2 Rapajko 4:43 - সান্তালী বাইবেল

⁴³ Unre uniren gutiye menkeda, “Mitʼsae hoṛko samaṅre ona do cekateń dohoya?” Elisaeye roṛ ruạṛkeda, “Onage jom lạgitʼ hạṭińakome, ente Probhu Isore meneda, ‘onko do onako joma ar thoṛa do sarecʼ tahena.’ ”

2 Rapajko 4:43 Referans Kwoze

Luk 9:13

Jisui metatʼkoa, “Onko do apege jomakʼ emakope.” Adoko metadea, “Ale ṭhen do eken mõṛẽ goṭecʼ piṭhạ ar barea hako chaḍa ar cetʼge bạnukʼa. Menkhan ale do senkate jomakʼle kiriń ạgule anecʼle jom oco daṛeakoa.”

Mathae 14:20

Ado jom tayom okako kecakʼ hạricʼ pạsir ńur tahẽyen ona halaṅkate celako do gelbar phạtiạkʼko perecʼkeda.

Johan 6:9

Uni do Jisui metadea, “Nonḍe mitʼṭen huḍiń koṛa ṭhen barea kạṭicʼ hako ar mõṛẽ goṭecʼ jao reakʼ piṭhạ menakʼa, menkhan noate nunạkʼ hoṛakʼ do cetʼ hoyokʼa?”

Luk 9:17

Ar sanam hoṛko jomkeda arko biyena. Ar okako kecakʼ hiricʼ pạsir ńur tahẽkan onate celako do gelbar phạtiạkʼko halaṅ jarwakeda.

Mark 8:20

Jisu do arhõe metatʼkoa, “Pon hajar hoṛko lạgitʼ eae goṭecʼ piṭhạń kecakʼletʼre tinạkʼ phạtiạkʼpe halaṅ jarwaleda?” Adoko lạiadea, “Eae phạtiạkʼ.”

Mathae 15:37

Ar sanam hoṛko jomkeda arko biyena, ar tinạkʼ hiricʼ pạsir ńur tahẽyen celako do onakoko halaṅ jarwaketʼ khan eae khạclạkʼko perecʼkeda.

Mark 8:4

Celakoko metadea, “Menkhan noa nisun jaegare noko jom ocoko lạgitʼ piṭhạ do okarele ńama?”

Numeri 11:13

Noko hoṛko lạgitʼ jel do okareń ńama? Onko do iń ṭhenko rakʼeda ‘jelko joma.’

Numeri 11:23

Probhu Isor do Moseye roṛ ruạṛadea, “Probhu Isorakʼ daṛe do cetʼ komgea? Ińakʼ katha amre sạrikana se baṅa ona do ńitgem ńela.”