2 Rapajko 5:10 - সান্তালী বাইবেল

¹⁰ Unre Elisae do mitʼṭen hoṛ hoteteye roṛ gotʼkada, “Jordan gaḍate senkate am do eae dhao umokʼme. Inạ khan am dom boge utạrokʼa.”

2 Rapajko 5:10 Referans Kwoze

Johan 9:7

“Do Siloam pukhrire senkate abokʼme.” Siloam reakʼ mane do kol ocoakan. Uni hoṛ do senkateye apʼena ar ńeńele ehopʼen khane ruạṛ hecʼena. Noa ńelte aḍepaserenko ar okoe do kokoe hoṛ menteko ńellede onko sanamkogeko menkeda,

1 Korinthiko 6:11

Ape modre adomko do onkageko tahẽkana, menkhan Probhu Jisu Mạsi ńutumte ar aboren Isorren Jiu hotete ape dope ạrupʼ sapha ocoakana, ar Isor lạgitʼpe sonot ocoakana arpe dhorom ocoakana.

Levitikus 14:7

Ar naeke do murhucʼjom rog khone sapha ocokʼkan hoṛ eae dhao mãyãme irciwaea ar sapha akanae menteye lại sodorea. Ar uni jiwetʼicʼ cẽṛẽ do ṭạnḍi secʼe aṛakʼgotʼkaea.

2 Rapajko 5:14

Unre Naman do Isorren hoṛakʼ katha leka senkate jordanre eae dhaoe unumena. Onate uniyakʼ hoṛmo do bogeyena ar huḍiń gidrạkoakʼ hoṛmo leka arhõ mońj ruạṛentaea.

2 Rapajko 4:41

Unre Elisae menkeda, “Thoṛa holoṅ ạguiype.” Uni do ona holoṅ ona ṭukucʼre erketʼteye menkeda, “Ńitokʼ do hoṛko jom ocokope.” Onate ṭukucʼre tahẽkan bạṛicʼakʼ do caba utạrena.

Josuạ 6:4

Ar eae naekeko do bheḍa dereń reakʼ eae goṭecʼ sakwa do bondobos-sinduk laha lahate idikʼa. Ar eaeakʼ dinre ape do nagraha beṛhaete eae dhaope ạcurokʼa ar ona sãote naekeko do sakwako oroṅa.

Numeri 19:19

Sapha menae hoṛ do chut hoṛ cetanre tesar ar eae din hilokʼre ona dakʼe irciaya ar eae din hilokʼ do uniye saphakʼa. Ar okoeye sapha ocokʼkan uni do acʼakʼ kicricʼkoe saphaetaea are ḍạbrạ saphakʼa ar enhilokʼ ạyupʼ khon doe saphakʼa.

Numeri 19:4

Ona tayom naeke Eliasar do acʼakʼ kạṭupʼte thoṛa mãyãm hataokate ńapamokʼ tạmbu samaṅre eae dhaoe irciya.

Levitikus 16:19

Pinḍ sapha ar Israelko sonotko lạgitʼ uni do kạtupʼte mãyãm hataokate ona ar onko cetanre eae dhaoe irciya.

Levitikus 16:14

Ar ona tayom do uni ḍaṅgrawakʼ thoṛa mãyãm kạṭupʼte hataokate daya duṛupʼakʼ reakʼ samaṅ secʼe irciyakʼa. Ona tayom arhõ kạṭupʼkote thoṛa mãyãm hataokate daya duṛupʼakʼ samaṅre eae dhaoe irciyakʼa.

Levitikus 14:51

ar ona debdạru kaṭ, husopʼ dare reakʼ ḍạr, jeṅgetʼ arakʼ sutạm ar jiwetʼicʼ cẽṛẽ do uni gocʼkedeyicʼ cẽṛẽyakʼ mãyãmreye topoyea ar oṛakʼ cetanre eae dhaoe irciyakʼa.

Levitikus 14:16

Ar jojom ti reakʼ kạṭupʼko sunumre cạbukʼkate Probhu Isor samaṅre eae dhaoe irciya.

2 Rapajko 3:16

Ar Elisa doe menkeda, “Probhu Isor do niạ buru lodamre soḍokʼko benaoe metapekana, ente hoe se dakʼ bape ńel ńametʼkanre hõ niạ soḍokʼko do dakʼte perejokʼa ar dakʼpe ńama ar aperen ḍaṅgra-bhiḍiko ar eṭakʼ janwarko hõ dakʼko ńũiya.

2 Rapajko 2:21

Elisae do unre dakʼ reakʼ jharna ṭhen senkate onare buluṅe chiṭiạuatʼteye menkeda, “Probhu Isore meneda, ‘iń do noa dakʼ iń bogekeda. Noa dakʼ do ar tisge baṅ gujukʼa ar gidrạko hõ bako nosṭokʼa.’ ”

2 Rapajko 5:9

Onate Naman do acʼakʼ rãt gạḍiko ar aswarikoante Elisaeyakʼ oṛakʼ duạr ṭhen senkateye teṅgoyena.

2 Rapajko 5:11

Menkhan Naman do ạḍiye raṅgaoente onḍe khone calaoena are menkeda, “Iń doń hudisleda khạṭige uni do iń ṭhene oḍokʼ hijukʼa ar teṅgokate acʼren Probhu Isore hohoaea ar murhucʼ jom rog cetanre acʼakʼ tiye dohoytaea ar ińakʼ roge bogeytińạ.

Exodus 4:18

Noa tayom Mose do acʼren hońhartetʼ Jethro ṭhen ruạṛ senkateye metadea, “Misor disạmre ińren peṛa pạrbhạko ṭhen ruạṛ sen ocoạliń ben. Ạliń do senkate liń ńelkoa ńit hõ jiwetʼ menakʼkoa se baṅa.” Jethro do Moseye metadea, “Ṭhikgea Do calakʼben, ar abenakʼ bhạlạiy hoyokʼ taben ma.”

Levitikus 13:58

Ona jinis saphae tayom polso dag baṅ ńelokʼ khan ona do arhõ sapha doṛhae hoyokʼa, ar onate ona do saphakʼa.”

2 Rapajko 4:35

Ona tayom uni doe ocokʼente oṛakʼ bhitrire dãṛã baṛaeye ehopʼena. Ar ona tayom arhõ uni do aṭetʼreye rakapʼente ar mitʼ dhao gidrạye taber loṭomkedea. Niạ dhao gidrạ do eae dhaoe ạchimkeda ar mẽtʼe beṅgetʼketʼtaea.

Johan 5:4

Ar mitʼṭen serma goḍet do okte oktere ona pukhrire pheḍkate dakʼe laṛao oṭokakʼkan tahẽkana ar ona tayom pạhilre okoe ona dakʼreye pheḍ maṛaṅokʼ uni do joto lekan rog khone boge utạrokʼkan tahẽkana. Ar rugiko do dakʼ laṛaokʼ reakʼko koyokʼ horetʼ tahẽkana.