2 Rapajko 24:12 - সান্তালী বাইবেল

¹² Unre Jihudạren raj Jehoyakin, uniren eṅgattetʼ, uniren gokʼṛoyicʼ, uniren subedarko ar uniren gutiko jotoge Nebukadenesarakʼ tireko jimạyena. Nebukadenesarakʼ rajokʼ irạlakʼ bochorre uni do Jehoyakin bondikateye idikedea.

2 Rapajko 24:12 Referans Kwoze

Jirimiạ 52:28

Nebukadnesar do okoe Jihudikoe bondi idiletʼko onkoakʼ lekha do hoyokʼ kana eae bochorre pe hajar bargel pe hoṛ,

Jirimiạ 24:1

Babelren raj Nebukadnesar do Jehoyakim hopon Jekoniạ Jihudạren raj, Jihudạren mukhiyạko, kạrigolko ar kamarko do Jerusalem khon Babelteko bondi idi ocoyen tayom Probhu Isor do acʼakʼ oṛakʼ samaṅre dohoakan bar khạclạkʼ loa joe ńel ocokedińa.

2 Bõsbudạ 36:10

Bochor mucạtʼre Nebukadnesar raj do hoṛ kolkate uni ar uni sãote Probhu Isorakʼ oṛakʼ reakʼ damanakʼ jinisko Babelteye idikedea, ar Jehoyakinren bokottetʼ Sedekiạ do Jihudạ ar Jerusalemren raje dohokedea.

2 Rapajko 25:27

Jihudạren raj Jehoyakine bondi idi ocokʼ reakʼ pegel eae bochorre Ewil Merodak do Babelren raje hoyena. Uni do inạ bochor reakʼ gelbar cando reakʼ bargel eaeyakʼ dinre Jehoyakin do hajot khone aṛakʼkedea.

Jeheskel 17:12

“Noko huhulkan jạtrenkom metakoa, ‘cetʼ noako reakʼ manetetʼ do bape bujhạueda? Babelren raj do Jerusalemte hecʼkate onaren raj ar onaren mukhiyạkoe hataoketʼkote Babelteye idiketʼkoa.

Jirimiạ 25:1

Josiạren hopon Jihudạren raj Jehoyakimakʼ rajokʼ ponakʼ bochorre, metakʼme, Babel raj Nebukadnesarakʼ rajokʼ pạhil bochorre Jihudạren sanam hoṛko reaṅ Isorakʼ katha do Jirimiạ ṭhen sodorena.

Jirimiạ 52:31

Jihudạren raj Jehoyakine bondi idi ocokʼre pe gel eae bochorre Ewil Merodak do Babelren raje hoyena. Uni do inạ bochor reakʼ gelbar cando reakʼ bargel mõṛẽakʼ dinre Jehoyakin do hajot khone aṛakʼkedea.

Dosar Biboron 28:36

“Ar okoeṭakʼ rajpe bahale Probhu Isor do uni ar ape bondikate idipe lạgitʼ nonkan mitʼ jạtrenko ṭhene jimạpea okoe do bape oromakatʼko ar aperen hapṛamko hõ bako baḍae akatʼko. Onḍe ape do kaṭ ar dhiriren deb-murtikope sewawakoa.

2 Rapajko 20:18

Amren adom bõsko, amren hoponko, okoe dom janam akatʼko onko do Babel rajakʼ oṛakʼre mạ̃yạ̃ṛi akae tahẽkate sapʼ sosor kạmiko kạmiya.”

2 Rapajko 24:11

Uniren lạṛhại phạdko do tinre nagrahako gherao akatʼ tahẽkana unre Nebukadenesar do acʼge nagrahateye boloyena.

Jirimiạ 13:18

Probhu Isor do ińe metadińạ, “Am do raj ar uniren eṅgatem metaea, ‘siṅghạson ṭhen khon pheḍ hijukʼ ben, ente abenakʼ ṭhonokanakʼ mukuṭ do abenakʼ bohokʼ khon ńur akana.

Jirimiạ 36:30

Ona iạte am reaṅ iń Probhu Isorgeń meneda, Dạudakʼ siṅghạsonre duṛubokʼ lạgitʼ amren do celege jiwetʼ bako tahena; amakʼ mạ̃ṛĩ do bahrete giḍi ocokʼa siń reakʼ setoṅ lạgitʼ ar ńindạ reakʼ rataṅ lạgitʼ.

Jirimiạ 37:1

Babelren raj Nebukadnesar do Josiạ hopon Sedekiạge Jihudạren raje hoyocokedea, onate Sedekiạ do Jehoyakimren hopon Koniạ, metakʼme Jehoyakinakʼ ṭhạ̃ire rajokʼe ehopʼena.

Jirimiạ 52:12

Babelren raj Nebukadnesar rajokʼ gel areakʼ bochor reakʼ mõṛẽakʼ cando reakʼ gelakʼ dinre rajren rurukhiyạ dolren subedar hisạbte okoe do raje sapʼ soraekan tahẽkan uni Nebusaradan do Jerusalemteye hecʼena.

Jeheskel 1:2

Un okte do Jehoyakin rajakʼ bondi tayom mõṛẽakʼ bochor tahẽkana.

Jeheskel 19:1

Probhu Isor do ińe metadińạ, “Am do Israelren disạm cakʼlaoyicʼ lạgitʼ homor halaṅme ar roṛme,

Jeheskel 19:13

Ona do ńitokʼ hahaṅkarre, rohoṛre, khaṅgoṭ disạmre rohoe akana.

2 Rapajko 25:8

Babelren raj Nebukadnesar rajokʼ gel areyakʼ bochor reakʼ mõṛẽakʼ cando reakʼ eaeyakʼ dinre rajren rurukhiyạ dolren subedar Nebusaradan do Jerusalemteye hecʼena.

Ester 2:5

Onako dinre Mordekae ńutuman Benjạmin gusṭiren mitʼṭen Jihudi hoṛ do Susan gaṛreye tahẽkana. Uni do Jayirren hopone tahẽkana, ar Jayir do Simạiren hopone tahẽkana ar Simại do Kisren hopone tahẽkana.

Ester 2:6

Jihudạren raj Jekoniạ, metakʼme Jehoyakin sãote okoeko hoṛ do Babelren Nebukadnesar raj Jerusalem khone bondi idiletʼko onko modre Mordekairen hapṛam hõe tahẽkana.

Jesaea 24:6

Ona iạte mitʼṭecʼ sarap do dhạrtiye utʼ cabaea; ar uniren hoṛko do dusikoko hoyokʼa. Ona iạte dhạrtire okoeko girobasokʼ kan onko doko atar giḍi ocokʼa ar thoṛa hoṛge jiwetʼko tahena.