2 Rapajko 21:3 - সান্তালী বাইবেল

³ Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Israelren Ahab raj cetʼ lekae cekaletʼ onkage uni hõ Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren sanam ipilkoe sewawako kan tahẽkana.

2 Rapajko 21:3 Referans Kwoze

2 Rapajko 18:4

Uni do than boṭkocʼkoe maraokeda, ar sekʼwa dhirikoe rạputʼ giḍikada ar Asera khunṭikoe makʼ rạputʼkada. Ar Moseye benaolede pitạlren biń hõe rạputʼ khanḍa khunḍikedea, ente Israelko do un hạbicʼ hõ uni biń ńutumte dhupko jeretʼetʼ tahẽkana. Pitạlren bińakʼ ńutum do Nehustan tahẽkana.

2 Rapajko 17:16

Onko do akoren Probhu Isorakʼ sanam hukum bạgikate ako lạgitʼ dulakʼ barea mĩhũ muṭhạn ar mitʼṭecʼ Asera khunṭiko benao joṅan tahẽkana. Onko do sermaren ipilkoko sewawako kan tahẽkana ar Bakʼal debota hõko sewawae kan tahẽkana.

Dosar Biboron 17:3

Ar hoedaṛeakʼa uni do ińakʼ hukum birudre senkate debotakoe sewawako ar onko debota se siń cando, ńindạ cando se sermaren ipilkoe sewawako.

Dosar Biboron 4:19

Serma secʼ beṅgetʼkate siń-cando, ńindạ-cando ar ipilko, metakʼme coṭ sermare menakʼakʼ jiniskote apeakʼ mẽtʼ do alo baṛe bulạukʼtapema ar dhạrtiren sanam jạtrenko cetanre emakʼ aperen Probhu Isorakʼ noa jinisko reakʼ alope sewawakʼa.

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Jobakʼ 31:26

ar siń cando reakʼ jhak jhak marsal ar ńindạ cando reakʼ terdecʼ secʼ beṅgetʼ akaeyiń tahen khan,

2 Bõsbudạ 34:3

Uniyakʼ rajokʼ irạlakʼ bochorre uniyakʼ umer komge tahẽkanre hõ uniren hapṛam Dạudren Isorakʼ sana leka calakʼ reaṅgeye mone murukkeda. Uniye rajokʼ gelbar bochor oktere uni do than boṭkocʼko, Asera muṭhạnko, lakʼ rokʼ murtiko ar dul benao murhutʼko Jerusalem ar Jihudạ khone sạṅgińketʼkoa.

2 Bõsbudạ 32:12

Hiskiạ do cetʼ apnartetʼge ona than boṭkocʼ ar pinḍko bae marao giḍi akada? Jihudạ ar Jerusalemren hoṛko do cetʼ bae menakatʼkoa, eken mitʼṭecʼ pinḍrege sewae hoyokʼa ar ona cetanre dhup do jered hoyokʼa mente?

2 Rapajko 18:22

Menkhan aperen Probhu Isor cetanrepe bhorsakʼ kana mentepe mitạń, enḍekhan uni do cetʼ uni Isor doe baṅkana one uniyakʼ than boṭkocʼko ar pinḍko Hiskiạ doe marao giḍiakatʼtae ar one Jihudạ ar Jerusalemren hoṛkoe metakokan Jerusalem reakʼ pinḍ samaṅrege dewa sewae hoyokʼtakoa mente?

2 Rapajko 8:27

Ahasiạ do Ahabakʼ bõsren hoṛkoakʼ hortegeye taṛametʼ tahẽkana ar onko lekage Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana, ente bapla hotete Ahabakʼ gharońj tulucʼ uniyakʼ jopoṛao do hoylentaea.

2 Rapajko 8:18

Ahabakʼ bõsren hoṛko lekage uni do Israelren rajkoakʼ horteye calakʼkan tahẽkana, ente uni do Ahabren mitʼṭen hoponerae baplaledea. Ar Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

1 Rapajko 18:26

Okoeṭakʼ ḍaṅgra onkoko hataoan uniko getʼ khanḍa khunḍikedete mońjteko tearkedea. Ona tayom onko do setakʼ khon tikin hạbicʼ Bakʼal debotako hohoadea. Ar ãṭ aṛaṅte hohoaeko ehopʼena, “E Bakʼal debota, de roṛ ruạṛaleme baṛe.” Menkhan cetʼ roṛ ruạṛge bako ńamleda. Ar onko do pinḍko beṛahaete enejokʼko ehopʼena.

1 Rapajko 18:21

Eliạ do hoṛko samaṅre senkateye menkeda, “Ar tinạkʼ din barea lạukạre lebetʼ akanpe tahena? Probhu doe Isorkan khan unige sewawaepe, ar Bakʼalgeye Isorkan khan enḍekhan unige sewawaepe.” Menkhan hoṛko do cetʼge bako roṛ ruạṛleda.

Dosar Biboron 16:21

“Aperen Probhu Isor ńutumte pinḍpe benaore ona pantere sekʼwae lạgitʼ Asera khunṭi reakʼ jãhãn kaṭko alope bitʼjoṅa,

Dosar Biboron 17:2

“Aperen Probhu Isore emape lạgidokʼkan ato se nagrahare hoedaṛeakʼa, ape modren jãhãe herel hoṛ se maejiu Probhu Isorakʼ emakʼ bondobos rạputʼkate uniyakʼ nońjorre oka bạṛicʼakʼkan onageye onkae.

Dosar Biboron 20:18

Ar bape onka lekhan onkoren debotako sewawako reakʼ hirkhạwakʼ kạmipe cetʼjoṅa ar onate aperen Probhu Isor upạrtepe kạiya.

Jirimiạ 7:30

Probhu Isore meneda, “Jihudạren hoṛ do iń nońjorre bạṛicʼakʼko kạmi akada. Ińakʼ oṛakʼre akoren hirkhạwan boṅgako doho akatʼkote onako bhonḍakada.

2 Rapajko 13:6

Menkhan Jerobiam Israelko cetʼlekae kại ocoletʼko onko do uniyakʼ bõsrenko reakʼ onako kại khon bako ruạṛlena, menkhan kạmi iditegeko tahẽyena. Ona chaḍa Asera muṭhạn do unhõ Samariạrege tahẽyena.

Jesaea 65:11

Menkhan ape okoe do Probhu Isorpe bạgi akawadea ar ińakʼ sonot burupe hiṛiń akatʼ, ar okoe do bhạg lạgitʼ mejpe sajaoetʼ ar likhạ lạgitʼ bubulakʼkote bạṭikope perecʼetʼ,