2 Rapajko 21:5 - সান্তালী বাইবেল

⁵ Ar Probhu Isorakʼ oṛakʼ reakʼ banar racarege sermaren ipilko ńutumte adomakʼ pinḍkoe benaokeda.

2 Rapajko 21:5 Referans Kwoze

1 Rapajko 7:12

Pinḍạ sudhạ Probhu Isorakʼ oṛakʼ bhitri reakʼ bakher raca lekage raj doṅgol reakʼ maraṅ bakher raca beṛhaeteakʼ bhitko hõ napaete getʼ akatʼ pe sạr dhiri ar debdạru dare reakʼ mitʼ sạr dạriạ kaṭte benao akan tahẽkana.

2 Rapajko 23:12

Raj oṛakʼ reakʼ chatre Ahas rajakʼ kandha ṭhen Jihudạren rapajko okako pinḍko benaoletʼ ar Probhu Isorakʼ oṛakʼ reakʼ banar racare Manase okako pinḍe benaoletʼ Josiạ do onako hõe rạputʼ gejerketʼte Kedron soḍokʼreye giḍikada.

2 Rapajko 23:4

Unre raj do Bakʼal debota ar Asera ar sermaren ipilko ńutumte benaoakʼ sanam jinisko Probhu Isorakʼ oṛakʼ khon oḍok giḍikakʼ lạgitʼ maraṅ naeke Hilkiạ, ar huḍiń naekeko ar pahradarkoe hukumatʼkoa. Uni do Jerusalem bahre Kedron soḍokʼ reakʼ bilạn ṭạnḍire onakoe atar giḍikada ar torocʼko do Jerusalemteye idikeda.

1 Rapajko 6:36

Ar napaete la-getʼakatʼ pe sạr reakʼ dhiri ar debdạru dare reakʼ mitʼ sạr reakʼ moṭa kaṭte do bhitri raca reakʼ beṛhaeteakʼ bhitkoe benaokeda.

Jeheskel 44:19

Onko do tinre bahre racare tahenkan hoṛko ṭhenko calakʼa unre sekʼwa kạmi reakʼ kicricʼ totʼkate sonot oṛakʼreko doho oṭokakʼa ar eṭakʼ kicricʼko horoga, jemon onkoakʼ kicricʼ reakʼ jakʼte hoṛko iń ńutumte aloko begarokʼ.

Jeheskel 43:5

Unre Probhu Isorren jiu do ińe rakapʼ idikedeńte bhitri racateye idikedeńạ, ar Probhu Isorakʼ ṭhonok do mundil oṛakʼre perecʼena.

Jeheskel 42:3

Noa dolan do tahẽkana bhitri raca reakʼ bargel moka ona phaelao jaega ar bahre racare tol akatʼ jaega talare. Dolan do pe mahla tahẽkana ar mimitʼ mahla reakʼ kandhako samaṅte taṛam reakʼ hor hõ tahẽkana.

Jeheskel 40:47

Ona tayom uni do racae jokhakeda. Ona do tahẽkana mitʼsae moka jeleń ar mitʼsae moka osar mitʼṭecʼ ponkona ṭhạ̃ige. Ar pinḍ do mundil oṛakʼ samaṅre tahẽkana.

Jeheskel 40:37

Ona reakʼ kham khunṭi do bahre raca secʼ tahẽkana; ar onakore do khijur dare muṭhạn rokʼ akan tahẽkana. Ar onḍe rakabokʼ lạgitʼ do irạl goṭecʼ siṛhi tahẽkana.

Jeheskel 40:32

Ona tayom uni do bhitri raca reakʼ purub secʼe ạgukedińa ar onḍenakʼ phaṭok duạre jokhakeda; ona reakʼ jokha hõ eṭakʼakʼko lekage tahẽkana.

Jeheskel 40:28

Ona tayom uni do bhitri raca reakʼ dạkhin duạr talate bhitri racateye idikedińa ar phaṭok duạre jokhakeda; onako do eṭakʼakʼko leka inạ mitʼ jokhage hoyena.

2 Bõsbudạ 33:15

Uni do Probhu Isorakʼ oṛakʼ khon debotakoakʼ muṭhạnkoe oḍok giḍikatʼkoa. Uni do Jerusalemre ar Probhu Isorakʼ oṛakʼ reakʼ buru cetanre okako pinḍe benao ocoletʼ onako hõe oḍok keda. Ar nagraha bahreteye giḍikada.

2 Bõsbudạ 33:5

Probhu Isorakʼ oṛakʼ reakʼ banar racarege uni do sermaren ipilko ńutumte adomakʼ pinḍkoe benaokeda.

2 Rapajko 23:6

Uni do Probhu Isorakʼ oṛakʼ khon Asera muṭhạn hataokate Jerusalem bahre Kedron soḍokʼte idikate onakoe atar giḍikada. Ona tayom onako gunḍạkate ona reakʼ dhuṛi do hoṛkoakʼ topa cetanreye chiṭiạukada.

2 Rapajko 23:5

Jihudạ reakʼ nagrahako ar Jerusalem beṛhaeteakʼ than boṭkocʼkore dhup jered lạgitʼ Jihudạren rapajko do boṅga sewawako lạgitʼ okoe naekekoko ojokʼ bahalletʼko, metakʼme okoe do Bakʼal debota, ńindạ cando, siń cando, ipilko, ar sermaren eṭakʼ ipilko ńutumte dhupko jeretʼetʼ tahẽkan onko doe sạṅgiń giḍikatʼkoa.

2 Bõsbudạ 4:9

Uni do naekeko lạgitʼ mitʼṭecʼ racae sapṛaokeda; ar ona tayom do ar mitʼṭecʼ maraṅ racae benao ocoketʼte ona lạgitʼ silpińkoe benao ocokeda ar ona silpińko do pitạlteye tol ocokeda.

Jeheskel 8:16

Ona tayom uni do Probhu Isorakʼ oṛakʼ bhitri reakʼ racareye idikedińa ar onḍe koejoṅ oṛakʼte bolokʼ hor reakʼ pinḍạre ar pinḍ talare bargel mõṛẽ hoṛko tahẽkana. Onko do Probhu Isorakʼ mundil secʼ deakate siń candoko sewawae kan tahẽkana.