2 Rapajko 7:1 - সান্তালী বাইবেল

¹ Elisaeye menkeda, “Probhu Isor okae menetʼ ona baṛe ańjompe. Uniye meneda, gapa Samariạ reakʼ phaṭokre gelbar gram rupạte turui keji holoṅ ar gelbar gram rupạte gelbar keji jao ạkhrińokʼa.”

2 Rapajko 7:1 Referans Kwoze

Josuạ 3:5

Inạ tayom Josuạ do hoṛkoe metatʼkoa, “Apnar baṛe saphakʼpe, ente gapa Probhu Isor do ape talare maraṅ hahaṛawakʼe kạmiya.”

Exodus 16:12

“Israelko iń upạrte okako kathako roṛakatʼ ona doń ańjom akada. Onko do noa katha lạiyakome, ạyupʼ jokhecʼ onko do jelko joma ar setakʼ do lacʼ bikʼ piṭhạko joma. Ar nonkateko baḍae daṛeakʼa, onkoren Probhu Isor doń ińkangea mente.”

Jeheskel 37:4

Unre uni do ona jaṅko ṭhen noa nạbi katha roroṛe metadińạ, “E rohoṛ jaṅko, ape do Probhu Isorakʼ katha ańjompe.

1 Samuel 11:9

Gibearen hoṛko do Jabes khon okoe khoborko ạguletʼ onkoko metatʼkoa, “Jabes-Gileadren hoṛko senkatepe metakoa, gapa tikin bhitritege onko doko bańcao ocokʼa.” Ar noa katha Jabesren hoṛko baḍaeketʼ khan ạḍiko kusiyena.

Exodus 14:13

Mose do onkoe metatʼkoa, “Alope botorokʼa. Okare menakʼpe onḍege tahenpe ar Probhuakʼ bańcao reakʼ kạmi ńelpe. Uni do teheńge ape lạgitʼe onkaea. Okoe misrikope ńeletʼko onko do ar tisge bape ńelkoa.

Sereńko 46:5

Isor do ona nagrahareye tahenkana, onate ona do ṭarhao tahena; ar aṅga torage Isor do onae goṛowakʼa.

Exodus 8:23

Ar mitʼṭecʼ bekʼgarakʼ iń dohoya ińren hoṛko ar amren hoṛko talare. Ar gapage noa hahaṛawakʼ do ńelokʼa.’ ”

2 Rapajko 20:16

Unre Jesaea do Hiskiại metadea, “Probhu Isor okae menetʼ ona ańjomme.

Johan sodor 6:6

Onko ponea jiwiyanko talare okoe coṅ roroṛkaniń ańjomkedea, “Mitʼṭen din ṭalaoicʼakʼ mitʼ din reakʼ kuṛại do eken mitʼ ser guhum se pe ser jao hoyokʼtaea. Sunum ar darkha rasa do alom nosṭoea.”

2 Rapajko 4:42

Bakʼal Salisa khon mitʼṭen hoṛ do Isorren hoṛ lạgitʼ pạhil samṭaoakʼ phosol khon bargel goṭecʼ jao reakʼ piṭhạ ar ona sãote thoṛa thuṛi nãwã phosol hõe ạgu darakeda. Elisaeye menkeda, “Noa do jom lạgitʼ hoṛko hạṭińakome.”

Johan 6:9

Uni do Jisui metadea, “Nonḍe mitʼṭen huḍiń koṛa ṭhen barea kạṭicʼ hako ar mõṛẽ goṭecʼ jao reakʼ piṭhạ menakʼa, menkhan noate nunạkʼ hoṛakʼ do cetʼ hoyokʼa?”

2 Rapajko 6:25

Unre nagrahare maraṅ akal ńelena. Niạ gherao do nunạkʼ din hạbicʼ hoyena je, mitʼṭen gadhawakʼ bohokʼ do mitʼ keji rupạte ar mitʼ keji reakʼ pon hạṭiń reakʼ mitʼ hạṭiń parwa icʼ do eae gram rupạte ạkhrińokʼ ehopʼena.

2 Rapajko 6:33

Elisae do unhõ kathae roroṛ kan tahẽkana un jokhecʼ uni hoṛ doe hecʼena. Ona tayom raj do hecʼkateye menkeda, “Noa muhin do Probhu Isor ṭhen khonge hecʼakana. Enḍekhan Probhu Isor lạgitʼ do cedakʼ iń biloma?”

Jesaea 1:10

E Sodomren mukhiyạko, Probhu Isorakʼ katha baṛe ańjompe. E Gomoraren hoṛko, aboren Isorakʼ bondobos reakʼ baṛe luturakʼpe.

1 Rapajko 22:19

Mikạ do roroṛe ehopʼena, “Enḍekhan Probhu Isorakʼ katha ańjomme. Ińiń ńelkeda, Probhu Isor do acʼakʼ siṅghạsonreye duṛupʼ akana ar uniyakʼ jojomsa ar uniyakʼ leṅgasa aṛere do sermaren sanam goḍetko menakʼkoa.

2 Rapajko 7:16

Unre hoṛko doko oḍok hecʼente Aramrenkoakʼ ḍerako luṭkeda. Onate Probhu Isorakʼ katha lekage turui keji holoṅ do gelbar gram rupạte ar gelbar keji jao do gelbar gram rupạte ạkhrińena.

1 Samuel 15:1

Sạmuel do Sạule metadea, “Probhu Isor do acʼren hoṛ Israelko cetanre raj hudạre bahale lạgitʼ ińe kolledińạ. Ńitokʼ do Probhu Isorakʼ kathare luturakʼme.