2 Rapajko 23:8 - সান্তালী বাইবেল

⁸ Josiạ do Jihudạ reakʼ nagraha ar atoko khon sanam naekeye ạguketʼkoa ar Geba khon Berseba hạbicʼ okako than boṭkocʼre onko do dhupko jeretʼetʼ tahẽkan onakoe bhõnḍ ocokeda. Uni do Josuạwakʼ phaṭok-duạrte bolokʼ horre okako than boṭkocʼ tahẽkan onako hõe rạputʼ giḍikada. Niạ phaṭok do nagraha reakʼ maraṅakʼ phaṭok duạr khon leṅga secʼre tahẽkana.

2 Rapajko 23:8 Referans Kwoze

1 Rapajko 15:22

Ona tayom Asa raj do Jihudạren sanamko cetanre hukume emkeda, ar okoe hõ bae badletʼkoa. Onate hoṛko do Ramare Basae beohar akatʼ dhiri ar sanam kaṭko idikeda. Ar Asa raj do onakote Benjạmin reakʼ Geba ar Mispa gaṛ lekae benaokeda.

Josuạ 21:17

Ona chaḍa Benjamin gusṭirenkoakʼ jaega khon hõ Gibeon, Geba, Anathot ar Almon ńutuman ponea ato ar nagraha ar onako sãoteakʼ aṭiń ṭạnḍi hõko emocoyena.

Sakariạ 14:10

Goṭa dhạrtige Araba reakʼ tapol ot leka hoyokʼa, Geba khon Jerusalem dạkhin secʼre menakʼ Rimon hạbicʼ, menkhan Jerusalem do usulrege tahena. Benjạmin reakʼ phaṭok duạr khon pạhilakʼ phaṭok duạr ar konac reakʼ phaṭok duạr hạbicʼ ar Hannanelakʼ usul pahra oṛakʼ khon rajakʼ darkha lelen ṭhạ̃i hạbicʼ goṭa nagraha do ṭhikge tahena.

Jesaea 10:29

Onko do buru sinit (giripoth) paromkateko hecʼakana, “Abo do Geba ṭhen ḍerakate bon tahẽ aṅgakʼa.” Onate Rama do thar tharaokʼ kana, Sạulakʼ Geba khon hoṛko doko ńir joṅkana.

1 Bõsbudạ 6:60

Benjạmin gusṭiren jaegako khon doko emocoyena Geba, Alemet, Onathot ar onako beṛhaeteakʼ janwar ạtiń ṭạnḍiko. Jotote gelpe nagraha ar ato do Kohat bõsrenko talareko hạṭińatʼkoa.

1 Rapajko 19:3

Noa iạte Eliạ do botor caṛhaoadete jiwi bańcaotae lạgitʼe dạṛkeda. Uni do Jihudạ ṭoṭha reakʼ Ber-sebate seṭerkate acʼren guti do onḍegeye bạgi oṭowadea,

Bikʼcạrko 20:1

Inạ tayom Gileadren Israelko ar Dan khon Ber-seba hạbicʼ sanam jaegaren hoṛko oḍokʼ hecʼena ar Mispare Probhu Isor ṭhenko jarwayena.

Genesis 26:23

Tayomte Isahak do onḍe khone oḍokente Ber-sebateye calaoena.

Genesis 21:31

Onate ona jaega reakʼ ńutum do Ber-seba (metakʼme “Kiriạ reakʼ kuń”), ente nonḍege unkin dokin kiriạlena.

Genesis 21:14

Unre Abraham do ạḍi setakʼre beretʼkate thoṛa jomakʼ ar dakʼte perecʼ mitʼṭecʼ kum Hagare emadete tarenrey ladeadea. Ar ona tayom gidrạ hõ tireye caladete uniye bidạkadea. Hagar do onḍe khon oḍokʼkate Ber-Seba reakʼ hahaṅkarre ạcur baṛaye ehopʼena.

Jeheskel 44:10

“ ‘Israelko tinre bạṛicʼ horteko senlena unre iń bạgikate okoeko Liwi do boṅga secʼko ạcurlente iń khon sạṅgińko senlen onko do akoakʼ kại reakʼ kuṛại asen baṛae hoyokʼtakoa.

Josuạ 18:24

Kephar-Amoni, Ophni ar Geba. Onko do niạ gelbar goṭecʼ nagraha ar ona aḍepase reakʼ sanam atokoko ńamleda.

Amos 5:5

Ape do Bethel se Gilgal se Ber-sebate alope calakʼa, ente Gilgalren hoṛ do khạṭige bondikate eṭakʼ disạmteko idi ocokʼa ar Bethel do ạuṛiyakʼge hoyokʼa.”