2 Rapajko 6:9 - সান্তালী বাইবেল

⁹ Unre Isorren hoṛ do Israelren raj ṭhene roṛ gotʼkada, “Sontorokʼme, phalna jaega secʼ do alom calakʼa, ente Aramrenko do onḍeko calakʼ kana.”

2 Rapajko 6:9 Referans Kwoze

Amos 3:7

Probhu Isor do acʼren guti nạbiko ṭhen acʼakʼ jãhãnakʼ goṭawakʼ bae sodorle khan cetʼge ohoe cekalea.

Johan sodor 1:1

Noa puthire okako olakan ona do Jisu Mạsigeye sodor akada. Noako reaṅ Isor do Mạsi ṭhene sodorleda, jemon thoṛa ghạṛicʼ khange hoyokʼ lạgidokʼkan ghoṭnako acʼren gutikoe baḍae ocoko. Mạsi do acʼren goḍete kolkedete acʼren golam Johan do noa reaṅakʼkoe baḍae ocoledea.

2 Rapajko 6:12

Uniren subedar modren mitʼ hoṛe menkeda, “E ińren mạlik, abo modre do okoege bạnukʼkoa; menkhan am do amakʼ giticʼ kandhare okam roṛ ona katha hõ Israelren nạbi Elisae do Israelren raje lạiyae kana.”

2 Rapajko 4:27

Menkhan maejiu do Karmel burure Isorren hoṛ ṭhen seṭerkate uniyakʼ jaṅgareye giḍiyena. Gehosi do uni ocoge lạgitʼe hecʼen khan Isorren hoṛe menkeda, “Uni do alom ocogea. Uniyakʼ monre ạḍi duk menakʼtaea, menkhan Probhu Isor do iń ṭhen khon onae danaṅ akada, ar bae lại akawạdińa.”

1 Rapajko 20:28

Unre Isorren mitʼ hoṛ do hecʼkate Israelren raje metadea, “Probhu Isor do niạ kathae meneda, ‘Aramrenko doko hudiseda Probhu Isor doe bururen Isor kana, bilạn ṭạnḍiren doe baṅkana; ona iạte iń do onko maraṅ lạṛhại phạdko amakʼ tireń jimạkoa, ar nonkatepe baḍae daṛeakʼa je, iń kangeạń Probhu Isor do.’ ”

1 Rapajko 20:13

Inạ okte Israelren Ahab raj ṭhen mitʼṭen nạbi hoṛ do hecʼkate niạ kathae lạikeda, “Probhu Isore meneda, ‘am do cetʼ onko maraṅ lạṛhại phạdkom ńeletʼko kangea? Iń do teheńge amakʼ tire onkoń jimạkoa ar onatem baḍae daṛeakʼa, iń kangeạń Probhu Isor do.’ ”

2 Rapajko 4:1

Ar cela-nạbiko modren mitʼṭen maejiu do ãṭ aṛaṅte Elisaeye metadea, “Amren guti ińren jãwãeye gocʼakan ona dom baḍaegea, uni do Probhu Isor botorae hoṛe tahẽkana. Menkhan ńitokʼ iń jãwãeren mitʼṭen paonadar do ińren hoponkin acʼren golame hoyocokine mente unkin idikin lạgitʼe hecʼakana.”

2 Rapajko 4:7

Unre maejiu do Isorren hoṛ ṭhen senkate joto kathae lạikeda. Uni doe menkeda, “Am do senkate sunum ạkhrińme ar amakʼ rinko sodkakʼme. Ar okaṭakʼ sarecʼ tahen onate do ạsulokʼpe.”

2 Rapajko 6:8

Ona jokhecʼ Aramren raj do Israelko upạrteye lạṛhạikan tahẽkana. Uni do acʼren subedarko sãote solha mitʼkateye menkeda, “Phalna jaegakore bon ḍerakʼa.”

2 Rapajko 6:10

Onate Israelren raj do Isorren hoṛe hukum akatʼ jaegate hoṛ kolkateye sontorkatʼkoa. Ar nonkate raj do apnare rukhiyạkʼ kan tahẽkana.

Jirimiạ 11:18

Anathotren hoṛkoakʼ soṛojontro reakʼ katha do Probhu Isorge iń ṭhene sodorletʼte onań baḍae daṛeada.

Jobakʼ 5:12

Cạtur hoṛkoakʼ goṭawakʼ do bae jo baha ocowakʼ kana, onate onko do cetʼge baṅ hoyokʼ kantakoa.

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Kạhtukko 22:12

Probhu Isor do ạkile rukhiyạya, menkhan bepạtiạukoakʼ katha doe ạuṛiyakʼ ocoytakoa.