2 Rapajko 3:1 - সান্তালী বাইবেল

¹ Jihudạren raj Jehosaphatakʼ rajokʼ gel irạlakʼ bochorre Ahabren hopon Jehoram do Israelren raje hoyena. Uni do Samariạre tahẽkate gelbar bochor raje calaoketʼa.

2 Rapajko 3:1 Referans Kwoze

2 Rapajko 1:17

Eliạ hotete Probhu Isor okaṭakʼ kathae roṛketʼ ona lekage Ahasiạ doe gocʼena. Ahasiạren do cele hoponge bako tahẽkante uniyakʼ jaegare Jehorame rajena. Jihudạren raj Jehosaphatren hopon Jehoramakʼ rajokʼ dosar bochorre uni do raje hoylena.

2 Rapajko 8:16

Israelren raj Ahabren hopon Jehoramakʼ rajokʼ mõṛẽgel bochorre tinre Jehosaphat do Jihudạren raje tahẽkana unre Jehosaphatren hopon Jehoram do Jihudạre rajokʼe ehopʼena.

1 Rapajko 22:51

Jihudạren raj Jehosaphatakʼ rajokʼ gel eaeyakʼ bochorre Ahabren hopon Ahasiạ do Samariạren raje hoyena. Uni do Israelko cetanre bar bochor raje tahẽkana.

2 Rapajko 3:9

Unre Jihudạren raj ar Edomren raj sãote Israelren raj hõe oḍok hecʼena. Onko do eae din hạbicʼ ạcur ạcurteko calaoena. Unre lạṛhại phạdkoren se onko sãoten janwarko lạgitʼ dakʼ do baṅ tahẽkana.

2 Bõsbudạ 22:5

Onkoakʼ sopolha leka uni do Israelren Ahab rajren hopon Jehoram sãote Ramot-gileadte Aramren raj Hosael upạrte lạṛhại lạgitʼe oḍok calaoena. Unre Aramrenko do Jehoramko ghạlkedea. Ar ona ghạl khon bogekʼ lạgitʼ Jehoram do Jisriyelteye ruạṛ calaoena. Ahabren hopon Jehoram doe ghạl akan tahẽkante Jihudạren raj Jehoramren hopon Ahasiạ do uni ńele lạgitʼ Jisriyelteye calaoena.