2 Rapajko 8:16 - সান্তালী বাইবেল

¹⁶ Israelren raj Ahabren hopon Jehoramakʼ rajokʼ mõṛẽgel bochorre tinre Jehosaphat do Jihudạren raje tahẽkana unre Jehosaphatren hopon Jehoram do Jihudạre rajokʼe ehopʼena.

2 Rapajko 8:16 Referans Kwoze

2 Rapajko 1:17

Eliạ hotete Probhu Isor okaṭakʼ kathae roṛketʼ ona lekage Ahasiạ doe gocʼena. Ahasiạren do cele hoponge bako tahẽkante uniyakʼ jaegare Jehorame rajena. Jihudạren raj Jehosaphatren hopon Jehoramakʼ rajokʼ dosar bochorre uni do raje hoylena.

2 Rapajko 3:1

Jihudạren raj Jehosaphatakʼ rajokʼ gel irạlakʼ bochorre Ahabren hopon Jehoram do Israelren raje hoyena. Uni do Samariạre tahẽkate gelbar bochor raje calaoketʼa.

1 Rapajko 22:50

Tayomte Jehosaphat do acʼren hapṛamko ṭhene calaoena ar Dạudakʼ nagrahare uniren hapṛamko sãoteko topakadea. Ar uni bodolte uniren hopon Jehoram do raje hoyena.

1 Rapajko 22:44

Ar uni do Israelren raj sãoteye bondobos akatʼ tahẽkana.

1 Rapajko 22:42

Jehosaphat do pegel mõṛẽ bochor umerre raje hoylena ar bargel mõṛẽ bochor hạbicʼ Jerusalemre raje calaokeda. Uniren eṅgat do Silhi hoponera Asubae tahẽkana.

1 Rapajko 22:51

Jihudạren raj Jehosaphatakʼ rajokʼ gel eaeyakʼ bochorre Ahabren hopon Ahasiạ do Samariạren raje hoyena. Uni do Israelko cetanre bar bochor raje tahẽkana.

2 Rapajko 8:25

Israelren raj Ahabren hopon Jehoramakʼ rajokʼ gelbar bochorre Jihudạren raj Jehoramren hopon Ahasiạ do rajokʼe ehopʼena.

2 Rapajko 11:2

Menkhan sanam raj hoponko ạuriko gocʼ ocokʼre Jehoram rajren hoponera Ahasiạren misera Jehosaba do Ahasiạren hopon Joase kombṛo idikedea. Athaliạ ṭhen khon okore dohoye lạgitʼge Jehosaba do Joas ar uniren jokʼtonicʼ mitʼṭecʼ giticʼakʼ oṛakʼreye dohokatʼkinạ. Ar onate Joas do bae gocʼ ocolena.

2 Bõsbudạ 22:1

Jerusalemren hoṛko do Jehoramren huḍińicʼ hopon Ahasia do apattetʼakʼ jaegareko rajkedea, ente luluṭko do Arabrenko sãote luluṭ hecʼkate Jehoramren sanam hoponkoko gocʼletʼkoa. Onatege Jihudạren raj Jehoramren hopon Ahasiạ do rajokʼe ehopʼena.