2 Rapajko 24:8 - সান্তালী বাইবেল

⁸ Jehoyakin do gel irạl bochor umerre raje hoylena ar pe cando Jerusalemre raje calaokeda. Uniren eṅgatakʼ ńutum do Nehusṭa tahẽkana; uni do Jerusalem nagraha Elnathanren hoponerae tahẽkana.

2 Rapajko 24:8 Referans Kwoze

2 Bõsbudạ 36:9

Jehoyakin do gel irạl bochor umerre raje hoylena ar pe cando gel din Jerusalemre raje calaokeda. Uni hõ Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

1 Bõsbudạ 3:16

Jihowakimren hopon dokin hoyokʼkana Jikoniạ ar Sidikiạ.

Jirimiạ 37:1

Babelren raj Nebukadnesar do Josiạ hopon Sedekiạge Jihudạren raje hoyocokedea, onate Sedekiạ do Jehoyakimren hopon Koniạ, metakʼme Jehoyakinakʼ ṭhạ̃ire rajokʼe ehopʼena.

Jirimiạ 24:1

Babelren raj Nebukadnesar do Jehoyakim hopon Jekoniạ Jihudạren raj, Jihudạren mukhiyạko, kạrigolko ar kamarko do Jerusalem khon Babelteko bondi idi ocoyen tayom Probhu Isor do acʼakʼ oṛakʼ samaṅre dohoakan bar khạclạkʼ loa joe ńel ocokedińa.

Jirimiạ 22:28

Nui Konia do nonkan mitʼṭecʼ nihạ̃t giḍiyicʼ rạputʼ bhajan kanae one okoehõ bako khoje? Cedakʼ uni ar uniren hoponko do bin opromakʼ disạmreko lebda giḍi ocokʼa?

Jirimiạ 22:24

Probhu Isore meneda, “E Jihudạ rajren Jehoyakimren hopon Konia, iń ńutumte kiriạkateń meneda, ińakʼ jojom ti reakʼ chapakʼ mundạmem hoylenre hõ enhõ iń do amiń or totʼ giḍikama.

Jirimiạ 22:26

Iń do am ar okoeye janam akatʼme uni eṅgam hõ eṭakʼ disạmte, one onḍe okoeyakʼ hõ janam baṅ hoyakantape ona disạmreń lebda giḍikapea, ar aben bana hoṛge onḍeben gujukʼa.