2 Rapajko 8:1 - সান্তালী বাইবেল

¹ Elisae do okoeṭakʼ maejiuren hopone jiwetʼlede uni maejiue metadea, “Am do amakʼ gharońjrenko tulucʼ jãhãregem daṛeakʼ onḍege thoṛa din lạgitʼ tahẽ hataṛokʼme, ente Probhu Isor do niạ disạmre akale kola, ar eae bochor hạbicʼ ona akal do tahena.”

2 Rapajko 8:1 Referans Kwoze

Hagae 1:11

Khet baṛge, buru-ḍuṅgri, phosolko, nãwã darkha rasa, sunum ar otre okako omonokʼ ona cetanre ar manwa, janwar ar apeakʼ tite kạmiyakʼ sanamakʼko cetanre dakʼ alo emokʼ lạgitʼ iń hukumleda.”

Sereńko 105:16

Ona tayom uni do onkoakʼ disạmre akale hoyocokeda ar jomakʼteye ṭonṭaketʼkoa;

Rut reakʼ kạhini 1:1

Bikʼcạrkoakʼ bidạlre Israelkoakʼ disạmre mitʼṭecʼ akal hoylena. Unre Jihudạ disạm reakʼ Bethlehem atoren mitʼṭen hoṛ do acʼren bạhu ar barea hoponkin soṅgekate thoṛa okte lạgitʼ Moab disạmte senkate girobasokʼe ehopʼena.

2 Rapajko 4:18

Ar gidrạ doe hara idiyena. Mitʼdin uniren apattetʼ do phosol gegetʼkan hoṛko sãoteye tahẽkanre, uni gidrạ do apattetʼ ṭhen senkateye menkeda, “Bohokʼ hasoyedińa, uh bohokʼ hasoyedińa.” Unren apattetʼ do mitʼṭen gutiye metadea, “Hoborkate uniren eṅgattetʼ ṭhen idiyem.”

Genesis 12:10

Kanan disạmre mitʼṭecʼ akal hoyena. Ona do maraṅ akalge tahẽkante, ar Abram do thoṛa din lạgitʼ Misor disạmte senkateye girobasena.

Luk 4:25

Eliại tahẽkan oktere pe bochor turui cando bae dakʼleda ar goṭa disạmre maraṅ akal hoylena, unre Israel disạmre ạḍi utạr rạnḍi maejiuko tahẽkana.

1 Rapajko 18:2

Onate Eliạ do Ahab sãote ńapamokʼ lạgitʼe senena. Unre Samariạre do maraṅ akal hoyokʼkan tahẽkana.

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

Levitikus 26:26

Iń do apere akaliń kola. Unre gel goṭen maejiu do mitʼṭecʼ culhạre piṭhạko rapakʼapea, ar jojom jokhecʼ piṭhạ do soṅkatepe emokʼa. Ar lacʼ bikʼ do bape jom ńama.

Aposkạmi 11:28

Onko modren Agabus ńutuman mitʼ hoṛ doe teṅgoyente sonot Jiuakʼ ạyurteye lại lahakeda je, goṭa Rom disạmre mitʼṭecʼ maraṅ akal hoyokʼa. (Ona do Klạudius raj oktere hoylena.)

Luk 21:22

ente noako din do sạjạiyokʼ dinge hoyokʼa, ar onate sonot sostorre oka ol menakʼ ona do purạukʼa.

Luk 21:11

Ạḍi ãṭ dhạrti laṛao hoyokʼa ar jaega jaegakore akal ar mahamạriko hoyokʼa. Ona chaḍa sermare nonkan ghoṭnako hoyokʼa ar cinhạko ńelokʼa, oka do ạḍi botorge.

Jirimiạ 25:29

Ńelpe, ińakʼ nagrahage pạhilteń marao giḍikakʼ lạgidokʼ kana, enḍekhan ape do cetʼ begor sạjạitepe tahena? Sạjại dope ńamgea, ente dhạrtiren sanam hoṛko upạrte iń do lạṛhạiyiń ạguakada. Iń phạdkoren Probhu Isorge noa katha doń meneda.’

