2 Rapajko 7:4 - সান্তালী বাইবেল

⁴ Ar bon men nagrahate do babo calakʼa onḍe do akal hoyokʼkana arbo gujukʼa. Ar nonḍe tahenrehõ bon gujukʼa. Ona khon bickom dela, abon do Aramrenkoakʼ ḍerate senkate onkoakʼ tire bon soprotokʼa. Onko jiwetʼko dohole bon khan ma bogege arko gocʼ bon khan mabon gujukʼge.”

2 Rapajko 7:4 Referans Kwoze

Jirimiạ 14:18

Bahreteń oḍok calakʼkan khan iń do mạ̃ṛĩkoń ńeleda; ar nagrahateń bolokʼkan khan do akalte kosṭokʼkan hoṛkoń ńeletʼkoa. Naeke ar nạbiko do nonkan disạmreko dãṛãbaṛae kana one ona reaṅ cetʼge bako baḍaekan.’ ”

Jona 3:9

Okoe baḍaea hoedaṛeakʼa Isor do moneye ạcurtaete jaljalaokʼkan edre khone ruạṛkange jemon alo bon marao utạrokʼ.”

Jirimiạ 8:14

Nonḍe do cedakʼ bon duṛupʼ akana? Dela, mitʼ sãote ona gaṛ nagrahate bon bolokʼma ar onḍege bon maraokʼ ma, ente aboren Probhu Isor do nosṭokʼ lạgitʼe alae akatʼ bona ar ńui lạgitʼ bis dakʼe em akatʼbona, ente uni upạrte bon kại akada.

Ester 4:16

“Am do senkate Susanre menakʼko sanam Jihudikom jarwakoa ar iń ńutumte joto hoṛ upạspe dohoya. Ape do pe siń pe ńindạ cetʼge alope jom ńũiya. Ar ape cetʼ lekape upạs onkage iń ar ińren kạ̃ṛmĩko hõle upạsa. Ona tayom ạn upạrte jãhãnakʼge hoyokʼ enhõ iń do raj ṭheniń calakʼa. Ar ona khạtirte gujukʼ hoyokʼtiń khan hõ iń doń khaṛagea.”

2 Samuel 14:14

Otre dakʼ dul giḍile khan cetʼleka ona ar baṅ hạr ruạṛokʼ onkage abo hõ bon gujukʼa. Menkhan Isor do jiwi bae hataoa bickom nonkae bebostaea jemon ocokʼ giḍi akade hoṛ acʼ khon pharakre aloe tahen.

Ibriko 9:27

Isor doe ṭhik dohoakada je, manwako mitʼ dhaoko gujukʼa, ar ona tayom do bicạr hoyokʼtakoa.

1 Bõsbudạ 12:19

Dạud do tinre Philisṭiko sãote Sạul upạrte lạṛhại lạgitʼe calakʼkan tahẽkana unre Manase gusṭiren thoṛa hoṛ do akoakʼ dol bạgikate Dạud ṭhenko senlena. Mekhan Dạud ar uniren hoṛko do Philisṭirenko bako goṛowatʼkoa, ente Philisṭiren cakʼlaoko do ako talare galmarao tayom Dạudko bidạkedea. Onkoko menkeda, “Uni do ale bạgikate acʼren kisạ̃ṛ Sạul sãoteye mitʼlen khan ale do bohokʼ ńurokʼ talea.”

2 Rapajko 6:24

Inạ thoṛa din tayom Aramren raj Benhadad do acʼren sanam lạṛhại phạdkoe jarwaketʼkoa ar Samariạko gherao ạcurkeda.

2 Rapajko 7:5

Noa menkate ńuhumokʼ laha onko do Aramrenkoakʼ ḍerateko senena. Ar senkateko ńelkeda onḍe do mitʼ hoṛ hõ bạnukʼkoa.