2 Rapajko 7:9 - সান্তালী বাইবেল

⁹ Inạ tayom do ako akoreko mepenena, “Aboakʼ kạmi bhage do baṅ hoyokʼkana. Teheń do mitʼṭecʼ bhage sombat reakʼ din kana ar abo do lại baṅkate hapege menakʼ bona. Ar setakʼ hạbicʼ bon bilomle khan abore sạjại do paṛaokʼgea. Dela, ńitge abo do raj oṛakʼte senkate khobor bon baḍae ocokoa.”

2 Rapajko 7:9 Referans Kwoze

Jesaea 52:7

Buruko cetanre uniyakʼ jaṅga do heṛan mońj, okoe boge hukigot emokʼ lạgitʼe hijukʼkan, suluke lại jạhiretʼkan ar bhạlại reakʼ sombate ạguiyetʼkan, babańcaoe lại sodoretʼkan ar Sione metaekan, ‘amren Isor doe rajokʼ kana,’

Philipiko lạgitʼ Pạul apostolakʼ ciṭhi 2:4

Eken apnar eskar lạgitʼ do alo, bickom mimitʼ hoṛ etạkʼ hoṛko lạgitʼ hõ dạndikʼpe.

Nạhum 1:15

Okoeṭakʼ hoṛ bhage sombate ạguyetʼkan ar suluk reakʼe roṛetʼkan, ma ńelme uniyakʼ jaṅga do buru cetanre menakʼtaea. E Jihudạ, amakʼ porobko palonme ar okaṭakʼ manotem dohoakatʼ ona purạume. Dusṭạmi hoṛ do ar bako akromonmea; onko doko marao ocokʼa.

Jesaea 41:27

Iń do pạhilre Sioniń men akadea ar ńelkom onko doko hecʼakana. Jerusalem do mitʼṭecʼ bhage sombat emokʼicʼ hoṛiń em akadea.

2 Rapajko 7:3

Unre nagraha reakʼ phaṭok duạr bolokʼ horre ponea murhucʼ jom rog hoṛko tahẽkana. Onko do ako akoreko mepenena, “Abo do nonḍe tahẽkate cedakʼ bon gujukʼa?

Numeri 32:23

Menkhan bape onkae enḍekhan ape do Probhu Isor upạrtepe kạiya. Ar noa baḍaekakʼpe, ona iạte apeakʼ kại khon rehae do bape ńama.

Luk 2:10

Serma goḍet do onkoe metatʼkoa, “Alope botorokʼa, ente ape ṭhen ạḍi rạskạ reakʼ sombat iń ạguakada. Noa rạskạ do sanam hoṛko lạgitʼ kana.

Kạhtukko 24:16

ente dhorom hoṛ do eae dhaoe leńjetʼlenre hõ uni do arhõe beretʼ ruạṛa, menkhan bedhorom hoṛ do ghoṭna iạteko tohotʼ bhindạṛokʼa.

2 Rapajko 7:6

Probhu Isor do rãt gạḍi, sadomko, ar maraṅ mitʼ dol lạṛhại phạdkoakʼ sabad Aramrenkoe ańjom ocoketʼkoa. Onate Aramren lạṛhại phạdko do ako akoreko mepenena, “Ńelpe, Israelren raj do abore jhãp em lạgitʼ Hittiren raj ar Misorren rajkine bhaṛa ạguakatʼkinạ.”

2 Rapajko 7:8

Onko murhucʼ jom rugiko do ḍera ṭhen seṭerkate mitʼṭecʼ tạmbu bhitriteko boloyena. Onko do jom ńukate sona, rupạ, ar kicricʼko idiketʼte onakoko oko dohokada. Ona tayom ruạṛ hecʼkate ar mitʼṭecʼ tạmbuteko boloyena ar ona reakʼ jiniskoko idikeda arko oko dohokada.

2 Rapajko 7:10

Onate onko do senkate nagraha reakʼ phaṭok duạrren pahradarko metatʼkoa, “Ale do Aramrenkoakʼ ḍeratele senlena. Onḍe do mitʼṭecʼ hoṛ hõ bạnukʼkoa, cetʼ sabadge bạnukʼa; eken sadomko ar gadhako tol akan menakʼkoa ar tạmbuko do cetʼleka tahẽkan onkage bạgikate onko doko calao akana.”

2 Rapajko 5:4

Israel khon ạguyicʼ uni kuṛi okae menletʼ Naman do senkate acʼren mạlik onae lạiyadea.