2 Rapajko 24:7 - সান্তালী বাইবেল

⁷ Misorren raj do lạṛhại lạgitʼ acʼakʼ rajosṭi khon ar bae oḍok baṛalena, ente Babelren raj do Misor reakʼ rohoṛ gaḍa khon phurạt gaḍa hạbicʼ goṭa rajosṭigeye dokhol akatʼ tahẽkana.

2 Rapajko 24:7 Referans Kwoze

Jirimiạ 46:2

Josiạ hopon Jihudạren raj Jehoyakimakʼ rajokʼ ponakʼ bochorre Babelren raj Nebukadnesar do phurạt gaḍa ṭhen Karkemisre Misorren Pharao raj Neko do okoe lạṛhại phạdkoe bhagaoletʼko Probhu Isor do onko reaṅe meneda,

Genesis 15:18

Probhu Isor do ona din Abram lạgitʼ noa menkate mitʼṭecʼ bondobose dohokeda, “Misor reakʼ gaḍa khon ehopʼkate maraṅ gaḍa phurạt hạbicʼ iń do goṭa disạmge amren bõskoń ematʼkoa.

Numeri 34:5

Ona tayom onḍe khon ạcurkate Misor ńutuman okaṭakʼ rohoṛ gaḍa menakʼ ona secʼte jalapurire senkate mucạdokʼa.

Jesaea 27:12

E Israelko, enhilokʼ ạtu calakʼkan phurạt gaḍa khon Misor reakʼ rohoṛ gaḍa hạbicʼ Probhu Isor do anaj lekae en pea ar ape mimitʼko dope samṭao ocokʼa.

1 Rapajko 4:21

Phurạt gaḍa khon ehopʼkate Misor ar Philisṭikoakʼ disạm reakʼ simạ hạbicʼ sanam rajosṭiko do Solomonakʼ gobolrege tahẽkana. Solomon tinạkʼ din jiwetʼe tahẽkan unạkʼ dinge niạko disạmren hoṛko do bhejako emaekan tahẽkana ar uni gobolreko tahẽkana.

Josuạ 15:4

Onḍe khon Asmon secʼ sen idiyente Misor ńutuman okaṭakʼ rohoṛ gaḍa menakʼ ona sãote mitʼente jalapurire senkate mucạtʼena. Ar niạge hoyena apeakʼ dạkhin reakʼ simạna do.

Jeheskel 30:22

Iń Probhu Isorgeń menetʼkana, Misorren raj Pharao upạrten kạnạń. Iń do uniyakʼ keṭecʼakʼ ar rạputʼatʼ banar tigeń rạpudtaea ar uniyakʼ ti khon tarwaṛeń ńur ocoytaea.

Jirimiạ 46:6

Coṭkarko hõ bako ńir pharak daṛeakʼkana ar lạṛhạyicʼ birbanṭa hõ baṅa. Utạr secʼ phurạt gaḍa ṭhen onko doko sombotʼ bhindạṛena.

Jeheskel 30:21

“E manwa hopon, iń do Misorren raj Pharaoakʼ tiyiń rạputʼ akatʼtaea. Ar bogekʼ lạgitʼ ona ti do kicricʼte baṅ bedhao akana jemon ghuriạte ona do tarwaṛe bae sapʼ daṛeakʼ.