2 Rapajko 21:4 - সান্তালী বাইবেল

⁴ Okaṭakʼ oṛakʼ reaṅ Probhu Isore menletʼ, “Iń do jaejug hạbicʼ Jerusalemreń tahena,” Probhu Isorakʼ ona oṛakʼre uni do pinḍkoe benaokeda.

2 Rapajko 21:4 Referans Kwoze

1 Rapajko 8:29

Ar okaṭakʼ jaega reakʼem menakatʼ, ‘niạ ṭhạ̃i do ińakʼ tahen oṛakʼ hoyokʼa,’ ona ṭhạ̃i secʼ, metakʼme niạ koejoṅ oṛakʼ secʼ amakʼ mẽtʼ siń ńindạ beṅgetʼ akae baṛe tahenma; ar niạ ṭhạ̃i secʼ samaṅkate amren guti tinreye koejoṅa unre uniyakʼ koejoṅ baṛe ańjomtaeme.

2 Samuel 7:13

Amren uni hoponge ińakʼ ṭhonok lạgitʼ mitʼṭecʼ oṛakʼe benaoa. Ar uniyakʼ raj siṅghạson do jaejug hạbicʼ tahena.

Jirimiạ 32:34

Onko do ińakʼ oṛakʼre akoren hirkhạwan murhutʼko doho akatʼkote onako bhonḍakada.

1 Rapajko 9:3

Probhu Isor do uniye metadea, “Am okaṭakʼ koejoṅ ar nehõrem dohoakatʼ ona doń ańjom akada. Amakʼ benaoakʼ niạ mundil do jaejug hạbicʼ ińakʼ tahen oṛakʼ lekate iń ńutumteń begar dohoakada. Niạ cetanre ińakʼ mẽtʼ ar mon do jao okte tahentińạ.

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Exodus 20:24

Ape do iń lạgitʼ hasa reakʼ mitʼṭecʼ pinḍ benaope, ar ona cetanre jeredokʼ samaṅokʼakʼ dãṛẽ ar sulukren samaṅokʼakʼ ḍaṅgra, merom ar bheḍa samaṅkope. Ar okako ṭhạ̃ire ińakʼ ńutum disại lạgitʼ iń bondobos ona jaegare hecʼkate apeń bhorapea.

Jirimiạ 32:31

Oka hilokʼ noa nagraha benaolen enhilokʼ khon teheń hạbicʼ onage ińakʼ khĩs ar edre do nonkae rakapʼ ocoakada je, ińakʼ mẽtʼãhã samaṅ khon ona doń ocokʼ giḍikakʼa,

Jeheskel 23:38

Ona chaḍa inạko okterege unkin do ińakʼ oṛakʼkin bhonḍ akada. Unkin do ińakʼ jirạukʼ mãhãko reakʼ sonottetʼ do bạkin rukhiyạ akada.

2 Rapajko 23:12

Raj oṛakʼ reakʼ chatre Ahas rajakʼ kandha ṭhen Jihudạren rapajko okako pinḍko benaoletʼ ar Probhu Isorakʼ oṛakʼ reakʼ banar racare Manase okako pinḍe benaoletʼ Josiạ do onako hõe rạputʼ gejerketʼte Kedron soḍokʼreye giḍikada.

2 Rapajko 23:27

Ona iạte Probhu Isore menkeda, “Iń samaṅ khon cetʼ leka Israelkoń sạṅgiń giḍiletʼko onkage Jihudạ hõń sạṅgiń giḍikaea, ar okaṭakʼ nagrahań bachaoan tahẽkan Jerusalem ar ona reaṅ iń menletʼ, ‘ińakʼ tahen oṛakʼ hoyokʼa mente’ ona koejoṅ oṛakʼ doń nihạ̃t giḍikakʼa.”

2 Bõsbudạ 6:5

‘ińren hoṛko Misor disạm khoniń oḍok ạguketʼko tayom ińiń sodorokʼ reakʼ ṭhạ̃i lekate mitʼṭecʼ oṛakʼ benao lạgitʼ Israelkoakʼ jãhãn gusṭi reakʼ nagraha hõ bạń bachaoana, se ińren hoṛ Israelko cetanre mukhiyạ hoyokʼ lạgitʼ hõ jãhãe hoṛko bạń bachao akawana,

2 Bõsbudạ 6:6

menkhan ńitokʼ do ińakʼ tahen oṛakʼ lekate Jerusalemiń bachaoana ar ińren hoṛ Israelko ḍanṭaoko lạgitʼ do Dạudgeń bachao akadea.’

Jirimiạ 7:30

Probhu Isore meneda, “Jihudạren hoṛ do iń nońjorre bạṛicʼakʼko kạmi akada. Ińakʼ oṛakʼre akoren hirkhạwan boṅgako doho akatʼkote onako bhonḍakada.

Jirimiạ 32:35

Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

Jeheskel 23:39

Inạko dinrege unkin do ạkinren boṅgako ṭhen ạkinren hopon ar hoponerako kin teṅgen akatʼkoa ar ińakʼ oṛakʼte bolokatekin bhõnḍ akana. Unkin do ińakʼ oṛakʼrege noakin kạmi akada.