2 Rapajko 6:10 - সান্তালী বাইবেল

¹⁰ Onate Israelren raj do Isorren hoṛe hukum akatʼ jaegate hoṛ kolkateye sontorkatʼkoa. Ar nonkate raj do apnare rukhiyạkʼ kan tahẽkana.

2 Rapajko 6:10 Referans Kwoze

Ibriko 11:7

Okaṭakʼ do unrehõ baṅ ńelokʼkan tahẽkan, ona reaṅ Isor do Nohae sontorledea. Noha do Isor bhokti hoṛe tahẽkante Isorakʼ kathare biswạskate mitʼṭecʼ jahaje benaoleda, jemon acʼakʼ gharońjrenko rukhiyạko ńam. Noha do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

Aposkạmi 27:24

‘E Pạul, alom botorokʼa. Am do Kạisạr samaṅre teṅgokʼ hoyokʼtama. Ar noa jahajre tinạkʼ do am sãoteko calakʼkan onko sanamkoakʼ jiwi Isor do dayateye dan akawatʼmea.’

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Mathae 2:12

Ar Isor do Herod ṭhen aloko ruạṛ calakʼa mente kukmũte onkoe sontorkatʼkoa. Unre onko do eṭakʼ horte akoakʼ disạmteko ruạṛ calaoena.

Kạhtukko 27:12

Bujhạntar hoṛ do muhinko ńelle khan asrayko hataoa, menkhan lelha hoṛ do muhin ńelkatehõ calakʼtegeko tahena ar ona iạte kosṭoko ńama.

2 Bõsbudạ 20:20

Dosar hilokʼ ạḍi setakʼre onko do Tekoa hahaṅkar secʼko oḍok calaoena. Ar oḍok calakʼ lahare Jehosaphat do teṅgoyenteye metatʼkoa, “E Jihudạ ar Jerusalemren hoṛko, ińakʼ katha ańjompe. Ape do aperen Probhu Isor cetanre bhorsa dohoype, enḍekhanpe ṭarhao tahẽ daṛeakʼa. Uniren nạbiko cetanre pạtiạu dohoype, ar onatepe jo bahakʼa.”

2 Rapajko 13:14

Inạ lahare Elisae doe ruạ kạhil akan tahẽkana ar ona kạhilrege uni doe gocʼena. Uni gujukʼ lahare Israelren raj Jehoas do uni ńeńele senlena ar rakʼ rakʼteye menleda, “E ińren ạpuń, E ińren ạpuń, rãt gạḍiko ar aswariko leka am do Israelren rurukhiyạyicʼ kanam.”

2 Rapajko 5:14

Unre Naman do Isorren hoṛakʼ katha leka senkate jordanre eae dhaoe unumena. Onate uniyakʼ hoṛmo do bogeyena ar huḍiń gidrạkoakʼ hoṛmo leka arhõ mońj ruạṛentaea.

2 Rapajko 2:12

Elisae do ona ńelte ãṭ aṛaṅteye menkeda, “E ińren ạpuń, E ińren ạpuń, ńelme, Israelakʼ rãt gạḍi ar aswariko.” Inạ tayom Elisae do ar bae ńel ńamledea. Unre uni do acʼakʼ kicricʼe or cirạketʼtaea.

1 Rapajko 20:15

Ahab do niạ katha ańjomkate eṭakʼ eṭakʼ disạm cakʼlaoko taberen lạṛhại juạnkoe jarwaketʼkoa. Onate onko do barsae pegel bar hoṛko hoyena. Ar ona tayom uni do Israelren sanam lạṛhại phạdko mitʼ ṭhene jarwaketʼko khan onko do eae hajar lạṛhại phạdko hoyena.

2 Rapajko 6:9

Unre Isorren hoṛ do Israelren raj ṭhene roṛ gotʼkada, “Sontorokʼme, phalna jaega secʼ do alom calakʼa, ente Aramrenko do onḍeko calakʼ kana.”

2 Rapajko 6:11

Onate Aramren raj do ạḍiye raṅgaoena. Uni do acʼren subedarko hohoatʼkoteye metatʼkoa, “Ma lạipe, abo talare Israelren raj secʼ do okoe menaea?”

Jirimiạ 11:18

Anathotren hoṛkoakʼ soṛojontro reakʼ katha do Probhu Isorge iń ṭhene sodorletʼte onań baḍae daṛeada.