2 Rapajko 22:10 - সান্তালী বাইবেল

¹⁰ Unre olokʼicʼ do niạ katha raje baḍae ocokedea, “Naeke Hilkiạ do mitʼṭecʼ puthiye emakawạdińa.” Ar niạ menkate Saphan do raj onae paṛhao ańjomadea.

2 Rapajko 22:10 Referans Kwoze

Jirimiạ 36:21

Unre raj do ona puthi ạguiy lạgitʼ Jehudiye kolkadea. Ar Jehudi do olokʼicʼ Elisamawakʼ kandha khon ona guṛhe puthi ạgukate raj ar uni aṛere teṅgo akan sanam rajkạmiyạko samaṅre ona paṛhao ańjomakoe ehopʼena.

Jirimiạ 36:15

Onko do Barukko metadea, “Dayakate ma duṛupʼme ar ona paṛhao ańjomaleme.” Unre Baruk do onkoe paṛhao ańjomatʼkoa.

Jirimiạ 36:6

Onate am do mitʼṭecʼ upạs dinre Probhu Isorakʼ oṛakʼte bolokate noa puthire olakʼ Probhu Isorakʼ katha hoṛkom paṛhao ańjomakoa one oka do ińakʼ moca khonem ańjomakatʼ. Ar Jihudạren hoṛko okoe do akoakʼ nagraha khonko hijukʼ onko sanamko hõ onam paṛhao ańjomakoa.

Jirimiạ 13:18

Probhu Isor do ińe metadińạ, “Am do raj ar uniren eṅgatem metaea, ‘siṅghạson ṭhen khon pheḍ hijukʼ ben, ente abenakʼ ṭhonokanakʼ mukuṭ do abenakʼ bohokʼ khon ńur akana.

Nehemiạ 13:1

Hoṛko do Moseyakʼ puthi khon paṛhao ańjomatʼko khan ńelena, onḍe do nonka ol menakʼa Amonren ar Moabrenko do Isorren hoṛkoakʼ somajre bako seletʼ daṛeakʼa.

Nehemiạ 8:18

Pạhil hilokʼ khon ehopʼkate mucạtʼ din hạbicʼ Esra do dinạmge Isorakʼ ạn-ạri reakʼ puthi khone paṛhao ańjomatʼkoa. Hoṛko do eae din hạbicʼko porobena ar irạl hilokʼ do niạm leka mitʼṭecʼ sabhako hoyocokeda.

2 Bõsbudạ 34:18

Unre olokʼicʼ Saphan do niạ katha raje baḍae ocokedea, “Naeke Hilkiạ do mitʼṭecʼ puthiye emakawạdińa.” Ar niạ menkate Saphan do raje paṛhao ańjomadea.

2 Rapajko 22:9

Ona tayom Saphan do ona puthi raj ṭhen idikateye menkeda, “Probhu Isorakʼ oṛakʼre oka ṭaka tahẽkan ona do amren kạmiyạkoko oḍokketʼte Probhu Isorakʼ oṛakʼ reakʼ kạmi ńel todarotkoakʼ tireko jimạ akada.”

2 Rapajko 22:11

Ạn-ạri reakʼ puthire oka ol tahẽkan ona ańjomte raj do acʼakʼ kicricʼe oṛecʼketʼtaea.

Jirimiạ 36:13

Baruk do ona puthi khon okae paṛhao ańjomatʼko Mikạ do onko rajkạmiyạko ṭhen ona jotowakʼe lạikeda;

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Jesaea 66:5

Ape okoe Probhu Isorakʼ kathatepe luk lukạukʼ kan ape do uniyakʼ katha ańjomtaepe. Uniye meneda, “Aperen boeha do apeko kurudapea ar iń iạte apeko ḍheka oḍokpea. Onko doko mena, ‘Probhu Isorakʼ ṭhonok hoyokʼma, ale do jemon apeakʼ rạskạle ńelńam,’ Menkhan onko do apnartege lajaoreko paṛaokʼa.