, Sunemiạ maejiu.