2 Rapajko 3:11 - সান্তালী বাইবেল

¹¹ Jehosaphate menkeda, “Nonḍe do cetʼ Probhu Isorren jãhãe nạbi bạnukʼkoa one uni hotete Probhu Isor bon kuli daṛeke?” Israel rajren mitʼṭen gutiye menkeda, “Nonḍe do Saphatren hopon Elisae menaea. Uni do Eliạren sapʼ dapʼicʼe tahẽkana.”

2 Rapajko 3:11 Referans Kwoze

1 Rapajko 22:7

Menkhan Jehosaphate menkeda, “Nonḍe do cetʼ Probhu Isorren jãhãe nạbi bạnuiya one uni ṭhen bon kulijoṅ daṛeke?”

1 Rapajko 19:21

Onate Elisa do uni bạgikateye ruạṛ calaoena. Uni do acʼren ḍaṅgrae gurketʼ kinạ ar nahel kaṭte jele isinketʼte hoṛkoe ematʼkoa ar onko do onako jomkeda. Ar ona tayom do Eliạ sãote calakʼ lạgitʼe oḍok hecʼena ar uniren sapʼ dapʼicʼe hoyena.

2 Rapajko 3:3

Ar Nabatren hopon Jerobiam Israelko cetʼ lekae kại ocoletʼko onkage Jehoram hõe kạmikeda. Ar ona khon do bae ruạṛlena.

Amos 3:7

Probhu Isor do acʼren guti nạbiko ṭhen acʼakʼ jãhãnakʼ goṭawakʼ bae sodorle khan cetʼge ohoe cekalea.

Sereńko 74:9

Abo iạte jãhãn hahaṛa kạmi hoyokʼkan nonka do ar babon ńeleda; jãhãn nạbiko hõ ar bạnukʼkoa; nonka baṅ ar tinạkʼ din calakʼ ona do aboren okoe hõ bako baḍaea.

1 Bõsbudạ 15:13

Pạhil dhao ona bape ạgu daraletʼte abo cetanre aboren Probhu Isor do edreteye perecʼlen tahẽkana. Ar uniyakʼ hukum leka ona do cetʼlekate ạgui hoyokʼa ona do uni ṭhen khon baṅ baḍae hoylena.”

1 Bõsbudạ 14:14

Unre Dạud do arhõ Isor ṭhene kuliyana, ar Isor do uniye roṛ ruạṛadea, “Ape do sojhete onko ṭhen do alope calakʼa, bickom tayom secʼte senkate konḍeya dareko samaṅ secʼ khonpe ńẽtʼkoa.

1 Bõsbudạ 14:10

Unre Dạud do Isor ṭhene kuliyana, “Iń do cetʼ Philisṭiko cetanre jhãp iń ema se baṅa? Am do cetʼ ińakʼ tire onkom jimạkoa?” Probhu Isore roṛ ruạṛkeda, “Do calakʼme, iń do amakʼ tireń jimạkoa.”

1 Bõsbudạ 10:13

Probhu Isor cetanre pạtiạr bae tahẽkante Sạul doe gocʼena. Uni do Probhu Isorakʼ katha bae bataoetʼ tahẽkana; ar Probhu Isor ṭhen khon sopolha baṅ hataokate okoe do bạṛicʼ jiuko tulucʼ helmel menakʼtako onkanko hoṛ ṭhen khon sopolhae hataoetʼ tahẽkana. Onate Probhu Isor do uniye gocʼ ocokedea ar raj do Jisạiren hopon Dạud ṭhene jimạkada.

2 Rapajko 2:25

Inạ tayom uni do karmel buruteye senena ar onḍe khon Samariạreye ruạṛ senena.

1Timothi 5:10

Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

Philipiko lạgitʼ Pạul apostolakʼ ciṭhi 2:22

Menkhan apepe baḍaegea, Timothi do acʼakʼ pạtiạrtetʼe sạbud akada, ente cetʼleka gidrạ do apat tulucʼe kạmiyetʼkan onkage uni do iń tulucʼ Jisu Mạsi reaṅ bhage sombat porcar kạmireye khaṭao akana.

Bikʼcạrko 20:18

Onko do Bethelre senkate Isor ṭhen khon baḍae sanaketʼkoa Benjạminrenko upạrte lạṛhại lạgitʼ onko modre okoe do lahateye rakapʼ calakʼa. Probhu Isor doe baḍae ocoketʼkoa, Jihudạ gusṭirenko sen maṛaṅokʼa.

Josuạ 9:14

Israelko do eken onkoakʼ jomakʼko ńelkeda menkhan Probhu Isor do bako kuliledea.

Josuạ 1:1

Probhu Isorren guti Moseyakʼ gujukʼ tayom Probhu Isor do Moseren gokʼṛoyicʼ Nanren hopon Josuại metadea,

Genesis 18:4

Iń do dakʼiń ạguyeda, ar ape do jaṅga ạbukokʼpe. Ar ona tayom do noa dare buṭạre mitʼ ghạṛi jirạu hataṛokʼpe.

2 Rapajko 3:10

Ona ńelte Israelren raje menkeda, “Hae, hae! Probhu Isor do Moabakʼ tire jimạ bon lạgitʼge cetʼ pea rapajko mitʼ sãoteye hohoakatʼ bona?”

2 Rapajko 3:12

Jehosaphate menkeda, “Probhu Isorakʼ katha do uni ṭhen menakʼa.” Onate Israelren raj, Edomren raj ar Jehosaphat do Elisae ṭhenko senena.

Jirimiạ 37:17

ona tayom Sedekiạ do hoṛ kolkate uniye oḍok ạgukedea; ar raj do acʼakʼ oṛakʼre oko okoteye kulikedea, “Probhu Isorakʼ jãhãn katha menakʼa?” Jirimiại menkeda, “hẽ, menakʼgea. Uni do arhõe menkeda, am do Babelren rajakʼ tirem soprot ocokʼa.”

2 Bõsbudạ 18:6

Menkhan Jehosaphate menkeda, “Nonḍe Probhu Isorren jãhãe nạbi do cetʼ bạnukʼkoa one bon kuli daṛekeko?”