2 Rapajko 4:26 - সান্তালী বাইবেল

²⁶ Am do ńir senkate kuliyem, uni, uniren jãwãe ar uniren gidrạ onko do bogege menakʼkoa se baṅa.” Maejiue menkeda, “Hẽ jotogele bogegea.”

2 Rapajko 4:26 Referans Kwoze

Aposkạmi 15:36

Thoṛa din tayom Pạul do Barnabase metadea, “Dela, okako jaegare Probhu Isorakʼ katha laṅ porcar akatʼ, onako jaegate arhõ ruạṛ senkate boehako laṅ hirikoa ar cetʼleka menakʼkoa mente ona hõ laṅ ńeltorakoa.”

1 Samuel 17:18

ar niạ gel goṭecʼ ceṛa chale do hajar cetankoren subedarko lạgitʼ idime. Ar amren dadamteko cetʼleka menakʼkoa ona ńel ạguiyme ar onko ṭhen khon jãhãnakʼ cinhạ ạgu daraeme.

Sereńko 39:9

Iń do thir hapege minạńa, moca do ar bạń cahabtińạ, ente amge noako dom hoyocoakada.

2 Rapajko 4:23

Uniren jãwãetetʼe menkeda, “Uni ṭhen teheń do cedakʼem calakʼa? Teheń do ambas ńindạ hõ baṅkana, ar jirạukʼ mãhã hõ baṅkana.” Uni doe menkeda, “Onate do baṅ cekakʼa.”

1 Samuel 3:18

Unre Samuel do Eli sanamakʼ kathae lạiyadea, cetʼge bae oko dohokada. Ona ańjomkate Eli doe menkeda, “Uni doe Probhu Isor kana; uni oka bhageye hudisetʼ onage baṛeye onkaema.”

Genesis 37:14

Israel do arhõe menkeda, “Amren dadamtako ar bhiḍi-meromko cetʼleka menakʼkoa senkate ona reakʼ khoborem ạguạńạ.” Ar noa menkate Joseph do Hebron reakʼ buru lodam khone kolkadea. Joseph do tinre Sikemteye seṭerena unre mitʼṭen hoṛ do bilạn ṭạnḍire ạcur baṛaekan ńelkedeteye kulikedea, “Cetʼem sendra baṛakana?”

Genesis 29:6

Jakob do onkoe kuliketʼkoa, “Uni do cetʼ besge menaea?” Metadeako, “Hẽ, uni doe besgea. Uniren kuṛi Rahel do bhiḍi palkowante nonḍeye hijukʼkana.”

Sakariạ 2:4

Uni doe menkeda, “Am do ńir senkate uni juạn koṛa metaeme, ‘Jerusalemre manwa ar janwar doko ḍher akante onare jãhãn pạcri do baṅ tahena.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

2 Samuel 18:29

Raj doe kuliyana, “Koṛa Absalom do cetʼ besge menaea?” Ahimase roṛ ruạṛkeda, “Joab do tinre maharajren guti ińe kolkạńkan tahẽkana unre iń do gulmal hoyokʼ iń ńelkeda. Menkhan cetʼ iạte hoyokʼkana iń amren guti do bạń baḍae daṛeada.”

2 Rapajko 4:25

Nonkate uni doe oḍok hecʼena ar Karmel burute Isorren hoṛ ṭhene seṭerena. Isorren hoṛ do maejiu sạṅgińre tahẽkanregeye ńelkede khan acʼren guti Gehosiye metadea, “Hạni ńeleme, Sunemiạ maejiu.

2 Rapajko 4:27

Menkhan maejiu do Karmel burure Isorren hoṛ ṭhen seṭerkate uniyakʼ jaṅgareye giḍiyena. Gehosi do uni ocoge lạgitʼe hecʼen khan Isorren hoṛe menkeda, “Uni do alom ocogea. Uniyakʼ monre ạḍi duk menakʼtaea, menkhan Probhu Isor do iń ṭhen khon onae danaṅ akada, ar bae lại akawạdińa.”

2 Rapajko 5:22

Gehosiye menkeda, “Jotowakʼge ṭhikgea. Menkhan ińren kisạ̃ṛ do niạ katha lạiyam lạgitʼe kolakadińạ, Ephrayim buru ṭoṭha khon cela-nạbiko modre bar hoṛ do ńitge uni ṭhen kin seṭer akana. Onate dayakate am do unkin lạgitʼ pegel are keji rupạ ar bar joṛa kicricʼ baṛe emokʼme.”

Genesis 43:27

Ar uni do boge judại kuliketʼkoa, “Aperen baba uni haṛam hoṛ do cetʼ bogege menaea? Uni do cetʼ ńitʼhõe jiwetʼgea?”