2 Rapajko 7:7 - সান্তালী বাইবেল

⁷ Noa menkate onko do ạyubokʼ laharege akoakʼ tạmbuko, sadomko, gadhako bạgiyatʼkoa arko dạṛkeda. Onko do jiwi botorte ḍera cetʼleka tahẽkan onkage bạgi oṭoada.

2 Rapajko 7:7 Referans Kwoze

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Ibriko 6:18

Isorakʼ gokʼakʼ ar kiriạ do tishõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriạ akana, jemon abo samaṅre oka as menakʼ ona kajakte sapʼ dohoy lạgitʼ bạ̃ṛti udgạu bon ńam.

Jesaea 2:20

Enhilokʼ hoṛko do oneko pujạwako kan sona ar rupạte benao murtiko do cũd ar bạduṛ ṭhenko giḍikakoa.

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Kạhtukko 6:5

Sikạriwakʼ ti khon jel hopon leka, laoṭa oḍaoicʼakʼ ti khon cẽṛẽ leka am do paskao oḍokokʼme.

Sereńko 68:12

Onko maejiu doko meneda, “Lạṛhại phạdkoren raj doko dạṛjoṅ kana, onko doko dạṛjoṅ kana, ar oṛakʼre menakʼko maejiuko do luṭakʼ jinisko hạṭińjoṅ kana.

Sereńko 33:17

Rukhiyạ ńam lạgitʼ sadom cetan reakʼ hirlạ hõ ạuṛiyakʼgea; maraṅ daṛe tahẽlen khan hõ sadom do bae rukhiyạ daṛeaea.

Jobakʼ 18:11

Botor do uni beṛhaete tahena; ar taṛam pichạge ona doe khudạu baṛayea.

Bikʼcạrko 7:21

Ḍera beṛhaete Gideonren hoṛko do tinre akoakʼ ṭhạ̃ireko teṅgo thirena unre sanam Midiạnrenko do kạumạu ar ńir baṛaeko ehopʼena.

1 Rapajko 10:29

Misor disạm khon ạguwakʼ mimitʼ rãt gạḍiko reakʼ dam do eae keji irạl sae gram rupạ ar mimitʼ goṭen sadomakʼ dam do eae keji irạl sae gram rupạ tahẽkana. Onko bepariko do Hittiko ar Aramren sanam rapajko ṭhenko ạkhrińetʼko tahẽkana.

1 Samuel 14:15

Unre Philisṭikoakʼ lạṛhại ṭạnḍi reakʼ ḍerare ar sanam lạṛhại phạdko talare mitʼṭecʼ maraṅ botor rakapʼatʼkoa; onate Mikmas reakʼ ḍera ar huhul dolren lạṛhại phạdko hõ botorte thar tharaokʼko ehopʼena, ar ona sãote dhạrti laṛaokʼ hõ hoyena. Ona maraṅ botor do Isor ṭhen khonge hecʼatʼkoa.

1 Rapajko 20:20

Ar mitʼke mitʼ tạkicʼ daram hoṛko gocʼketʼkoa. Ona ńelte Aramrenko doko dạṛkeda ar Israelko do onkoko khudạu idiketʼkoa. Menkhan Aramren raj Benhadad do acʼren adom aswariko soṅgekate sadomre decʼkateye dạṛkeda.