2 Rapajko 5:9 - সান্তালী বাইবেল

⁹ Onate Naman do acʼakʼ rãt gạḍiko ar aswarikoante Elisaeyakʼ oṛakʼ duạr ṭhen senkateye teṅgoyena.

2 Rapajko 5:9 Referans Kwoze

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

2 Rapajko 6:32

Elisae do unre acʼakʼ oṛakʼreye duṛupʼ akan tahẽkana ar uni sãote murubbikoko tahẽkana. Raj do mitʼṭen hoṛ Elisae ṭhene kolkadea, menkhan uni hoṛ onḍe ạuriye seṭerokʼrege Elisae do murubbikoe metatʼkoa, “Ape do cetʼ uni khuniạhi do bape ńele kana okoe do ińakʼ bohokʼ makʼ ńur tiń lạgitʼ mitʼ hoṛe kolekana? Ńelpe, uni hoṛe hecʼlen khan duạrpe sińa ar alogepe jhicʼaea. Ar uni tayomte do uniren mạlikakʼ sabadge cetʼ baṅ ańjomokʼ kana?”

2 Rapajko 3:12

Jehosaphate menkeda, “Probhu Isorakʼ katha do uni ṭhen menakʼa.” Onate Israelren raj, Edomren raj ar Jehosaphat do Elisae ṭhenko senena.

2 Rapajko 5:8

Isorren hoṛ Elisae do tinreye ańjomkeda, Israelren raj do acʼakʼ kicricʼe oṛecʼ akatʼtaea, unre uni do noa khobore kolkeda, “Cedakʼ kicricʼ dom oṛecʼketʼtama? Uni hoṛ do iń ṭhen kolkaeme. Inạ khane baḍae daṛeakʼa, Israelre mitʼṭen nạbi menaea mente.”

2 Rapajko 5:10

Unre Elisae do mitʼṭen hoṛ hoteteye roṛ gotʼkada, “Jordan gaḍate senkate am do eae dhao umokʼme. Inạ khan am dom boge utạrokʼa.”