2 Rapajko 22:3 - সান্তালী বাইবেল

³ Josiạ rajakʼ rajokʼ gel irạlakʼ bochorre uni do Mesulamren goṛomtetʼ koṛa, metakʼme Asaliạ hopon rajren olokʼicʼ Saphan do niạ katha menkate Probhu Isorakʼ oṛakʼteye kolkedeteye metadea,

2 Rapajko 22:3 Referans Kwoze

2 Rapajko 12:10

Nonkate tinreko ńelkeda ona baksare aema ṭaka jarwa akana unre rajren hoṛ ar naekeko hecʼkate Probhu Isorakʼ oṛakʼre ạguakʼ ṭaka lekhakate thạilạkʼreko bhoraokakʼ kan tahẽkana.

Jirimiạ 1:2

Jihudạren raj Amonren hopon Josiạwakʼ rajokʼ gelpe bochor oktere Probhu Isorakʼ katha do Jirimiạ ṭhen sodorena.

2 Rapajko 23:23

Menkhan Josiạ rajakʼ rajokʼ gel irạlakʼ bochorre Jerusalemre Probhu Isor ńutumte niạ bańcaokʼ porobko porobena.

Jirimiạ 36:10

Unre Probhu Isorakʼ oṛakʼ reakʼ nãwã phaṭok duạr ṭhen cetan reakʼ bakher racare Saphan hopon Gemariạ olokʼicʼakʼ kandhare teṅgokate Baruk do ona puthi khon Jirimiạ reakʼ kathako sanam hoṛkoe paṛhao ańjomatʼkoa.

Jirimiạ 36:11

Saphanren goṛomtetʼ koṛa, metakʼme Gemariạren hopon Mikạ do tinre ona puthi khon Probhu Isorakʼ sanam kathakoe paṛhao ańjomatʼkoa,

Jirimiạ 36:12

unre uni do raj oṛakʼ talare olokʼicʼakʼ kandhateye boloyena; onḍe do sanam rajkạmiyạko, metakʼme olokʼicʼ Elisama, Semayaren hopon Delaya, Akborren hopon Elnathan, Saphan hopon Gemariạ, Hanani hopon Sedekiạ ar eṭakʼ sanam mukhiyạkoko duṛupʼ akan tahẽkana.