2 Rapajko 7:6 - সান্তালী বাইবেল

⁶ Probhu Isor do rãt gạḍi, sadomko, ar maraṅ mitʼ dol lạṛhại phạdkoakʼ sabad Aramrenkoe ańjom ocoketʼkoa. Onate Aramren lạṛhại phạdko do ako akoreko mepenena, “Ńelpe, Israelren raj do abore jhãp em lạgitʼ Hittiren raj ar Misorren rajkine bhaṛa ạguakatʼkinạ.”

2 Rapajko 7:6 Referans Kwoze

2 Samuel 5:24

Ar konḍea darekore tinre lạṛhại phạdkoakʼ saḍem ańjoma unre am dom oḍok hijukʼa. Ona reakʼ mane do hoyokʼ kana, Philisṭikoren lạṛhại phạdko ńẽtʼko lạgitʼ Probhu Isor do am laha lahateye calao akana.”

Jesaea 31:1

Hae onko do one okoe goṛo ńam lạgitʼ Misorteko calakʼkan! Onko do sadom ar rãt gạḍireko bhorsakʼ kana ar aswarikoakʼ maraṅ daṛe cetanre pạtiạuko dohoyeda, menkhan onko do Israelren uni sonoticʼ secʼ bako beṅgetʼeda ar Probhu Isor ṭhen goṛo bako khojkana.

1 Rapajko 10:29

Misor disạm khon ạguwakʼ mimitʼ rãt gạḍiko reakʼ dam do eae keji irạl sae gram rupạ ar mimitʼ goṭen sadomakʼ dam do eae keji irạl sae gram rupạ tahẽkana. Onko bepariko do Hittiko ar Aramren sanam rapajko ṭhenko ạkhrińetʼko tahẽkana.

Johan sodor 9:9

Onkoakʼ koṛamre mẽṛhẽtʼ reakʼ aḍokʼakʼ leka kicricʼ tahẽkana. Ar ạḍi utạr sadomko lạṛhại gạḍiko kamsao idiyetʼ reakʼ sabad leka, onkoakʼ phạ̃kṛạ̃kʼ reakʼ sabad hõ tahẽkana.

Jeheskel 10:5

Kerubkoakʼ phạ̃kṛạ̃kʼ reakʼ saḍe do raca hạbicʼ ańjomokʼkan tahẽkana; ona saḍe do phạdkoren Probhu Isorakʼ roroṛkan aṛaṅ lekage tahẽkana.

Jesaea 36:9

Ar ona hõ bam daṛeakʼ khan ińren kisạ̃ṛren huḍiń utạricʼ subedar do cekatem tạkicʼ daram daṛekea, ente am do Misor reakʼ rãt gạḍi ar aswariko cetanrem bhorsakʼ kana?

Sereńko 14:5

Isor do acʼren dhorom hoṛko sãote menaea, onate onko hoṛ do ạḍi botor paṛao akoa.

Jobakʼ 15:21

Uniyakʼ luturre do torasge bajaokʼkana; ar jotowakʼge mońjge calakʼkana mente tireye hudisa unre luluṭko do uni cetanre jhãpko ema.

2 Rapajko 19:7

Ańjomme, iń do unire mitʼṭecʼ jiuiń kolea ar onate uni do mitʼṭecʼ sombate ańjoma ar acʼakʼ disạmteye ruạṛ calakʼa ar iń do onḍege tarwaṛeteń makʼ gojea.’ ”

1 Samuel 14:15

Unre Philisṭikoakʼ lạṛhại ṭạnḍi reakʼ ḍerare ar sanam lạṛhại phạdko talare mitʼṭecʼ maraṅ botor rakapʼatʼkoa; onate Mikmas reakʼ ḍera ar huhul dolren lạṛhại phạdko hõ botorte thar tharaokʼko ehopʼena, ar ona sãote dhạrti laṛaokʼ hõ hoyena. Ona maraṅ botor do Isor ṭhen khonge hecʼatʼkoa.

1 Samuel 26:6

Unre Dạud do Hitti hoṛ Ahimelek ar Seruya hopon Joabren boeha Abisae tạkine metatʼkinạ, “Sạulakʼ ḍerate iń tulucʼ do okoeye calakʼa?” Abisaeye menkeda, “Ińiń calakʼa.”

2 Samuel 10:6

Amonrenko tinreko bujhạu daṛeada, onko do Dạud ṭhenko kurud ocoakana mente. Unre onko do Bethrehobren ar Sobaren bargel hajar otten lạṛhại phạdko, ar Makaren mitʼ hajar hoṛko ar Toabren gelbar hajar hoṛkoe bhaṛaketʼkoa.

2 Rapajko 7:5

Noa menkate ńuhumokʼ laha onko do Aramrenkoakʼ ḍerateko senena. Ar senkateko ńelkeda onḍe do mitʼ hoṛ hõ bạnukʼkoa.

Jirimiạ 46:21

Misorren din mạjuri lạṛhại phạdko do lodgopʼ mĩhũ leka kanako. Onko hõ ruạṛkate mitʼ domteko dạṛ pharakokʼa; ar bako teṅgo ṭarhaokʼa, ente onko cetanre maraokʼ reakʼ dinge hijukʼkana, onkoakʼ sạjại ńam reakʼ okte do sor hecʼ akana.

Jeheskel 1:24

Jiwiyankoko calaoen tayom iń do onkoakʼ phạ̃kṛạ̃kʼ reakʼ sabadiń ańjomkeda; ona do banbạsi ar ạtukʼ dakʼ reakʼ saḍe leka ańjomokʼkan tahẽkana, sanam daṛeanicʼ reakʼ aṛaṅ leka tahẽkana, mitʼṭen lạṛhại phạdkoakʼ kạumạu lekage. Jiwiyankoko teṅgokan tahẽkanre phạ̃kṛạ̃kʼ doko samṭaokatako kan tahẽkana.

Bikʼcạrko 7:21

Ḍera beṛhaete Gideonren hoṛko do tinre akoakʼ ṭhạ̃ireko teṅgo thirena unre sanam Midiạnrenko do kạumạu ar ńir baṛaeko ehopʼena.

1 Rapajko 20:20

Ar mitʼke mitʼ tạkicʼ daram hoṛko gocʼketʼkoa. Ona ńelte Aramrenko doko dạṛkeda ar Israelko do onkoko khudạu idiketʼkoa. Menkhan Aramren raj Benhadad do acʼren adom aswariko soṅgekate sadomre decʼkateye dạṛkeda.