2 Rapajko 3:9 - সান্তালী বাইবেল

⁹ Unre Jihudạren raj ar Edomren raj sãote Israelren raj hõe oḍok hecʼena. Onko do eae din hạbicʼ ạcur ạcurteko calaoena. Unre lạṛhại phạdkoren se onko sãoten janwarko lạgitʼ dakʼ do baṅ tahẽkana.

2 Rapajko 3:9 Referans Kwoze

1 Rapajko 22:47

Ona jokhecʼ Edom disạmre do cele rajge bako tahẽkana. Mitʼṭen disạm mukhiyạge onḍe doe rajokʼ kan tahẽkana.

1 Rapajko 22:27

Arpe metakinạ raje men akada nui hoṛ do jemon hajotreye doho ocokʼ ar nirạite raj ạuriye ruạṛ hijukʼ hạbicʼ thoṛa dakʼ ar thoṛa piṭhạ chaḍa ar cetʼge jemon alo kin emae.”

Bikʼcạrko 4:10

Ar Barak do Sebulon ar Napthali gusṭiren hoṛkoe hohowatʼkoa. Onate gel hajar hoṛ do uni sãoteko senena ar Debora hõ onko tulucʼe calaoena.

Numeri 33:14

Alus khon uṭhạukate Rephidimre senkateko ḍerayena. Noḍe do hoṛko lạgitʼ jãhãn dakʼ baṅ tahẽkana.

Numeri 20:4

Aben do Probhu Isorren hoṛko noa hahaṅkarte ben ạguakatʼlea jemon aleren janwarko sudhạ nonḍele gujukʼ.

Numeri 20:2

Ar onḍe dakʼ baṅ tahẽkante Israelko do Mose ar Aron upạrte dolko pakaokeda.

Exodus 17:1

Ado Probhu Isorakʼ hukumleka Israelko do Sin hahaṅkar ṭoṭha khonko uṭhạuente mitʼ jaega khon armitʼ jaegate calakʼ calakʼte mucạtʼre Rephidimreko ḍerayena. Menkhan onḍe do ńũi reakʼ dakʼ baṅ tahẽkana.

Exodus 15:22

Tayomte Mose do arakʼ jalapuri khon Israelkoe idiketʼkoa. Onko do pạhilre Sur ńutuman mitʼṭen hahaṅkar jaegareko seṭerena. Ona hahaṅkar jaegare onko do pe din hạbicʼ dãṛã dãṛãte okarehõ dakʼge bako ńamleda.

Exodus 11:8

Amren kạmiyạko hecʼkate iń samaṅre ikhṛumkateko mena, ‘amren sanam hoṛkoante oḍok calakʼme!’ Ar ona tayom doń oḍok calakʼa.” Noa katha menkate Mose do Pharao ṭhen khon raṅgaokateye oḍok hecʼena.

2 Rapajko 3:1

Jihudạren raj Jehosaphatakʼ rajokʼ gel irạlakʼ bochorre Ahabren hopon Jehoram do Israelren raje hoyena. Uni do Samariạre tahẽkate gelbar bochor raje calaoketʼa.

2 Rapajko 3:7

Ona chaḍa Jihudạren raj Jehosaphat ṭhen hõ niạ sombate kolkeda je, “Moabren raj do iń upạrteye hul akada. Onate Moab upạrte lạṛhại lạgitʼ am do cetʼ iń tulucʼem calakʼa?” Uni doe roṛ ruạṛkeda, “Hẽ, am sãoteń calakʼa. Iń ar am dolaṅ alaṅ kangea, ińren sanamko doko amrenhõ kana, ińren sadomko hõ amren kangeako.”

2 Rapajko 3:8

Jehosaphat do noa hõe kuliyana, “Abo do oka horte bon rakapʼ calakʼa?” Jehorame roṛ ruạṛkeda, “Edom reakʼ hahaṅkar talate.”

2 Rapajko 3:10

Ona ńelte Israelren raje menkeda, “Hae, hae! Probhu Isor do Moabakʼ tire jimạ bon lạgitʼge cetʼ pea rapajko mitʼ sãoteye hohoakatʼ bona?”

2 Rapajko 8:20

Jehoram oktere Edom disạmren hoṛko do Jihudạ upạrte hulkate ako lạgitʼ mitʼṭen rajko ṭhik doho akawan tahẽkana.

1 Rapajko 22:48

Jehosaphat do Ophirte senkate sona ạgui lạgitʼ maraṅ maraṅ Tạrsis jahajkoe benaokeda, menkhan onako do ar baṅ senlena, ente Esion-Geberre rạputʼ gejerena.