2 Rapajko 4:8 - সান্তালী বাইবেল

⁸ Mitʼdin Elisae do Sunemteye senena. Ar onḍenicʼ mitʼṭen kisạ̃ṛ maejiu do uni jom ocoye lạgitʼ ạḍiye arojadea. Ar inạ tayom tinạkʼ dhao ona horteye calakʼkan tahẽkan unạkʼ dhaoge ona oṛakʼre jom lạgitʼe bolokʼkan tahẽkana.

2 Rapajko 4:8 Referans Kwoze

Josuạ 19:18

Onkoakʼ jaegare do paṛaoena, Jisreyel, Kesulot, Sunem,

Luk 24:29

Unre unkin do nehõradetekin metadea, “Ber hõe danaṅena, ar ạyubokʼkana. Am do ạliń tulucʼ tahenme.” Onate uni do unkin tulucʼ tahen lạgitʼ oṛakʼteye boloyena.

Jobakʼ 32:9

Eken haṛam hoṛ motoge ạkilan hoṛkanko ona do baṅa, ar ḍher umerankoge bạ̃ṛtiko bujhạua ona hõ baṅa.

Jobakʼ 1:3

Ar eae hajar bhiḍiko, pe hajar ũṭko, mõṛẽsae joṛa ḍaṅgra ar mõṛẽsae gadhako tahẽkantaea. Purub disạmren hoṛko modre unige jotoko khon kisạ̃ṛgeye tahẽkana.

Genesis 19:3

Menkhan Lot do ạḍiye jorae moṭketʼkin khan unkin do uni sãote senkate uniyakʼ oṛakʼtekin boloyena. Tayomte Lot do bin khạmiyanakʼ piṭhại sekao isinketʼte unkin lạgitʼ mońj jomakʼe tearkeda, arko jom ńũkeda.

1 Rapajko 1:3

Onate onko do mitʼṭen mońj okocʼ kuṛi ńame lạgitʼ goṭa Israel disạmre sendrayeko ehopʼena. Tayomte onko do Sunemiạ Abisogko ńamkedea ar uni do raj ṭhenko ạgukedea.

2 Samuel 19:32

Barsilae do ạḍiye haṛam caba akan tahẽkana; uniyakʼ umer do irạlgel bochor tahẽkana. Raj do tinre Mahanayimreye tahẽkana unre unige raj lạgitʼ jomakʼe bebostaleda, ente uni do ạḍi kisạ̃ṛ hoṛe tahẽkana.

Bikʼcạrko 19:20

Unre uni haṛam hoṛe menkeda, “Amakʼ suluk baṛe hoyokʼtam ma. Ar jãhãnakʼge jạruṛem bujhạu ona reakʼ bhar do ińre dohoyme. Menkhan ńindạ do niạ tala kulhire alope tahẽ aṅgakʼa.”

Aposkạmi 16:15

Ar noate uni ar acʼ gharońjren sanamkogeko bạptisena. Inạ tayom uni do noa menkateye neotaketʼlea, “Probhu Isorre biswạs akanpe hudisedeń khan dela ińakʼ oṛakʼre hijukʼte tahenpe.” Ar noa katha menkate acʼakʼ oṛakʼteye idiketʼlea.

Luk 1:15

Ente Probhu Isorakʼ mẽtʼãhã samaṅre uni do maraṅe hoyokʼa. Uni do tishõ darkha rasa se eṭakʼ jãhãn bubulakʼko bae ńũiya ar eṅgatakʼ kukhireye tahen khonge sonot Jiuteye perejokʼa.

Kạhtukko 7:21

Ạḍi phuslạu kathateye bulạukedete uni do muhinteye idikedea, ar sebel sebel kathateye ạnḍicʼkedea,

2 Rapajko 4:18

Ar gidrạ doe hara idiyena. Mitʼdin uniren apattetʼ do phosol gegetʼkan hoṛko sãoteye tahẽkanre, uni gidrạ do apattetʼ ṭhen senkateye menkeda, “Bohokʼ hasoyedińa, uh bohokʼ hasoyedińa.” Unren apattetʼ do mitʼṭen gutiye metadea, “Hoborkate uniren eṅgattetʼ ṭhen idiyem.”

1 Samuel 28:4

Philisṭiko do mitʼ sãoteko jarwa mitʼente Sunemreko ḍerayena. Ar Sạul hõ Israelren sanam lạṛhại phạdkoe jarwaketʼkote Gilboa burureye ḍerayena.

Luk 14:23

Onate kisạ̃ṛ do golame metadea, ‘am do nagraha bahre soṛokkote oḍok calakʼme ar hijukʼ lạgitʼ hoṛko jormoṭkom, jemon oṛakʼ do perejokʼtiń.

Mathae 25:17

Ar okoe bar hajar ṭakae ńamletʼ uni hõ onkakate arhõ bar hajar ṭakae labkeda.