2 Rapajko 3:19 - সান্তালী বাইবেল

¹⁹ Ape do pạcrite esetʼ mitʼke mitʼ nagraha ar mitʼke mitʼ atokope marao utạra. Ar mimitʼ bhage darepe makʼ giḍikakʼa, dakʼ reakʼ sanam jharnakope bondkakʼa ar bhage bhage jumire dhirikope capatʼakʼa ar onape nosṭo giḍikakʼa.”

2 Rapajko 3:19 Referans Kwoze

2 Rapajko 13:17

“Purub senakʼ jalna jhijme.” Uni doe jhicʼkeda. Ona tayom Elisaeye menkeda, “Ma tuń me.” Jehoas do jalna jhicʼkateye tuńkeda. Unre Elisae doe menkeda, “Noa do hoyokʼkana Probhu Isorakʼ jitạukʼ reakʼ sar, Aram cetanre jitạukʼ reakʼ sarge. Am do Aramrenko Aphekrem bhagaokoa arem marao utạrkoa.”

2 Rapajko 3:25

Onko do nagrahako ḍahao maraokeda ar bhage bhage hasakore dhiriko capatʼada. Onko do dakʼ reakʼ sanam jharnako bond oṭokada ar bhage darekoko makʼ giḍikada. Eken Kirhareset nagraha bako marao daṛeada, onate ginḍwạri cakʼpatʼko do ona nagrahako gheraokeda arko hatkeda.

1 Samuel 23:2

Unre Dạud do Probhu Isore kulikedea, “Iń do cetʼ senkate onko Philisṭikoń ńẽtʼkoa?” Probhu Isore roṛ ruạṛadea, “Hẽ, Do calakʼme. Philisṭiko ńẽtʼkate Kayila nagraha rukhiyạime.”

1 Samuel 15:3

Ńitokʼ am do senkate Amalekiko tulucʼ lạṛhạime ar onkoakʼ cetʼko menakʼ ona jotowakʼem marao giḍikatakoa; onko do alom dayawakoa. Onkoren herel ar maejiuko, koṛa ar-kuṛi gidrạko, toa ńuńukan gidrạko, ḍaṅgra-biḍhiko, ũṭko, gadhako jotom gocʼ cabakoa.’ ”

Bikʼcạrko 6:16

Probhu Isore roṛ ruạṛketʼteye menkeda, “Iń do am sãoteń tahena, ar onate sanam Midiạnrenko do mitʼ hoṛ lekagem haraokoa.”

Numeri 24:17

‘ńitokʼ baṅre hõ iń do uniń ńelńame kana, ar iń sorrene baṅkanre hõ enhõ uni doń ạritʼ edekana. Mitʼṭecʼ ipil doe rakapʼa Jakobakʼ bõsre, mitʼṭecʼ raj ṭheṅgage Israelko mod khon rakapʼ hijukʼa. Uni do Moab ar Setren hoponkoakʼ bohokʼe gejertakoa.

Genesis 21:19

Ona tayom Isor do Hagarakʼ mẽtʼe saṛ ocoketʼtaea, onate uni do dakʼte perecʼ mitʼṭecʼ ḍạḍiye ńel ńamkeda. Ar ona ḍạḍi ṭhen senkate uni do acʼakʼ kume perecʼketʼte gidrại ńũ ocokedea.