2 Rapajko 22:2 - সান্তালী বাইবেল

² Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana ar etom se końe secʼ do bae taṛametʼ tahẽkana.

2 Rapajko 22:2 Referans Kwoze

Josuạ 1:7

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Dosar Biboron 5:32

“Onate aboren Probhu Isor do ape okaṭakʼ cekae lạgitʼe hukum apekan ona do joton salakʼ manao hoyokʼtapea; ar ona khon do bape ghańjeṛ daṛeakʼa.

2 Rapajko 18:3

Hiskiạ do acʼren hapṛam Dạud lekage Probhu Isorakʼ mẽtʼre oka bhageakʼkan onageye kạmikan tahẽkana.

1 Rapajko 3:6

Unre Solomone roṛ ruạṛkeda, “Ińren ạpuń amren guti do ḍher pạtiạrem udukʼ akadea, ente uni do amre pạtiạre tahẽkana ar dhorom ar soṛageye tahẽkana. Teheń siṅghạsonre duṛupʼ lạgitʼ am do mitʼṭen hoponem emakawadea ar nonkate amakʼ asambheṛ pạtiạrem udukʼae kana.

Kạhtukko 20:11

Gidrạ do acʼakʼ kạmikotegeye oromokʼ kana, uniye kạmikanakʼ do napae ar ṭhikakʼ kana se baṅa.

Kạhtukko 4:27

Jojom ti secʼ se leṅga ti secʼ alom ghańjeṛokʼa; ar bạṛicʼ khon amakʼ jaṅga sahaṛ akae dohoytam.

2 Bõsbudạ 29:2

Hiskiạ do acʼren hapṛam Dạud lekage Probhu Isorakʼ mẽtʼre oka bhageakʼkan onageye kạmikan tahẽkana.

2 Rapajko 16:2

Uni do bargel bochor umer tahẽkanre raje hoylena ar Jerusalemre gel turui bochor raje calaokeda. Uniren hapṛam Dạud do cetʼ leka Probhu Isorakʼ mẽtʼre bhageakʼe kạmikan tahẽkan onka Ahas do bae kạmiyetʼ tahẽkana.

1 Rapajko 11:38

Ińakʼ hukum lekam kạmi ar ińakʼ hortem calakʼ ar ińren guti Dạud leka ińakʼ hukum ar niạmkom pańjaete ińakʼ mẽtʼ samaṅre okaṭakʼ ṭhik onam kạmi enḍekhan iń do am sãoteń tahena. Ar Dạud lekage amakʼ bõsrenko do raj hudạreń teṅgo keṭecʼkoa ar amakʼ tire Israelkoń jimạkoa.

2 Bõsbudạ 17:3

Probhu Isor do Jehosaphat sãoteye tahẽkana, ente uniren hapṛam Dạud pạhilre cetʼlekae calakʼkan tahẽkan onkage uni hõe calakʼkan tahẽkana. Uni do Bakʼal debota do baṅa bickom uniren hapṛamkoren Isorgeye dewa sewawae kan tahẽkana ar Israelko leka calakʼ baṅkate Isorakʼ hukum lekae calakʼ kan tahẽkana.

1 Rapajko 15:5

ente Probhu Isorakʼ mẽtʼre okaṭakʼ ṭhikakʼ kan onage Dạud doe kạmiyetʼ tahẽkana. Eken Uriạ hitti hoṛakʼ ghoṭna chaḍa uniyakʼ goṭa jionre Probhu Isorakʼ oka hukumge bae bemanotleda.

2 Bõsbudạ 31:20

Hiskiạ do Jihudạ reakʼ joto jaegare nonkageye kạmikeda. Uniren Probhu Isorakʼ mẽtʼre oka bhageakʼ, sạriạkʼ ar dhoromteakʼ kan onageye kạmiyetʼ tahẽkana.

2 Bõsbudạ 34:1

Josiạ do irạl bochor umerre raje hoylena ar pe gel mitʼ bochor Jerusalemre raje calaokeda.

Sephaniạ 1:1

Amonren hopon Jihudạren raj Josiạwakʼ rajokʼ jokhecʼ Kusren hopon Sephaniạ ṭhen Probhu Isorakʼ katha do sodorena. Kus do Gedaliạren hopon, ar Gedaliạ do Amariren hopon, ar Amari do Hiskiạren hopone tahẽkana.

1 Rapajko 15:11

Uniren hapṛam Dạud leka Asa do Probhu Isorakʼ mẽtʼre okaṭakʼ bhageakʼ kan onageye kạmikan tahẽkana.

2 Rapajko 12:3

Menkhan than boṭkocʼko do uni hõ bae marao utạrleda; hoṛko do un hạbicʼ hõ onakore janwarko dãṛẽyetʼko tahẽkana ar dhupkoko jeretʼetʼ tahẽkana.

2 Rapajko 14:3

Amasiạ do Probhu Isorakʼ mẽtʼre okaṭakʼ bhageakʼkan onageye kạmiyetʼ tahẽkana, menkhan uniren hapṛam Dạud leka do baṅa. Uni do acʼren apat Joas leka sanamakʼgeye kạmiyetʼ tahẽkana.