2 Rapajko 22:8 - সান্তালী বাইবেল

⁸ Unre maraṅ naeke Hilkiạ do rajren olokʼicʼ Saphane metadea, “Probhu Isorakʼ oṛakʼre ạn-ạri reakʼ puthiń ńam akada.” Ar Hilkiạ do ona puthi Saphone emade khan uni do onae paṛhaokeda.

2 Rapajko 22:8 Referans Kwoze

2 Rapajko 22:9

Ona tayom Saphan do ona puthi raj ṭhen idikateye menkeda, “Probhu Isorakʼ oṛakʼre oka ṭaka tahẽkan ona do amren kạmiyạkoko oḍokketʼte Probhu Isorakʼ oṛakʼ reakʼ kạmi ńel todarotkoakʼ tireko jimạ akada.”

2 Rapajko 23:2

Uni do Jihudạ ar Jerusalemren hoṛko, naekeko, nạbiko, disạm hoṛko ar lekman hoṛkoante Probhu Isorakʼ oṛakʼteye boloyena. Ar Probhu Isorakʼ oṛakʼre okaṭakʼ bondobos puthi ńamlen ona reakʼ sanam kathakoe paṛhao ańjomatʼkoa.

2 Rapajko 23:24

Ona chaḍa okoe do bhutko tulucʼ ar okoe do bạṛicʼ jiuko tulucʼ helmelko dohoyetʼ tahẽkan Josiạ do onko hõe sạṅgiń giḍikatʼkoa. Uni do gharońjren murtiko, boṅgako, Jihudạ ar Jerusalemre oka bạṛicʼakʼ jiniskoe ńelketʼ onako sanamakʼe sạṅgiń giḍikada. Ar naeke Hilkiạ do Probhu Isorakʼ oṛakʼre ạn-ạri reakʼ oka puthiye ńamletʼ ona reakʼ sanam katha jemon ṭhik lekate manao idikʼ ona lạgitʼ Josiạ do noakoe kạmikeda.