2 Rapajko 7:8 - সান্তালী বাইবেল

⁸ Onko murhucʼ jom rugiko do ḍera ṭhen seṭerkate mitʼṭecʼ tạmbu bhitriteko boloyena. Onko do jom ńukate sona, rupạ, ar kicricʼko idiketʼte onakoko oko dohokada. Ona tayom ruạṛ hecʼkate ar mitʼṭecʼ tạmbuteko boloyena ar ona reakʼ jiniskoko idikeda arko oko dohokada.

2 Rapajko 7:8 Referans Kwoze

Mathae 13:44

“Serma raj do goḍare topa oko akatʼ dhon lekana. Mitʼ hoṛ do ona ńamkate arhõe oko dohokada. Inạ tayom uni do rạskạ monteye calaoena ar acʼakʼ oka tahẽkantae ona joto ạkhrińkate ona goḍae kirińkeda.

Josuạ 7:21

iń do luṭ reakʼ jinisko khon Sinạr disạm reakʼ mońjakʼ mitʼṭecʼ kicricʼ, bar keji tala rupạ ar turui sae gram ojon reakʼ mitʼṭecʼ sona ḍhimbạ reakʼ laloc bạń sambṛao daṛeakʼte onań ạgu akada. Onako do ińakʼ tạmbure ot latarreń topa oko akada ar ona latarre do rupạ menakʼa.”

Mathae 25:18

Menkhan okoe mitʼ hajar ṭaka ńamletʼ uni do senkate ote lakeda ar acʼren kisạ̃ṛakʼ ṭakae topa okokada.

Jirimiạ 41:8

Menkhan onko mod khon gel hoṛ do Ismaelko metadea, “Ale do alom gocʼlea. Ale do ṭạnḍire aleakʼ jao, guhum, sunum ar dumur rasakole oko dohoakada.” Ona iạte Ismael do onkoe aṛakʼkatʼkoa, ar eṭakʼko sãote bae gocʼletʼkoa.

2 Rapajko 5:24

Ado ḍuṅgri buru ṭhen hecʼkate Gehosi do gutikin ṭhen khon onako hataokate oṛakʼreye dohokada. Ar ona tayom doe bidạkatʼkinte unkin dokin ruạṛ calaoena.

2 Rapajko 7:9

Inạ tayom do ako akoreko mepenena, “Aboakʼ kạmi bhage do baṅ hoyokʼkana. Teheń do mitʼṭecʼ bhage sombat reakʼ din kana ar abo do lại baṅkate hapege menakʼ bona. Ar setakʼ hạbicʼ bon bilomle khan abore sạjại do paṛaokʼgea. Dela, ńitge abo do raj oṛakʼte senkate khobor bon baḍae ocokoa.”

Jesaea 33:23

Amakʼ ṭakʼnao baberko do ḍhil akantama; onare badam khunṭi do kajakte baṅ aṭkao akana, ar badam hõ baṅ pasnao akana. Unre ạḍi utạr jinisko hạṭińokʼa; ar leḍhako hõ luṭakʼ jinisko idi joṅa.