2 Rapajko 5:12 - সান্তালী বাইবেল

¹² Damesek reakʼ Abana ar Parpar gaḍa dakʼ do cetʼ Israel reakʼ sanam gaḍa dakʼko khon baṅ sorosgea? Iń do cetʼ onḍe umkate bạń sapha daṛekokʼa?” Ar niạ menkate uni do raṅgaoteye ruạṛ calaoena.

2 Rapajko 5:12 Referans Kwoze

Mark 1:9

Onako oktere Jisu do Gạlil Prodes reakʼ Nasaret ato khone hecʼena, ar Johan do Jordan gaḍare uniye bạptiskedea.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Kạhtukko 19:11

Okoe hoṛakʼ bud menakʼtae ona bud do thoṛate ohoe raṅgao gotʼ ocolea; ar uniyakʼ man kangea ghạṭ ikạkạkʼ do.

Kạhtukko 14:17

Naseyakʼte raṅgaokʼ hoṛ do lelhayicʼ lakae kạmiya, menkhan bujhạntar hoṛ doe jiwi hataṛa.

2 Rapajko 5:17

Namane menkeda, “Jãhãnakʼge bam hatao enḍekhan dayakate barea gadha jemonkin idi daṛeakʼ nonkan hasa amren guti baṛe emaeme, ente amren nui guti do Probhu Isor chaḍa tisge jãhãn debota ṭhen jeredokʼakʼ ar eṭakʼ samaṅokʼakʼ do bae samaṅa.

2 Rapajko 2:14

Ar ona oyonakʼte uni do dakʼe dalketʼteye menkeda, “Eliạren Probhu Isor ńitokʼ do okare menama?” Are dalketʼ khan dakʼ do bar hạṭińena, ar rukhạṛgeye paromena.

2 Rapajko 2:8

Eliạ do acʼakʼ hoṛmo reakʼ oyonakʼe lạṭumkeda ar onate jordan gaḍa dakʼe dalkeda. Onate dakʼ do bar hạṭińena ar unkin do rukhạṛge kin paromena.

Sakariạ 14:8

Un jokhecʼ niron din ar rabaṅ dinre Jerusalem khon do heṛem dakʼ ạtu oḍokokʼte adha do purub jalapuri secʼ ar adha do pạchim jalapuri secʼ ạtu calakʼa.

2 Rapajko 5:11

Menkhan Naman do ạḍiye raṅgaoente onḍe khone calaoena are menkeda, “Iń doń hudisleda khạṭige uni do iń ṭhene oḍokʼ hijukʼa ar teṅgokate acʼren Probhu Isore hohoaea ar murhucʼ jom rog cetanre acʼakʼ tiye dohoytaea ar ińakʼ roge bogeytińạ.

Kạhtukko 16:32

Okoe usạrate bae raṅgao hodokʼ uni do lạṛhại bir khon hõe bhagegea; okoe nagrahae hatetʼkan ona khon okoe apnare sambṛaokʼkan unigeye bhagea.

Soros sereń 4:8

E bạhutiń, dela iń sãote Lebanon khon hijukʼme, Lebanon khon iń tulucʼge dela hijukʼme. Amana reakʼ cuṛạ khon, Senir ar Hermon buru reakʼ muthni khon, dhạcri kulkoakʼ dander khon, poṭea tạrupʼkoakʼ buru khon dela pheḍ hijukʼme.

Jirimiạ 49:23

Damesek babotre Probhu Isore meneda, “Hamat ar Arpad dokin andmandao akana, ente unkin do bạṛicʼ khoborkin ańjomakada. Unkin dokin as chuṭạu akana, ar haḍak ḍabakokʼkan doreão lekakin hoyakana.