2 Rapajko 8:12 - সান্তালী বাইবেল

¹² Hosael do uniye kulikedea, “E ińren mạlik cedakʼem rakʼeda?” Elisaeye roṛ ruạṛkeda, “Ente iń doń baḍaegea Israelkoakʼ cetʼkom loksantakoa mente. Am do onkoakʼ gaṛkore seṅgelem jeretʼakʼa, ar tarwaṛete onkoren juạnkom gocʼkoa, onkoren kạṭicʼ gidrạ do otrem tawakʼ gocʼkoa ar onkoren bhạrti hoṛmowan maejiukoakʼ lacʼ dom getʼ cirạitakoa.”

2 Rapajko 8:12 Referans Kwoze

Hosea 13:16

Samariạren hoṛko do akoren Isor upạrteko hul akatʼte onko do akoakʼ ghạṭko goga. Onko do lạṛhạireko gujukʼa; onkoren huḍiń gidrạko do otreko tawakʼ gejer ocokʼa ar onkoren bhạrti hoṛmo maejiuko do lacʼko getʼ cirạ ocokʼa.”

Nạhum 3:10

Enhõ uniren hoṛko do bondikate eṭakʼ disạmteko idi ocolena. Mitʼke mitʼ dobạṭiạkore uniren gidrạ doko tawakʼ gocʼ ocolena. Uniren manotan hoṛko do gulibãṭkate sikṛite tolkateko bondi idi ocolena.

2 Rapajko 15:16

Tayomte Menahem do tirsa khon oḍok kate Tipsa nagraha ar onḍenko hoṛko ar ona aḍepase ṭoṭharen sanamkoe akromonketʼkoa, ente onko do akoakʼ nagraha reakʼ phaṭok duạr jhicʼ bako rạjilena. Ona iạte uni do Tipsae marao utạrkeda ar sanam bhạrti hoṛmo maejiukoakʼ lacʼkoe getʼ cirạketʼtakoa.

2 Rapajko 13:3

Ona iạte Probhu Isor do Israel upạrte pit caṛhaoentaea; ar uni do Aramren raj Hasael ar uniren hopon Benhadadakʼ tire ghane ghạṛicʼe soprotetʼko tahẽkana.

2 Rapajko 12:17

Onako dinre Aramren raj Hasael doe rakapʼ calaoente Gat upạrteye lạṛhạiyena ar onae hatkeda. Ona tayom Jerusalem akromon lạgitʼ uni doe laha idiyena.

Amos 1:13

Probhu Isore meneda, “Amon reakʼ pea ghạṭ iạte, hẽ ponea ghạṭ iạte iń do khạṭige onkoń sạjạikoa, ente simạna baṛhaotako lạgitʼ onko do Gileadren bhạrti hoṛmo maejiukoakʼ lacʼko cirạ akatʼtakoa.

Jesaea 13:16

Onkoakʼ mẽtʼãhã samaṅrege gidrạkoko tawakʼ gocʼkoa; onkoakʼ oṛakʼ duạrko luṭtakoa ar maejiuko nosṭokoa.

2 Rapajko 13:7

Mõṛẽgel aswariko, gel goṭecʼ rãt gạḍi ar gel hajar palṭonko chaḍa Jehoahasren lạṛhại phạdren do ar celege bako tahẽkana, ente Aramren raj do sarecʼ sanamkoe marao giḍi utạrletʼkoa. Uni do ot lekage jaṅgateye lebetʼ gańjaoletʼkoa.

Hosea 10:14

ona iạte ape upạrte lạṛhại reakʼ kạumạu rakapʼa ar apeakʼ sanam gaṛko do marao ocokʼa, cetʼleka Solomon do lạṛhại hilokʼ Beth-Arbele maraoletʼ. Unre hopon ar hoponerako sãote eṅgatko hõ otreko tawakʼ ocolena.

Jesaea 13:18

Onko do akʼte juạnkoko gocʼkoa; ar bale gidrạko cetanre bako mãyãkʼa ar gidrạko cetanre hõ bako dayakʼa.

2 Rapajko 4:28

Maejiue menkeda, “E ińren mạlik, iń do cetʼ am ṭhen mitʼṭen gidrạ lạgitʼ iń koeleda? Iń do cetʼ bạń metatʼme tahẽkana, alom eṛeyińạ mente?”

1 Rapajko 18:13

Isebel do tinre Probhu Isorren nạbikoe gocʼ giḍiyetʼko tahẽkana unre ińiń ceka akatʼ reakʼ do cetʼ ińren mạlik bae ańjomakada? Probhu Isorren nạbiko modren mitʼsae hoṛ do mõṛẽgel mõṛẽgelkate barea danderreń oko doholetʼkoa ar onkoakʼ jomakʼ ar dakʼ hõń bebosta akokan tahẽkan.

1 Rapajko 19:17

Ar Hasayelakʼ tarwaṛe khon jãhãegeko paskaokʼ onko do Jehu hoteteko gujukʼa ar Jehuwakʼ tarwaṛe khon okoeko paskaokʼ onko do Elisa hoteteko gujukʼa.

2 Rapajko 13:22

Jehoahasakʼ goṭa rajokʼ oktere Aramren raj Hasael do Israel cetanreye jor julumetʼ tahẽkana.

2 Rapajko 12:18

Unre Jihudạren raj Joas do acʼ ar acʼren hapṛamkoren, metakʼme Jihudạren Jehosaphat raj, Jehoram ar Ahasiạ emakʼ Probhu Isor ńutumte begarakʼ sanam jinisko Aramren raj Hasael ṭhene kolkeda. Ona chaḍa uni do Probhu Isorakʼ khajańci oṛakʼre ńamakʼ raj oṛakʼ reakʼ joto sona hõ uni ṭhene kolkeda. Onate Hasael do Jerusalem bạgikateye calaoena.

Hosea 14:1

E Israelren hoṛko, aperen Probhu Isor ṭhen ruạṛ hijukʼpe. Apeakʼ kại iạtege ape dope ńur akana.