2 Rapajko 7:5 - সান্তালী বাইবেল

⁵ Noa menkate ńuhumokʼ laha onko do Aramrenkoakʼ ḍerateko senena. Ar senkateko ńelkeda onḍe do mitʼ hoṛ hõ bạnukʼkoa.

2 Rapajko 7:5 Referans Kwoze

Dosar Biboron 28:7

“Bạiri lekate okoe ape upạrteko teṅgokʼ onko do Probhu Isorgeye nonkakoa jemon ape ṭhenko bhagao ocokʼ. Onko do mitʼ horte apere jhãpko ema menkhan eae horteko dạṛ pạnḍuja.

Jeheskel 12:12

“Onko talaren disạm cakʼlaoyicʼ do ńutre acʼakʼ jinisko tarenre ladekateye oḍokokʼa ar pạcri bhit do kholao bhugạgokʼa jemon ona talateye oḍok hecʼ daṛeakʼ. Uni do acʼakʼ mẽtʼe betʼ esetʼtaea jemon acʼakʼ disạm reakʼ ot bae ńelńam.

1 Samuel 30:17

Unre Dạud do enhilokʼ ạyupʼ bela khon ehopʼkate dosar hilokʼ ạyupʼ hạbicʼ onko sãoteye lạṛhạiyena. Onkoren cele hõ rukhiyạ do bako ńamleda, eken ponsae juạn koṛa do ũṭre decʼkateko dạṛ pạnḍucʼkeda.

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Dosar Biboron 32:25

Onkoren hopon ar hoponerako do nagraha bahrere tarwaṛe reakʼ hạnteko gujukʼa, ar oṛakʼ bhitrire botorteko udạsokʼa. Onkoren juạn koṛa ar kuṛiko, kạṭicʼ gidrạko ar haṛam buḍhiko doko marao utạrokʼa.

Levitikus 27:26

“Jãhãege mĩhũ-meromren pạhil ạnḍiạ hopon do Probhu Isor ńutumte alope sonotkoa, ente joto mĩhũ-meromren pạhil ạnḍiạ hopon do Probhu Isorren kanako. Baṅ doe ḍaṅgrakan ar baṅ doe bheḍakan jotoge Probhu Isorren kanako.

Levitikus 27:8

“Ar manotakʼe samaṅetʼ kạnicʼ doe reṅgecʼ hoṛkan khan ar niṭ akatʼ reakʼ dam emokʼ reakʼ daṛe bạnukʼtae khan uni do naeke ṭhen idiye hoyokʼa. Ar naeke do unre uniyakʼ daṛe leka ona reakʼ dame ṭhikaea.

2 Rapajko 7:4

Ar bon men nagrahate do babo calakʼa onḍe do akal hoyokʼkana arbo gujukʼa. Ar nonḍe tahenrehõ bon gujukʼa. Ona khon bickom dela, abon do Aramrenkoakʼ ḍerate senkate onkoakʼ tire bon soprotokʼa. Onko jiwetʼko dohole bon khan ma bogege arko gocʼ bon khan mabon gujukʼge.”

2 Rapajko 7:6

Probhu Isor do rãt gạḍi, sadomko, ar maraṅ mitʼ dol lạṛhại phạdkoakʼ sabad Aramrenkoe ańjom ocoketʼkoa. Onate Aramren lạṛhại phạdko do ako akoreko mepenena, “Ńelpe, Israelren raj do abore jhãp em lạgitʼ Hittiren raj ar Misorren rajkine bhaṛa ạguakatʼkinạ.”