2 Rapajko 22:9 - সান্তালী বাইবেল

⁹ Ona tayom Saphan do ona puthi raj ṭhen idikateye menkeda, “Probhu Isorakʼ oṛakʼre oka ṭaka tahẽkan ona do amren kạmiyạkoko oḍokketʼte Probhu Isorakʼ oṛakʼ reakʼ kạmi ńel todarotkoakʼ tireko jimạ akada.”

2 Rapajko 22:9 Referans Kwoze

Jeheskel 8:11

Onako samaṅre Israelren gel eae murubbiko teṅgo akan ar onko talare Saphan hopon Jasaniạ teṅgo akaniń ńelkedea. Ar onko mimitʼkoakʼ tire do mitʼṭecʼkate dhup dạni tahẽkana ar ona khon dhũạ do rimil cetan secʼ rakabokʼkan tahẽkana.

Jirimiạ 40:11

Moabrenko, Amonrenko, Edomrenko ar eṭakʼ disạmren sanam Jihudikoko ańjomkeda baṅma Babelren raj do Jihudạ disạmre thoṛa hoṛe bạgi oṭo akatʼkoa ar Gedaliạ do onko cetanre disạm cakʼlaoyicʼ dohoakadea.

Jirimiạ 29:3

Jihudạren Sedekiạ raj do Saphan hopon Elasa ar Hilkiạ hopon Gemaria do Nebukadnesar raj ṭhene kolletʼkina, ar Jirimiạ do unkin tite noa ciṭhiye kolleda. Onare ol tahẽkana:

Jirimiạ 26:24

Menkhan Saphanren hopon Ahikam do Jirimiại goṛowadea, onate Jirimiạ goje lạgitʼ hoṛkoakʼ tire bae soprotledea.

2 Rapajko 25:22

Babelren raj Nebukadnesar do okoe hoṛko Jihudạ disạmreye sarecʼ oṭoletʼko tahẽkan onko cetanre Saphanren goṛomtetʼ koṛa, metakʼme Ahikamren hopon Gedaliạ do disạm cakʼlaoicʼ menteye bahalkedea.

2 Rapajko 22:12

Uni do naeke Hilkiạ, Saphanren hopon Ahikam, Mikaren hopon Akbor, Saphan ar rajren gokʼṛoyicʼ Asayateko noae hukumatʼkoa,

2 Rapajko 22:3

Josiạ rajakʼ rajokʼ gel irạlakʼ bochorre uni do Mesulamren goṛomtetʼ koṛa, metakʼme Asaliạ hopon rajren olokʼicʼ Saphan do niạ katha menkate Probhu Isorakʼ oṛakʼteye kolkedeteye metadea,

2 Rapajko 18:18

Onko do rajko hohoade khan raj oṛakʼren mukhiyạ do Hilkiạren hopon Eliakim, rajren olokʼicʼ Sibna ar Itihãs olokʼicʼ Asaphren hopon Joa noko pene hoṛ do oḍok hecʼente onko ṭhenko senena.

2 Rapajko 22:8

Unre maraṅ naeke Hilkiạ do rajren olokʼicʼ Saphane metadea, “Probhu Isorakʼ oṛakʼre ạn-ạri reakʼ puthiń ńam akada.” Ar Hilkiạ do ona puthi Saphone emade khan uni do onae paṛhaokeda.

2 Rapajko 22:10

Unre olokʼicʼ do niạ katha raje baḍae ocokedea, “Naeke Hilkiạ do mitʼṭecʼ puthiye emakawạdińa.” Ar niạ menkate Saphan do raj onae paṛhao ańjomadea.