2 Rapajko 23:5 - সান্তালী বাইবেল

⁵ Jihudạ reakʼ nagrahako ar Jerusalem beṛhaeteakʼ than boṭkocʼkore dhup jered lạgitʼ Jihudạren rapajko do boṅga sewawako lạgitʼ okoe naekekoko ojokʼ bahalletʼko, metakʼme okoe do Bakʼal debota, ńindạ cando, siń cando, ipilko, ar sermaren eṭakʼ ipilko ńutumte dhupko jeretʼetʼ tahẽkan onko doe sạṅgiń giḍikatʼkoa.

2 Rapajko 23:5 Referans Kwoze

Hosea 10:5

Samariạreko girobasokʼ kan hoṛ do Beth-Abenren mĩhũ boṅga iạte botor caṛhao akatʼkoa. Uniren hoṛ doko homor halaṅeda ar uniren boṅgako sewawako kan naekeko doko hae haeyokʼ kana, ente boṅgako reakʼ ṭhonok do onko khon sạṅgiń ocoakana.

2 Rapajko 21:5

Ar Probhu Isorakʼ oṛakʼ reakʼ banar racarege sermaren ipilko ńutumte adomakʼ pinḍkoe benaokeda.

2 Bõsbudạ 33:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Ona chaḍa uni do Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren ipilkoe sewawako kan tahẽkana are ḍobokʼako kan tahẽkana.

2 Bõsbudạ 34:4

Uni samaṅre Bakʼal debotawakʼ pinḍko do rạputʼ giḍikada; ar onako cetanre oka dhup dạniko tahẽkan onakoe makʼ rạputʼ ocokeda ar Asera muṭhạn, lakʼ rokʼ murtiko ar dul goṛhon murtikoe rạputʼ gejerketʼkoteye holoṅ ḍigirketʼkoa. Ar onakore okoe do janwarko dãṛẽyetʼko tahẽkan onkoakʼ topa cetanre onako dhuṛiye chiṭiạukada.

Jeheskel 8:6

Uni doe metadińạ, “E manwa hopon, onko cetʼko kạmikan ona do cetʼem ńeletʼkangea? Israelko do onḍe napṛakʼ napṛakʼ hirkhạwakʼko kạmikana ar ona iạte iń do ińakʼ sonot ṭhạ̃i khoniń pharakokʼ kana. Menkhan am do niạ khon hõ artetʼ bạṛicʼakʼ kạmikom ńela.”

Sephaniạ 1:4

“Jihudạ upạrte ar Jerusalemre girobasokʼ kan sanamko upạrte ińakʼ tiyiń rakabtińạ. Niạ disạm khon Bakʼal debota sewawae reakʼ jotowakʼko ar lạṭu ar kạticʼ hudạren sanam naekekoń marao utạrkoa.

Jobakʼ 38:32

Manḍer ipilko do cetʼ okte okterem ạyur oḍok daṛekekoa? Buḍhi parkom ar ona soṅgetenko do cetʼem tiyạkʼ oḍok daṛekekoa?