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

2 Samuel 24:13

Unre Gad do Dạud ṭhen senkateye menkeda, “Amakʼ disạmre cetʼ eae bochor akal hoyokʼem khojkana? Se bạiriko khudạu baṛamete pe cando hạbicʼ ńir oko baṛayem khojkana? Se pe mãhã hạbicʼ amakʼ disạmre mahamạrim khojkana? Okoeye kol akadiń uni do cetʼ iń roṛ ruạṛaea ona reakʼ ńitokʼ hudiskate lạiyạńme.”

2 Samuel 21:1

Dạude rajokʼkan tahẽkanre pe bochor akal hoylena ona do bochorke bochorge. Ona iạte Dạud do Probhu Isor ṭhen niạ reaṅe kuliyana. Ar Probhu Isor do roṛ ruạṛadeteye metadea, “Noa do Sạul ar uniyakʼ bõsrenko iạte hoyakana. Onkoge mãyãm reakʼ dusi kanako; Sạul do Gibeonrenkoe gocʼletʼkoa.”

Genesis 47:4

Onko do arhõko menkeda, “Ale do noa disạmre thoṛa din lạgitʼ tahenle hecʼakana. Kanan disạmre ńitokʼ do ạḍi akal calakʼkana ar onḍe aleren bhiḍi-meromko ạtińko lạgitʼ jãhãn ghãsko hõ bạnukʼa. Onate dayakate amren golamko do Gosenre tahen lạgitʼ hukum emalem.”

Genesis 41:32

Noa kukmũ do Maharaj bar dhaoe ńel ocoakana. Noa reakʼ mane do hoyokʼkana, Isor doe niṭ dohoakada ar hako pakoge ona doe hoeocoya.

Genesis 41:25

Unre Joseph do Pharaoe metadea, “Maharajakʼ noa banar kukmũ do mitʼgea. Isor okae ceka lạgidokʼkan onage Maharaj ṭhene sodor akada.

Genesis 26:1

Abrahamakʼ oktere leka niạ dhao hõ disạmre mitʼṭecʼ akal hoyena. Ona iạte Isahak do Gora nagrahate Philisṭikoren raj Abemelek ṭhene calaoena.

Genesis 41:54

Ar ona tayom do akal reakʼ eae bochor ehopʼena. Ar Josephakʼ katha lekage jotowakʼ hoyena. Aḍe pase disạmko hõ noa akal khon rukhiyạ bae ńamleda, menkhan Misorre do okare hõ jomakʼ reakʼ okulạn baṅ tahẽkana.

2 Rapajko 4:38

Elisae do Gilgolteye ruạṛ calaoena. Unre ona ṭoṭhare akal hoyokʼkan tahẽkana. Mitʼdin cela-nạbiko do uni sãoteko duṛupʼ akan tahẽkana. Unre acʼren mitʼṭen gutiye metadea, “Lạṭu ṭukucʼ condaete noko lạgitʼ suṛạ dakae tabon me.”

2 Rapajko 7:20

Ar onkage uni cetanre hoyena, ente phaṭok reakʼ horre uni doko lebetʼ gańjaokedea are gocʼena.”

2 Rapajko 8:2

Maejiu do Isorren hoṛakʼ katha lekageye kạmikeda. Uni ar acʼ gharońjrenko do onḍe khonko calaoente eae bochor hạbicʼ Philisṭikoakʼ disạmreko tahẽyena.

2 Rapajko 4:36

Unre Elisae do Gehosi hohoadeteye metadea, “Sunemi maejiu hohoaeme.” Ar Gehosi do uniye hohoadea. Maejiue hecʼena khan Elisaeye menkeda, “Amren hoponme do idiyem.”

Amos 4:6

“Iń do arhõń menetʼkana, mimitʼ nagrahare reṅgecʼteń dohoketʼpea ar mimitʼ atorenko do piṭhạ reakʼ ṭonṭateń dohoketʼkoa; enhõ ape do iń ṭhen bape ruạṛlena.