2 Rapajko 8:10 - সান্তালী বাইবেল

¹⁰ Elisaeye roṛ ruạṛkeda, “Am do ruạṛ senkate unim lạiyaea, khạṭigeye boge ruạṛokʼa, menkhan Probhu Isor do iń ṭhene sodor akada, uni doe gujukʼa.

2 Rapajko 8:10 Referans Kwoze

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.

Sakariạ 1:20

Probhu Isor do ona tayom ponea mistriye udukʼ ạdińa.

Amos 8:1

Probhu Isor do ar mitʼṭecʼ dorsone udukʼạdińa. Iń doń ńelkeda, mitʼ ḍạlicʼ jo.

Amos 7:7

Ona tayom Probhu Isor do ar mitʼṭecʼ dorsone ńel ocokedińa. Uni do sạhul baber hataokate sạhul baber jokhate benaoakʼ mitʼṭecʼ bhit aṛereye teṅgo akan tahẽkana.

Amos 7:4

Ona tayom Probhu Isor do ar mitʼṭecʼ dorsone udukʼạdińa. Probhu Isor do sạjại emokʼ lạgitʼ seṅgele hohowadea. Ar ona seṅgel do jalapuriye jomkeda ar ot hõ jojome ehopʼena.

Amos 7:1

Probhu Isor do noa dorsone ńel ocokedińạ: Dosarakʼ phosol jokhecʼ rajakʼ bhag reakʼ ghãs irketʼ tayom tinre ghãs do arhõ omon rakabokʼkan tahẽkana unre Probhu Isor do jhãke jhãk pohokoe ṭhik dohoketʼkoa.

Amos 3:7

Probhu Isor do acʼren guti nạbiko ṭhen acʼakʼ jãhãnakʼ goṭawakʼ bae sodorle khan cetʼge ohoe cekalea.

Jeheskel 18:13

uni do sudte ṭaka dhare emokʼkan ar bạ̃ṛti sude hataoetʼkan, enḍekhan uni hopon do cetʼ jiwetʼe tahena? Uni do jiwetʼ bae tahena. Uni do noa hirkhạwakʼe kạmi akatʼte khạṭigeye gujukʼa. Uni do acʼakʼ gujukʼ lạgitʼ apnarge dạyireye paṛaokʼa.

Jeheskel 11:25

Probhu Isor okakoe udukʼ ạḍiń ona jotoge iń do bondi akanko ṭheniń lại jạhirkeda.

Jirimiạ 38:21

Menkhan bhagao ocokʼ reakʼ bam aṅgocetʼ khan Probhu Isor iń ṭhen okae sodorakatʼ ona do nonka kana:

2 Rapajko 1:16

Uni do raje metadea, “Probhu Isor do niạ kathae meneda, ‘Israelre cetʼ Isor do bạnuiya, onate Ekronren deboda Bakʼal-sebub ṭhen kulijoṅ lạgitʼ hoṛem kolletʼkoa? Ar noam kạmi akatʼte am do aṭetʼ khon ar bam beretʼ ruạṛ daṛeakʼa. Khạṭigem gujukʼa.’ ”

2 Rapajko 1:4

Ona iạte Probhu Isore meneda, okaṭakʼ aṭetʼrem giticʼ akan ona khon do ar bam beretʼ ruạṛ daṛeakʼa. Am do khạṭigem gujukʼa.’ ” Niạ menkate Eliạ doe calaoena.

1 Rapajko 22:15

Mikại hecʼen khan raj do uniye kulikedea, “E Mikạ, ale do cetʼ Ramot-Gilead upạrte lạṛhại lạgitʼle rakapʼ calakʼa se baṅa?” Mikạ doe roṛ ruạṛkeda, “Hẽ, do calakʼme, ar jhãp emkate jitạukʼme, ente Probhu Isor do amakʼ tiregeye jimạ akada.”

Genesis 41:39

Niạ tayom Pharao do Josephe metadea, “Isorge jotowakʼkoe baḍae ocoakatʼmea ar am lekan bujhạntar ar ạkilan hoṛ do celege bạnukʼkoa.

Genesis 2:17

menkhan boge-baṛicʼ dare reakʼ jo do alom joma, ente oka hilokʼ ona dare reakʼ joyem joma enhilokʼ am do khạṭigem gujukʼa.”