2 Rapajko 22:4 - সান্তালী বাইবেল

⁴ “Am do maraṅ naeke Hiskiạ ṭhen calakʼme ar Probhu Isorakʼ oṛakʼre lạgitʼ hoṛkoakʼ ạguakʼ okaṭakʼ ṭaka poesa do horhokoko uṭhạu akatʼ ona reakʼ hisạb jemon ṭhik lekako dohokakʼ.

2 Rapajko 22:4 Referans Kwoze

2 Rapajko 12:4

Joas do naekeye metadea, “Probhu Isorakʼ oṛakʼre sonotakʼ dan lekate tinạkʼ ṭaka poesa ạgukʼ onape hataoa arpe doho jarwaea. Onako do hoyokʼkana- hoṛko lekhako jokhecʼ ạguakʼ ṭaka, manot purạu lạgitʼ ạguakʼ ṭaka ar koejoṅ oṛakʼte apnar kusi leka ạguakʼ ṭaka.

Sereńko 84:10

Eṭakʼ jaegare hajar din khemao khon amakʼ oṛakʼ reakʼ racare mitʼṭecʼ din khemaoge ḍher bhagea; bạṛicʼ hoṛkoakʼ tạmbure ḍerakʼ khon bickom ińren Isorakʼ duạr ṭhen teṅgo tahenge ḍher bhagea.

Nehemiạ 11:19

Phaṭok rurukhiyạko doko hoyokʼkana Akub, Ṭalmon ar onkoren sãotenko. Noko mitʼsae eaegel bar hoṛ do phaṭok duạrko horhoyetʼ tahẽkana.

2 Bõsbudạ 8:14

Uniren apat Dạudakʼ hukum lekate uni do naekeko dạyike emako lạgitʼ eṭakʼ eṭakʼ dolreye hạṭińketʼkoa ar dinạm hilokʼ reakʼ kạmi lekate sarhao sereń lạgitʼ ar naekeko goṛowako lạgitʼ uni do Liwikoe bahalketʼkoa. Mitʼke mitʼ phaṭok duạr lạgitʼ uni do rurukhiyạko dol lekateye bahalketʼkoa, ente nonkage Isorren hoṛ Dạud doe hukumletʼ tahẽkana.

1 Bõsbudạ 6:13

Sollumren hopon Hilkiạ, Hilkiạren hopon Asariạ,

2 Rapajko 18:18

Onko do rajko hohoade khan raj oṛakʼren mukhiyạ do Hilkiạren hopon Eliakim, rajren olokʼicʼ Sibna ar Itihãs olokʼicʼ Asaphren hopon Joa noko pene hoṛ do oḍok hecʼente onko ṭhenko senena.

2 Rapajko 12:5

Ar mimitʼ naekeko do akoren hoṛko ṭhen khon ṭaka poesa hataokate koejoṅ oṛakʼ jut aroe kạmire ona jemonko beohar ma.”