2 Rapajko 24:3 - সান্তালী বাইবেল

^3-4 Probhu Isorakʼ hukum lekage Jihudạre noako do hoylena jemon uni do acʼ samaṅ khon onkoe sạṅgiń daṛeako. Noako do hoylena Manaseakʼ sanam kại iạte ar bin dusạn hoṛkoakʼ mãyãm joro ocoytako khạtirte. Uni do onkoakʼ mãyãmte Jerusaleme perecʼkeda, ar Probhu Isor do ona ikại lạgitʼ bae rạjilena.

2 Rapajko 24:3 Referans Kwoze

2 Rapajko 18:25

Ona chaḍa iń do cetʼ Probhu Isor ṭhen khon begor hukum hataokate niạ jaega akromon lạgitʼ iń rakapʼ hecʼakana? Niạ disạm upạrte lạṛhạikate ona marao lạgitʼ Probhu Isor do acʼge ińe menakawạdińa.’ ”

Mikạ 2:10

Ape do beredokʼte, calakʼpe, ona do apeakʼ jirạukʼ jaega do baṅkana; ente ape do disạmpe bhonḍakada, ona iạtege ona do marao utạrokʼa.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Jesaea 45:7

Ińge marsal ar ńutiń benao akada; ińge bhạlạiyiń ạguiyeda ar ińge ghoṭnań sirjạueda. Iń Probhu Isorge niạkoń nonkayeda.

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

2 Bõsbudạ 24:24

Jihudạren hoṛko do akoren hapṛamkoren Probhu Isorko bạgiyade tahẽkante Aramren lạṛhại phạdko do thoṛageko tahẽkanre hõ Probhu Isor do maraṅ lạṛhại phạdko onkoakʼ tireye jimạkatʼkoa. Nonkate Aramrenko hotete Joas doe sạjại ocoyena.

Josuạ 23:15

Menkhan aperen Probhu Isorakʼ emakʼ bondobos bape manao, ar senkate debotakope sewawako arpe ḍobokʼako, enḍekhan aperen Probhu Isor do okaṭakʼ bhạlạiype reakʼe gokʼ akatʼ ar cetʼleka onako reakʼ purạu akan onkage Probhu Isor do baṅ bhạlạiype reakʼ oka botore udukʼ akatʼpe ona joto do apereye paṛao ocoya ar okaṭakʼ mońj disạme emakawatʼpe sesre ona khone marao giḍikapea. Ar Probhu Isorakʼ edre do ape upạrte jolokʼtege tahena, ar okaṭakʼ mońj disạme emakawatʼpe ona khon ạḍi usạragepe marao utạrokʼa.”

Dosar Biboron 29:28

Uniyakʼ raṅgao ar botoranakʼ jolokʼkan edre iạte onko do disạm khone or totʼ akatʼkoa ar eṭakʼ disạmreye giḍiakatʼkoa, ar teheń hạbicʼ hõ onḍege menakʼkoa.’

Dosar Biboron 28:63

Ar okaṭakʼ rạskạte Probhu Isore bhạlại akatʼpe ar aperen hoṛkoakʼ lekhae saṅge ocoakatʼtape ona reakʼ rạskạtege uni doe marao caba utạrpea. Ar okaṭakʼ disạmpe dokhol lạgidokʼkan ona disạm khon rehetʼ sudhạpe totʼ giḍi ocokʼa.

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Genesis 50:20

Ape do ińre bạṛicʼpe hudisleda, menkhan Isor do ona talate bhạlại reakʼe monsubạ akada jemon ḍher hoṛakʼ jiwi rukhyiạkʼtako; ar teheń do onage hoyakana.

Jirimiạ 32:31

Oka hilokʼ noa nagraha benaolen enhilokʼ khon teheń hạbicʼ onage ińakʼ khĩs ar edre do nonkae rakapʼ ocoakada je, ińakʼ mẽtʼãhã samaṅ khon ona doń ocokʼ giḍikakʼa,

Jirimiạ 52:28

Nebukadnesar do okoe Jihudikoe bondi idiletʼko onkoakʼ lekha do hoyokʼ kana eae bochorre pe hajar bargel pe hoṛ,

Jeheskel 24:6

“Probhu Isor do arhõe menetʼkana, ‘Hae, uni mãyãm joro ocoyicʼ nagraha do! Uni do mitʼṭecʼ celaṅ kanae one onare mạilạ tạpukʼ akan, one oka do baṅ saphakʼ. Jelko bachao hatao baṅkate kuṭi kuṭige lo oḍokme. Gulibãṭ do okaṭakʼre hõ baṅ paṛao akana.

2 Rapajko 17:18

Onate Israelren hoṛko cetanre Probhu Isor do ạḍi bạṛicʼe edreyena ar acʼ samaṅ khon onkoe ocokʼketʼkoa. Ar eken Jihudạ gusṭiren sarecʼko tahẽyena,

2 Rapajko 17:20

Ona iạte Probhu Isor do sanam Israelkoe nihạ̃t giḍiketʼkoa. Uni do harket sasetreye dohoketʼkoa ar luluṭkoakʼ tireye jimạkatʼkoa, ar mucạtʼre acʼ samaṅ khone ocokʼ giḍikatʼkoa.

2 Rapajko 17:23

Mucạtʼre Probhu Isor do acʼren sanam gutiko, metakʼme nạbiko hotete emakʼ sontor katha lekate acʼ samaṅ khone ocokʼ giḍikatʼkoa. Ona iạte Israelren hoṛko do akoakʼ disạm khonko bondi ocoyente Asur disạmteko idi ocoyena, ar teheń hõ onko do onḍege menakʼkoa.

2 Rapajko 21:16

Inạ chaḍa Manase do bin dusạn hoṛkoakʼ mãyãm nunạkʼe joro ocoakada je, ona mãyãmte Jerusalem reakʼ mitʼ simạ khon eṭakʼ simạna hạbicʼ perecʼlen tahẽkana. Uni do Jihudạren hoṛkoe kại ocoletʼkote onko do Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana.

2 Rapajko 24:20

Jerusalem ar Jihudạren hoṛko iạte Probhu Isor do edreteye jal jalaoena ar mucạtʼre acʼ samaṅ khon onkoe sạṅgiń giḍikatʼkoa. Tayomte Sedekiạ do Babelren raj upạrteye hulkeda.

Jeheskel 22:3

Unim metaea, Probhu Isore meneda, ‘noa do ona nagraha kana, okoe do apnar talare mãyãm joro ocokate apnarakʼ sorbonase ạgujoṅa ar boṅga benaokate apnartetʼe bhonḍokʼkan.