2 Rapajko 21:9 - সান্তালী বাইবেল

⁹ Menkhan hoṛko do ona katha bako ańjomleda. Manase do bạṛicʼ horteye ạyurketʼkoa; ar Probhu Isor do okoe jạtrenko Israel hoponko samaṅ khone marao giḍiletʼko onko khon hõ ḍher bạṛicʼakʼe kạmikeda.

2 Rapajko 21:9 Referans Kwoze

Kạhtukko 29:12

Mạliki calaoetʼ hoṛ eṛe kathae luturakʼ khan uniren sanam kạmiyạko hõko bạṛijokʼa.

Johan sodor 2:20

Enhõ am upạrte ińakʼ noa katha roṛ reakʼ menakʼtińạ. Am do Jesebel ńutuman uni maejiuakʼ bedhoromtetʼem sahao akatʼa. Nui Jesebel do acʼte nạbiye ńumogokʼ kana. Ar acʼakʼ cecetʼakʼte uni do ińren gutikoe bulạuetʼkoa, jemon onko do laṭghaṭko kạmi ar boṅga ṭhen samaṅakʼ jomakʼko jom.

Jakob 4:17

Onate bhage kạmi baḍaekate hõ okoe bae kạmi uni doe kạiyeda.

Johan 15:22

“Iń aloń hecʼlen khan ar bạń galmaraoako khan onko do ohoko dusikokʼa; menkhan ńitokʼ do kại reakʼ jãhãn ạnḍuṅge bạnukʼtakoa.

Luk 13:34

“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.

Hosea 5:11

Ephrayim do acʼakʼ kusileka michạwakʼe pańjayeda uni doe santao ocokʼkana ar bicạrreye lebetʼ gańjao ocoakana.

Daniel 9:6

Aleren rajko, mukhiyạko, hapṛamko ar disạmren sanam hoṛko ṭhen amren guti nạbiko do am emakʼ oka kathako menakatʼ ona do ale bale ańjomleda.

Nehemiạ 9:26

“Menkhan enhõ onko do bebatao iạte am upạrteko hulkeda; ar amakʼ ạn-ạriko bạgiyada. Amren okoeko nạbi do am secʼ ruạṛ lạgitʼko sontoretʼko tahẽkan onko nạbi doko gocʼketʼkoa; ar am do ạḍi bạṛicʼko opomanketʼmea.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

2 Bõsbudạ 33:9

Manase do Jihudạ ar Jerusalemren hoṛko bạṛicʼ horteye ạyurketʼkoa; ona iạte Probhu Isor do okoe jạtrenko Israel hoponko samaṅ khone marao giḍiletʼko onko khon hõ ḍher bạṛicʼakʼ kạmiko ehopʼena.

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

Jeheskel 16:47

Enrehõ am do unkinakʼ horkore taṛamte ar unkinakʼ hirkhạwakʼko leka kạmite do bam tirpitlena, bickom eken thoṛa ghạṛitege amakʼ sanam horkore unkin khon hõ bạ̃ṛtigem kharapena.

Sereńko 81:10

Ińge Probhu, aperen Isor do; Ińge Misor disạm khon ape doń oḍok ạguakatʼpea. Apeakʼ moca cahabtape, ar iń doń ajoapea.

Sereńko 12:8

Hoṛko bạṛicʼakʼ tinre manotko emakʼa unre bedhoromko do sạdhinte beṛhaeteko dãṛãbaṛaea.

2 Rapajko 21:10

Unre Probhu Isor do acʼren gutiko, metakʼme nạbiko hotete niạ kathae menkeda,

Jeheskel 5:7

“Onate iń Probhu Isoriń meneda, E Jerusalem, am beṛhaeteakʼ disạmko khon hõ bạ̃ṛtim bạṛicʼ akana. Am do ińakʼ niạm bam ańjomakada ar ińakʼ ạn ạriko hõ manao tińme. Am beṛhaeten jạtrenko hõ niạm lekate bako calao akana.

1 Samuel 8:19

Menkhan hoṛko do Samuelakʼ niạ katha bako moneyatʼtaea. Onkoko menkeda, “Baṅa, ale do mitʼṭen rajgele khojkana.

2 Rapajko 16:3

Uni do Israelren rajko lekageye calakʼkan tahẽkana; ar Probhu Isor Israelko samaṅ khon okoe jạtrenkoe laga ńirletʼko onkoakʼ bạṛicʼakʼ kạmiko lekage uni do acʼren hopon seṅgelreye samaṅledea.

Jeheskel 5:6

Menkhan onakoren do ińakʼ ạnko upạrte bebạṛicʼko ṭhok akada, boṅgan hoṛ jạtrenko khon bạ̃ṛtige dusṭạmiko kạmi akatʼte, ar ińakʼ ạriko upạrte beṛhaeteakʼ disạmkorenko khon bạ̃ṛtige; ente ińakʼ ạnkoko phesṛao giḍi akada ar ińakʼ ạrikore hõ bako taṛamakada.

Jeheskel 11:12

Unrepe baḍae daṛeakʼa, ińkangeạń Probhu Isor do. Ińakʼ niạm leka ape do bape calao akana se ińakʼ ạn ạriko bape manao akada bickom ape beṛhaeten jạtrenkoakʼ niạm lekatepe calao akana.’ ”

Jeheskel 22:3

Unim metaea, Probhu Isore meneda, ‘noa do ona nagraha kana, okoe do apnar talare mãyãm joro ocokate apnarakʼ sorbonase ạgujoṅa ar boṅga benaokate apnartetʼe bhonḍokʼkan.